പിണറായി അധികാരം വെച്ചൊഴിയുന്നതാണ് ഉചിതം- വി.എം.സുധീരന്‍

തിരുവനന്തപുരം: പിണറായി വിജയൻ അധികാരം വെച്ചൊഴിയുന്നതാണ് ഉചിതമെന്ന് കെ.പി.സി.സി മുൻ പ്രസിഡന്റ് വി.എം. സുധീരന്‍. പിണറായി ഭരണത്തി്ന്‍ കീഴില്‍ കേരളം അഴിമതിക്കാരുടെയും അക്രമികളുടെയും കുറ്റവാളികളുടെയും നാടായി മാറിയിരിക്കയാണ്. മുഖ്യമന്ത്രിതന്നെ ജന മനസാക്ഷിയുടേയും നിയമത്തിന്റേയും മുന്നില്‍ പ്രതിക്കൂട്ടിലാണ്.

ഭരണ-രാഷ്ട്രീയ-ഉദ്യോഗസ്ഥ തലങ്ങളില്‍ അഴിമതിക്കാരും കുറ്റവാളികളും പെരുകിയ തികഞ്ഞ ദുര്‍ഭരണമാണ് സംസ്ഥാനത്ത് നിലനില്‍ക്കുന്നത്. അഴിമതി പൂരിതവും കഴിവുകെട്ടതുമായ ഈ ജനദ്രോഹ ഭരണം തുടരുന്നത് പ്രബുദ്ധ കേരളത്തിന് അപമാനകരമാണ്. ഭരണത്തില്‍ തുടരാനുള്ള അര്‍ഹത പരിപൂർണമായും നഷ്ടപ്പെട്ട പിണറായി ഇനിയും വൈകാതെ അധികാരം വെച്ചൊഴിയുന്നതാണ് ഏറ്റവും ഉചിതമെന്ന് വി.എം. സുധീരൻ പ്രസ്താവനയിൽ അറിയിച്ചു.