ഇവർ പട്ടിണി കിടന്ന്​ മടുത്തു, ശമ്പളം കൊടുക്കാമോ

കൊ​ല്ലം: ‘ഞ​ങ്ങ​ൾ പ​ണി​മു​ട​ക്കി​നി​റ​ങ്ങി​യാ​ൽ കു​ട്ടി​ക​ൾ പ​ഠി​ക്കാ​ൻ വ​രാ​താ​കും, സാ​ധാ​ര​ണ​ക്കാ​ർ​ക്ക്​ ക​ല​യു​ടെ വ​ഴി​യി​ൽ കൈ​ത്താ​ങ്ങാ​കു​ന്ന ഈ ​സ്ഥാ​പ​നം ത​ന്നെ പൂ​ട്ടി​പ്പോ​കും. സ്ഥാ​പ​ന​ത്തി​ന്​ പൂ​ട്ടു​വീ​ഴാ​ൻ ഇ​ട​വ​രു​ത്ത​രു​തെ​ന്ന ആ​ഗ്ര​ഹ​മു​ള്ള​ത്​ കൊ​ണ്ടു​മാ​ത്ര​മാ​ണ്​ ഈ ​ദു​രി​ത​ത്തി​ലും ഞ​ങ്ങ​ൾ പ​ണി​യെ​ടു​ക്കു​ന്ന​ത്. പ​ക്ഷേ, ഇ​നി​യും പ​ട്ടി​ണി കി​ട​ക്കാ​ൻ ഞ​ങ്ങ​ൾ​ക്ക്​ വ​യ്യ. ഇ​നി​യെ​ങ്കി​ലും ശ​മ്പ​ളം ത​ര​ണം’ -പ​റ​യു​ന്ന​ത്​ ഒ​രു അ​ധ്യാ​പ​ക​നാ​ണ്. ക​ല​യെ ​നെ​ഞ്ചോ​ട്​ ചേ​ർ​ത്ത്, പു​തു​ത​ല​മു​റ​ക്ക്​ ക​ല​യ​റി​വ്​​ പ​ക​ർ​ന്നു​ന​ൽ​കു​ന്ന​തി​ൽ ജീ​വി​തം ക​ണ്ടെ​ത്തു​ന്ന ഒ​രു​കൂ​ട്ടം ക​ലാ​ധ്യാ​പ​ക​രാ​ണ്. കു​റ​ഞ്ഞ ചെ​ല​വി​ൽ ഗു​ണ​​മേ​ന്മ​യു​ള്ള ക​ലാ​പ​ഠ​നം ഉ​റ​പ്പു​ന​ൽ​കു​ന്ന സാം​സ്കാ​രി​ക വ​കു​പ്പി​ന്​ കീ​ഴി​ൽ പ്ര​വ​ർ​ത്തി​ക്കു​ന്ന കൊ​ല്ലം ജ​വ​ഹ​ർ ബാ​ല​ഭ​വ​നി​ലെ ഈ ​അ​ധ്യാ​പ​ക​ർ​ക്കൊ​പ്പം അ​ന​ധ്യാ​പ​ക ജീ​വ​ന​ക്കാ​ർ​കൂ​ടി ചേ​രു​മ്പോ​ൾ 25 പേ​രാ​ണ്​ ക​ഴി​ഞ്ഞ 11 മാ​സ​മാ​യി ശ​മ്പ​ള​മി​ല്ലാ​തെ ദു​രി​ത​ത്തി​ൽ ത​ള്ളി​നീ​ക്കു​ന്ന​ത്.

ഒ​രാ​ഴ്ച​ക്ക​പ്പു​റം ഓ​ണ​മെ​ത്തു​മ്പോ​ൾ ത​ങ്ങ​ളു​ടെ കു​ടും​ബ​ങ്ങ​ൾ എ​ങ്ങ​നെ ക​ഴി​യു​ന്നു എ​ന്നു​പോ​ലും സ​ർ​ക്കാ​ർ തി​ര​ക്കു​ന്നി​ല്ലെ​ന്ന വേ​ദ​ന​യാ​ണ്​ ബാ​ല​ഭ​വ​ൻ ജീ​വ​ന​ക്കാ​ർ പ​ങ്കു​വെ​ക്കു​ന്ന​ത്. മൂ​ന്ന​ര​വ​ർ​ഷ​ത്തി​ല​ധി​ക​മാ​യി തു​ട​രു​ന്ന പ്ര​തി​സ​ന്ധി​യി​ൽ, ക​ഴി​ഞ്ഞ ഒ​ക്​​ടോ​ബ​ർ​ മു​ത​ലാ​ണ്​ ശ​മ്പ​ളം ഈ ​വി​ധം മു​ട​ങ്ങി​യ​ത്. ഒ​രു​വ​ർ​ഷം അ​ടു​ക്കാ​റാ​യി​ട്ടും അ​തി​ന്​ പ​രി​ഹാ​ര​മാ​യി​ട്ടി​ല്ല.

ക​ണ്ണു​തു​റ​ക്കേ​ണ്ട​ത്​ സ​ർ​ക്കാ​ർ

സം​സ്ഥാ​ന​ത്തെ അ​ഞ്ച്​ ജ​വ​ഹ​ർ ബാ​ല​ഭ​വ​നു​ക​ളി​ൽ ഏ​റ്റ​വും കൂ​ടു​ത​ൽ അ​ധ്യാ​പ​ക​രും പാ​ഠ്യ​വി​ഷ​യ​ങ്ങ​ളു​മാ​യി മി​ക​വു​റ്റ രീ​തി​യി​ൽ പ്ര​വ​ർ​ത്തി​ക്കു​ന്ന ബാ​ല​ഭ​വ​നു​ക​ളി​​ലൊ​ന്നാ​ണ്​​ കൊ​ല്ല​ത്തേ​ത്. ശാ​സ്ത്രീ​യ സം​ഗീ​തം, വീ​ണ, മൃ​ദം​ഗം, ക്ലാ​സി​ക്ക​ൽ ഡാ​ൻ​സ്, ഗി​റ്റാ​ർ, വ​യ​ലി​ൻ, ചി​ത്ര​ര​ച​ന, ത​ബ​ല, യോ​ഗ, കീ​ബോ​ർ​ഡ്, ത​യ്യ​ൽ ആ​ൻ​ഡ്​ എം​ബ്രോ​യി​ഡ​റി, ക്രാ​ഫ്​​റ്റ്​ വി​ഷ​യ​ങ്ങ​ളും ന​ഴ്​​സ​റി സ്കൂ​ളു​മാ​ണ്​ ഉ​ള്ള​ത്. 14 അ​ധ്യാ​പ​ക​രും 11 ഇ​ത​ര​ജീ​വ​ന​ക്കാ​രും. പ്ര​തി​മാ​സം 350 രൂ​പ മാ​ത്രം മു​ട​ക്കി ര​ണ്ട്​ ക​ലാ​വി​ഷ​യ​ങ്ങ​ൾ മി​ക​വു​റ്റ രീ​തി​യി​ൽ പ​ഠി​ക്കാ​ൻ ക​ഴി​യു​ന്ന സ്ഥാ​പ​ന​ത്തി​ൽ നി​ല​വി​ൽ കു​ട്ടി​ക​ൾ ഉ​ൾ​പ്പെ​ടെ 388 പേ​രാ​ണ്​ ക​ല അ​ഭ്യ​സി​ക്കു​ന്ന​ത്.

ത​ന​ത്​ വ​രു​മാ​നം തീ​രെ കു​റ​വാ​യ​തി​നാ​ൽ സ​ർ​ക്കാ​ർ അ​നു​വ​ദി​ക്കു​ന്ന ഗ്രാ​ന്‍റാ​ണ്​ ബാ​ല​ഭ​വ​നു​ക​ളു​ടെ നി​ല​നി​ൽ​പി​ന്​ ആ​ശ്ര​യം. ശ​മ്പ​ള ചെ​ല​വി​ന്​ ഉ​ൾ​പ്പെ​ടെ​ പ്ര​തി​വ​ർ​ഷം ര​ണ്ട്​ കോ​ടി​യാ​ണ്​ അ​ഞ്ച്​ ബാ​ല​ഭ​വ​നു​ക​ൾ​ക്കും കൂ​ടി സ​ർ​ക്കാ​ർ അ​നു​വ​ദി​ക്കു​ന്ന​ത്. വ​ർ​ഷ​ങ്ങ​ളാ​യി തു​ട​രു​ന്ന ഈ ​തു​ക​യി​ൽ 42 ശ​ത​മാ​ന​വും തി​രു​വ​ന​ന്ത​പു​ര​ത്തെ ബാ​ല​ഭ​വ​നാ​ണ്​ ല​ഭി​ക്കു​ന്ന​ത്. 17.5 ശ​ത​മാ​ന​മാ​ണ്​ കൊ​ല്ല​ത്തി​ന്​ കി​ട്ടു​ന്ന​ത്. ആ​ല​പ്പു​ഴ​യി​ലും കോ​ട്ട​യ​ത്തും തൃ​ശൂ​രും പി​ന്നെ​യും കു​റ​യും. 3526000 രൂ​പ​യാ​ണ്​ ​കൊ​ല്ലം ബാ​ല​ഭ​വ​ന്​ മൂ​ന്ന്​ ഗ​ഡു​ക്ക​ളാ​യി എ​ല്ലാ​വ​ർ​ഷ​വും ല​ഭി​ക്കു​ന്ന​ത്.

ശ​മ്പ​ള​വും പി.​എ​ഫും മാ​ത്ര​മാ​ണ്​ ജീ​വ​ന​ക്കാ​ർ​ക്ക്​ ന​ൽ​കേ​ണ്ട​ത്. മ​റ്റ്​ യാ​തൊ​രു ആ​നു​കൂ​ല്യ​ങ്ങ​ളു​മി​ല്ല. 2017ൽ ​ശ​മ്പ​ള​പ​രി​ഷ്ക​ര​ണം വ​രു​ന്ന​തു​വ​രെ ഈ ​തു​ക​യി​ൽ കാ​ര്യ​ങ്ങ​ൾ കൃ​ത്യ​മാ​യി ന​ട​ന്നി​രു​ന്നു. ഏ​റെ വ​ർ​ഷ​ങ്ങ​ൾ​ക്കു​ശേ​ഷം ന​ട​ന്ന ആ ​ശ​മ്പ​ള​പ​രി​ഷ്ക​ര​ണ​ത്തി​ലൂ​ടെ അ​ധി​ക​മാ​യി ആ​വ​ശ്യ​മാ​യി​വ​ന്ന തു​ക പ​ക്ഷേ സ​ർ​ക്കാ​ർ വ​ക​യി​രു​ത്തി​യി​ല്ല. അ​തി​നു​ശേ​ഷ​മു​ള്ള ബ​ജ​റ്റു​ക​ളും ഇ​വ​രെ പ​രി​ഗ​ണി​ച്ചി​ല്ല. ഇ​തോ​ടെ ശ​മ്പ​ള​ത്തി​ന്​ ഗ്രാ​ൻ​റ്​ തി​ക​യാ​ത്ത അ​വ​സ്ഥ​വ​രി​ക​യാ​യി​രു​ന്നു. ഇ​ത്ത​വ​ണ ഇ​നി 23 ല​ക്ഷം രൂ​പ മാ​ത്ര​മാ​ണ്​ അ​നു​വ​ദി​ച്ച ഗ്രാ​ന്‍റി​ൽ കൊ​ല്ല​ത്തി​ന്​ ല​ഭി​ക്കാ​നു​ള്ള​ത്. അ​തേ​സ​മ​യം, 11 മാ​സ​ത്തെ ശ​മ്പ​ള കു​ടി​ശ്ശി​ക 60 ല​ക്ഷ​ത്തി​ലേ​ക്ക്​ ഉ​യ​ർ​ന്നു​ക​ഴി​ഞ്ഞു. സ​ർ​ക്കാ​ർ പ്ര​ത്യേ​ക ഫ​ണ്ട്​ അ​നു​വ​ദി​ക്കാ​തെ ഈ ​കു​ടി​ശ്ശി​ക ​മു​ഴു​വ​ൻ വി​ത​ര​ണം ചെ​യ്യാ​നാ​കി​ല്ലെ​ന്ന്​​ ജീ​വ​ന​ക്കാ​ർ ചൂ​ണ്ടി​ക്കാ​ട്ടു​ന്നു.

പ്ര​തി​ഷേ​ധ​ത്തി​ന്‍റെ ഓ​ണം

ഈ ​വ​ർ​ഷ​ത്തെ ഗ്രാ​ന്‍റി​ൽ ബാ​ക്കി​യു​ള്ള തു​ക പെ​ട്ടെ​ന്ന്​ അ​നു​വ​ദി​ക്കാ​നു​ള്ള പു​തി​യ മാ​നേ​ജ്​​മെ​ന്‍റ്​ ക​മ്മി​റ്റി​യു​ടെ ശ്ര​മ​ങ്ങ​ൾ​ക്കു​പോ​ലും ഇ​തു​വ​രെ അ​നു​കൂ​ല ന​ട​പ​ടി​യു​ണ്ടാ​യി​ട്ടി​ല്ല. ഇ​തി​ന​കം 70ഓ​ളം പ​രാ​തി​ക​ളാ​ണ്​ പ​ല​യി​ട​ങ്ങ​ളി​ലാ​യി ജീ​വ​ന​ക്കാ​ർ കൊ​ടു​ത്ത​ത്. അ​ടു​ത്ത ബ​ജ​റ്റി​ലെ​ങ്കി​ലും ത​ങ്ങ​ളു​ടെ ദു​രി​തം കാ​ണാ​ൻ ധ​ന​മ​ന്ത്രി ക​ണ്ണ്​ തു​റ​ക്ക​ണ​മെ​ന്ന അ​പേ​ക്ഷ​യാ​ണ്​ ജീ​വ​ന​ക്കാ​ർ മു​ന്നോ​ട്ടു​വെ​ക്കു​ന്ന​ത്. കാ​ലാ​നു​സൃ​ത​മാ​യി ഗ്രാ​ന്‍റ്​ തു​ക വ​ർ​ധി​പ്പി​ക്ക​ണ​മെ​ന്നും തു​ക അ​നു​വ​ദി​ക്കു​ന്ന​ത്​ സ്ഥാ​പ​ന​ത്തി​ന്‍റെ ജീ​വ​ന​ക്കാ​രു​ടെ എ​ണ്ണ​ത്തി​ന​നു​സൃ​ത​മാ​ക​ണ​മെ​ന്നും അ​വ​ർ ആ​വ​ശ്യ​പ്പെ​ടു​ന്നു.

തി​രു​വ​ന​ന്ത​പു​ര​ത്തി​ന്​ 42 ശ​ത​മാ​നം ന​ൽ​കു​മ്പോ​ൾ അ​ത്ര​ത്തോ​ളം ജീ​വ​ന​ക്കാ​രു​ള്ള കൊ​ല്ല​ത്തി​ന്​ വെ​റും 17 ശ​ത​മാ​നം ന​ൽ​കു​ന്ന​ത്​ ക​ടു​ത്ത അ​നീ​തി​യാ​ണ്. ഗ്രാ​ന്‍റ്​ ന​ൽ​കു​ന്ന​തി​ലെ ഈ ​വേ​ർ​തി​രി​വ്​ ഒ​ഴി​വാ​ക്കി​യാ​ൽ​ത​ന്നെ മ​റ്റ്​ നാ​ല്​ ബാ​ല​ഭ​വ​നു​ക​ളു​ടെ​യും സാ​മ്പ​ത്തി​ക സ്ഥി​തി മെ​ച്ച​പ്പെ​ടു​മെ​ന്നും അ​വ​ർ ചൂ​ണ്ടി​ക്കാ​ട്ടു​ന്നു. ഇ​ത്ത​വ​ണ ഓ​ണം പ​ട്ടി​ണി​യി​ൽ മു​ങ്ങു​മ്പോ​ൾ തി​രു​വോ​ണ ദി​ന​ത്തി​ൽ കൊ​ല്ലം ബാ​ല​ഭ​വ​ന്​ മു​ന്നി​ൽ ധ​ർ​ണ ന​ട​ത്തി ത​ങ്ങ​ളു​ടെ പ്ര​തി​ഷേ​ധ​മു​യ​ർ​ത്താ​നു​ള്ള ത​യാ​റെ​ടു​പ്പി​ലാ​ണ്​ ജീ​വ​ന​ക്കാ​ർ. ജീ​വി​ത​ദു​രി​തം താ​ങ്ങാ​നാ​കാ​ത്ത സ്ഥി​തി​യി​ലാ​യി​രി​ക്കെ കോ​ട​തി​യെ സ​മീ​പി​ക്കാ​നും ആ​ലോ​ച​ന​യു​ണ്ട്.