കമ്പനി ആയുധങ്ങളോട് പടവെട്ടി നാടൻ ഇരുമ്പുപണിക്കാർ

കു​റ്റ്യാ​ടി: കാ​ർ​ഷി​ക​വൃ​ത്തി​ക്കും കെ​ട്ടി​ട​നി​ർ​മാ​ണ​ത്തി​നു​മു​ള്ള ആ​യു​ധ​ങ്ങ​ൾ ഏ​റെ​യും ഇ​ന്ന് ക​മ്പ​നി​ക​ളി​ൽ നി​ർ​മി​ക്കു​മ്പോ​ൾ തൊ​ഴി​ലാ​ളി​ക​ൾ​ക്ക് പ്രി​യം കൊ​ല്ല​ന്റെ ആ​ല​ക​ളി​ൽ നി​ർ​മി​ക്കു​ന്ന നാ​ട​ൻ ആ​യു​ധ​ങ്ങ​ൾ​ത​ന്നെ. ചെ​ല​വേ​റു​മെ​ങ്കി​ലും നാ​ട​ൻ ഉ​ൽ​പ​ന്ന​ങ്ങ​ൾ​ക്ക് ഗു​ണ​മേ​റെ​യെ​ന്നാ​ണ് തൊ​ഴി​ലാ​ളി​ക​ളു​ടെ അ​ഭി​പ്രാ​യം. കൊ​ല്ല​ൻ നി​ർ​മി​ക്കു​ന്ന വാ​ക്ക​ത്തി​ക്ക് അ​റു​നൂ​റി​ലേ​റെ രൂ​പ വി​ല​യു​ള്ള​പ്പോ​ൾ ക​മ്പ​നി​വി​ല 200 രൂ​പ മാ​ത്രം.

എ​ന്നാ​ൽ, ഇ​രു​മ്പി​ന്റെ ഗു​ണ​നി​ല​വാ​രം കു​റ​ഞ്ഞ​തി​നാ​ൽ മൂ​ർ​ച്ച കു​റ​വ്. എ​ളു​പ്പം റി​പ്പ​യ​ർ വേ​ണ്ടി​വ​രു​ക​യും ചെ​യ്യും. തെ​ങ്ങു​ക​യ​റ്റ​ക്കാ​രു​ടെ നീ​ള​മേ​റി​യ വാ​ക്ക​ത്തി ഇ​ന്നും കൊ​ല്ല​ന്റെ ആ​ല​യി​ൽ​ത​ന്നെ​യാ​ണ് നി​ർ​മി​ക്കു​ന്ന​ത്. കാ​രി​രു​മ്പി​നോ​ട് പ​ട​വെ​ട്ടാ​ൻ പു​തു​ത​ല​മു​റ വി​മു​ഖ​ത കാ​ണി​ക്കു​ന്ന​തി​നാ​ൽ ഈ ​പ​ര​മ്പ​രാ​ഗ​ത തൊ​ഴി​ൽ കു​റ്റി​യ​റ്റു​പോ​കു​മോ എ​ന്ന് പ​ഴ​യ​ത​ല​മു​റ​ക്ക് ആ​ശ​ങ്ക. തി​ക​ച്ചും കൃ​ഷി​യു​മാ​യി ബ​ന്ധ​പ്പെ​ട്ട​താ​ണ് ഈ ​തൊ​ഴി​ൽ. എ​ന്നാ​ൽ, വേ​ണ്ട​ത്ര മ​ഹ​ത്ത്വ​മോ പ​രി​ഗ​ണ​ന​യോ സ​മൂ​ഹം ന​ൽ​കു​ന്നി​ല്ലെ​ന്ന് പാ​ലേ​രി വ​ട​ക്കു​മ്പാ​ട് പാ​ല​യു​ള്ള​ചു​വ​ട്ടി​ൽ ച​ന്ദ്ര​ന് (63) പ​രി​ഭ​വം.

ഇ​ദ്ദേ​ഹ​ത്തി​ന് താ​വ​ഴി​യാ​യി ല​ഭി​ച്ച​താ​ണ് ഈ ​തൊ​ഴി​ൽ. അ​ച്ഛ​നെ സ​ഹാ​യി​ക്കാ​ൻ അ​ഞ്ചി​ലെ​ത്തും മു​മ്പെ പ​ഠി​പ്പു​നി​ർ​ത്തി. എ​ന്നാ​ൽ, ഇ​ദ്ദേ​ഹ​ത്തി​ന്റെ ര​ണ്ട് ആ​ൺ​മ​ക്ക​ളും വേ​റെ തൊ​ഴി​ൽ രം​ഗ​ത്താ​ണ് പ്ര​വ​ർ​ത്തി​ക്കു​ന്ന​ത്. അ​ത്യ​ധ്വാ​ന​മു​ള്ള തൊ​ഴി​ലാ​ണെ​ങ്കി​ലും അ​തി​ന​നു​സ​രി​ച്ച കൂ​ലി വാ​ങ്ങാ​ൻ ക​ഴി​യു​ന്നി​ല്ല. സ​മീ​പി​ക്കു​ന്ന​വ​രെ​ല്ലാം മി​ത വ​രു​മാ​ന​ക്കാ​രാ​യ ക​ർ​ഷ​ക​ത്തൊ​ഴി​ലാ​ളി​ക​ൾ. കാ​ർ​ഷി​ക ഉ​പ​ക​ര​ണ​ങ്ങ​ളാ​യ കൈ​ക്കോ​ട്ട്, മ​ൺ​വെ​ട്ടി, വാ​ക്ക​ത്തി, അ​രി​വാ​ൾ, ക​ത്തി, മ​ഴു, കോ​ടാ​ലി, തേ​ങ്ങാ​പ്പാ​ര എ​ന്നി​വ​യും നി​ർ​മാ​ണ​ത്തൊ​ഴി​ലി​നു​ള്ള പി​ക്കാ​സ്, ക​ല്ല്ചെ​ത്ത് മ​ഴു, പാ​ര തു​ട​ങ്ങി​യ​വ​യു​മാ​ണ് നി​ർ​മി​ക്കു​ക​യും റി​പ്പ​യ​ർ ന​ട​ത്തു​ക​യും ചെ​യ്യു​ന്ന​ത്.

സ്കി​ൽ വ​ർ​ക്കാ​ണെ​ങ്കി​ലും സ​ർ​ക്കാ​ർ ഇ​തി​ന് വേ​ണ്ട പ​രി​ഗ​ണ​ന ന​ൽ​കു​ന്നി​ല്ല. പ​ണ്ട് ഉ​ല​യു​ടെ ച​ക്രം ക​റ​ക്കാ​നാ​യി സ​ഹാ​യി​ക​ൾ വ​രു​മാ​യി​രു​ന്നു. ഇ​ന്ന് ആ​രെ​യും കി​ട്ടാ​നി​ല്ല. പ​ക​രം മോ​ട്ടോ​ർ സ്ഥാ​പി​ക്കാ​മെ​ങ്കി​ലും ക​ന​ത്ത വൈ​ദ്യു​തി ചാ​ർ​ജ് താ​ങ്ങാ​നാ​വാ​ത്ത​താ​ണ്. പ​ര​മ്പ​രാ​ഗ​ത തൊ​ഴി​ലു​ക​ൾ ചെ​യ്യു​ന്ന​വ​ർ​ക്ക് സൗ​ജ​ന്യ വൈ​ദ്യു​തി​നി​ര​ക്ക് അ​നു​വ​ദി​ക്ക​ണ​മെ​ന്ന ആ​വ​ശ്യം ഏ​റെ നാ​ളാ​യു​ള്ള​താ​ണ്.