ഐ.എസ്.ആർ.ഒ ചാ​ര​ക്കേ​സ് ഗൂഢാലോചന: ആർ.ബി. ശ്രീകുമാറിന്‍റെ അറസ്റ്റ്​ തടഞ്ഞ്​ ഹൈകോടതി

കൊച്ചി: ഐ.​എ​സ്.​ആ​ർ.​ഒ ചാ​ര​ക്കേ​സ് ഗൂ​ഢാ​ലോ​ച​ന​യി​ലെ ഏഴാം പ്രതി‍‍യായ ഗുജറാത്ത് മുൻ ഡി.ജി.പി ആ​ര്‍.​ബി. ശ്രീ​കു​മാ​റിന്‍റെ അറസ്റ്റ്​ തടഞ്ഞ്​ ഹൈകോടതി. തിങ്കളാഴ്ച വരെയാണ്​ ശ്രീകുമാറിന്‍റെ അറസ്റ്റ്​ തടഞ്ഞിരിക്കുന്നത്​. കേസിൽ മുൻകൂർ ജാമ്യം തേടി ശ്രീകുമാർ ഹൈകോടതിയെ സമീപിച്ചിരുന്നു. ഐ.​എ​സ്.​ആ​ർ.​ഒ​യി​ലെ ശാ​സ്ത്ര​ജ്ഞ​നാ​യി​രു​ന്ന ന​മ്പി നാ​രാ​യ​ണ​നെ ചാ​ര​ക്കേ​സി​ൽ കു​ടു​ക്കി​യ​തി​ന് പി​ന്നി​ലെ ഗൂ​ഢാ​ലോ​ച​ന ക​ണ്ടെ​ത്താ​ൻ സി.​ബി.​ഐ ര​ജി​സ്​​റ്റ​ർ ചെ​യ്ത കേ​സി​ലാ​ണ് ആർ.ബി. ശ്രീ​കു​മാ​ർ​ മുൻകൂർ ജാമ്യാപേക്ഷ നൽകിയത്. ഐ.എസ്.ആര്‍.ഒ ചാരക്കേസിന്‍റെ സമയത്ത് ഐ.ബി. ഡെപ്യൂട്ടി ഡയറക്ടറായിരുന്നു ശ്രീകുമാർ.

ഐ.എസ്.ആര്‍.ഒ ചാരക്കേസ് ഗൂഢാലോചനയില്‍ മുൻ അന്വേഷണ ഉദ്യോഗസ്ഥരായ സിബി മാത്യൂസിനെയും ആര്‍.ബി. ശ്രീകുമാറിനെയും നാലും ഏഴും പ്രതികളാക്കിയാണ് സി.ബി.ഐ തിരുവനന്തപുരം ചീഫ് ജുഡീഷ്യല്‍ മജിസ്‌ട്രേറ്റ് കോടതിയിൽ എഫ്.ഐ.ആര്‍ സമര്‍പ്പിച്ചത്. സിബി മാത്യൂസിനും ആര്‍.ബി. ശ്രീകുമാറിനും പുറമെ സിറ്റി പൊലീസ് കമീഷണറായിരുന്ന വി.ആര്‍ രാജീവന്‍, കെ.കെ. ജോഷ്വ അടക്കം കേരളാ പൊലീസ്, ഐ.ബി. ഉദ്യോഗസ്ഥരടക്കം 18 പേർ കേസില്‍ പ്രതികളാണ്​. പ്രതികള്‍ക്കെതിരെ ഗൂഢാലോചനക്കും മര്‍ദനത്തിനും വകുപ്പുകള്‍ ചേര്‍ത്തിട്ടുണ്ട്.

ഐ.​എ​സ്.​ആ​ർ.​ഒ ചാ​ര​ക്കേ​സ് ഗൂ​ഢാ​ലോ​ച​ന​യി​ലെ ഒ​ന്നും ര​ണ്ടും പ്ര​തി​ക​ളാ​യ മു​ൻ സ്‌​പെ​ഷ​ല്‍ ബ്രാ​ഞ്ച് ഇ​ന്‍സ്‌​പെ​ക്ട​ർ എ​സ്. വി​ജ​യ​ൻ, എ​സ്.​ഐ ആ​യി​രു​ന്ന ത​മ്പി എ​സ്.​ ദു​ർ​ഗാ​ദ​ത്ത്​ എ​ന്നി​വ​ർ​ക്ക്​ ​ഹൈ​കോ​ട​തി നേരത്തെ ഇ​ട​ക്കാ​ല മു​ൻ​കൂ​ർ ജാ​മ്യം അ​നു​വ​ദി​ച്ചിരുന്നു. കൂടാതെ, കേ​ന്ദ്ര ഇ​ന്‍റ​ലി​ജ​ന്‍സി​ല്‍ ഓ​ഫി​സ​റാ​യി​രു​ന്ന 11ാം പ്ര​തി പി. ​എ​സ്. ജ​യ​പ്ര​കാ​ശി​നെ അ​റ​സ്​​റ്റ്​ ചെ​യ്യ​രു​തെ​ന്ന ഉ​ത്ത​ര​വിന്‍റെ കാ​ലാ​വ​ധി കോടതി വീ​ണ്ടും നീ​ട്ടു​ക​യും ചെ​യ്​​തു.

ഗൂ​ഢാ​ലോ​ച​ന സം​ബ​ന്ധി​ച്ച്​ സി.​ബി.​​ഐ​യുടെ​ വി​ശ​ദ അ​ന്വേ​ഷ​ണത്തിനെതിരെ ഗുജറാത്ത് മുൻ ഡി.ജി.പി ആയിരുന്ന ആർ.ബി ശ്രീകുമാർ ഉൾപ്പടെയുള്ളവർ നേരത്തെ രംഗത്തെത്തിയിരുന്നു. നമ്പി നാരായണനെതിരെ കേസ് എടുത്തത് താനെന്ന് സ്ഥാപിച്ച് ക്രിമിനൽ കേസിൽ കുടുക്കാൻ ശ്രമമെന്നും ശ്രീകുമാർ ആരോപിച്ചിരുന്നു.

മു​ൻ സ്‌​പെ​ഷ​ല്‍ ബ്രാ​ഞ്ച് ഇ​ന്‍സ്‌​പെ​ക്ട​ർ എ​സ്. വി​ജ​യ​ൻ ന​ൽ​കി​യ റി​പ്പോ​ര്‍ട്ടിന്‍റെ അ​ടി​സ്ഥാ​ന​ത്തി​ലാ​ണ്​ 1994ല്‍ ​വ​ഞ്ചി​യൂ​ര്‍ പൊ​ലീ​സ് സ്‌​റ്റേ​ഷ​നി​ല്‍ ചാ​ര​ക്കേ​സ് ര​ജി​സ്​​റ്റ​ര്‍ ചെ​യ്ത​ത്.