വേനൽ കടുത്താൽ ഇരുട്ടാവില്ല; വരുന്നു, വടക്കൻ വൈദ്യുതി

തി​രു​വ​ന​ന്ത​പു​രം: വേ​ന​ൽ​ക്കാ​ല​ത്ത്​ വൈ​ദ്യു​തി ആ​വ​ശ്യ​ക​ത വ​ലി​യ തോ​തി​ൽ ഉ​യ​ർ​ന്നാ​ലും ഇ​ക്കു​റി പ്ര​തി​സ​ന്ധി​യു​ണ്ടാ​കി​​ല്ലെ​ന്ന ആ​ത്മ​വി​ശ്വാ​സ​ത്തി​ൽ കെ.​എ​സ്.​ഇ.​ബി. കേ​ര​ള​ത്തി​ൽ ഉ​യ​ർ​ന്ന ചൂ​ട്​ അ​നു​ഭ​വ​പ്പെ​ടു​ന്ന മാ​സ​ങ്ങ​ളി​ൽ ഉ​ത്ത​രേ​ന്ത്യ​യി​ലെ ഉ​ൽ​പാ​ദ​ക​രി​ൽ​നി​ന്ന്​ ആ​വ​ശ്യാ​നു​സ​ര​ണം വൈ​ദ്യു​തി ല​ഭ്യ​മാ​വും. ഇ​തു​മാ​യി ബ​ന്ധ​പ്പെ​ട്ട്​ ഈ ​മേ​ഖ​ല​യി​ലെ ഉ​ൽ​പാ​ദ​ക​രു​മാ​യി കെ.​എ​സ്.​ഇ.​ബി സം​ഘം ക​ഴി​ഞ്ഞ​ദി​വ​സം ഡ​ൽ​ഹി​യി​ൽ കൂ​ടി​ക്കാ​ഴ്ച ന​ട​ത്തി.

കൈ​മാ​റ്റ ക​രാ​റു​ക​ൾ​വ​ഴി പീ​ക്ക്​ സ​മ​യ​ങ്ങ​ളി​ല​ട​ക്കം വൈ​ദ്യു​തി കൈ​മാ​റാ​മെ​ന്ന ധാ​ര​ണ ഇ​തി​ലു​ണ്ടാ​യി. ​വൈ​ദ്യു​തോ​ൽ​പാ​ദ​ന, വി​ത​ര​ണ രം​ഗ​ത്ത്​ രാ​ജ്യ​ത്തു​ത​ന്നെ കാ​ര്യ​ക്ഷ​മ​മാ​യ രീ​തി​യി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​മെ​ന്ന നി​ല​യി​ൽ കെ.​എ​സ്.​ഇ.​ബി​യു​മാ​യു​ള്ള കൈ​മാ​റ്റ ക​രാ​റു​ക​ൾ​ക്ക്​ ഉ​ത്ത​രേ​ന്ത്യ​ൻ ക​മ്പ​നി​ക​ൾ​ക്ക്​ അ​നു​കൂ​ല നി​ല​പാ​ടാ​ണു​ള്ള​ത്. കൂ​ടി​ക്കാ​ഴ്ച ഗു​ണ​ക​ര​മാ​യി​രു​ന്നെ​ന്നും അ​നി​വാ​ര്യ​ഘ​ട്ട​ങ്ങ​ളി​ൽ സ്ഥാ​പ​ന​ത്തി​ന്​ അ​ധി​ക ബാ​ധ്യ​ത വ​രു​ത്താ​തെ, വൈ​ദ്യു​തി എ​ത്തി​ക്കാ​ൻ ക​ഴി​യു​മെ​ന്നാ​ണ്​ പ്ര​തീ​ക്ഷി​ക്കു​ന്ന​തെ​ന്നും കെ.​എ​സ്.​ഇ.​ബി വൃ​ത്ത​ങ്ങ​ൾ പ​റ​ഞ്ഞു.

ഉ​ത്ത​ർ​പ്ര​ദേ​ശ്, പ​ഞ്ചാ​ബ്, ദ​ൽ​ഹി, അ​രു​ണാ​ച​ൽ പ്ര​ദേ​ശ്​ സം​സ്ഥാ​ന​ങ്ങ​ളി​ലെ വൈ​ദ്യു​തോ​ൽ​പാ​ദ​ന ക​മ്പ​നി​ക​ളു​ടെ പ്ര​തി​നി​ധി​ക​ളാ​ണ്​ കൂ​ടി​ക്കാ​ഴ്ച​യി​ൽ പ​​​ങ്കെ​ടു​ത്ത​ത്. ഏ​പ്രി​ൽ, ​മേ​യ്​ മാ​സ​ങ്ങ​ളി​ൽ ​കേ​ര​ള​ത്തി​ന്​ കൂ​ടു​ത​ൽ ആ​വ​ശ്യ​മാ​യി വ​രു​ന്ന വൈ​ദ്യു​തി ല​ഭ്യ​മാ​ക്കാ​മെ​ന്നും പ​ക​രം ജൂ​ൺ, ജൂ​​​ലൈ മാ​സ​ങ്ങ​ളി​ൽ തി​രി​കെ ന​ൽ​കു​മെ​ന്നു​മാ​ണ്​ ധാ​ര​ണ.

ചി​ല സം​സ്ഥാ​ന​ങ്ങ​ളു​മാ​യി കൈ​മാ​റ്റ ക​രാ​റി​ന്​ നേ​ര​ത്തേ പ്രാ​ഥ​മി​ക ധാ​ര​ണ​യു​ണ്ടാ​ക്കി​യി​രു​ന്നെ​ങ്കി​ലും വി​ശ​ദ ച​ർ​ച്ച​യ​ട​ക്കം സം​ഘ​ടി​പ്പി​ക്കാ​നാ​യ​ത്​ കൂ​ടു​ത​ൽ ഗു​ണം​ചെ​യ്യു​മെ​ന്നാ​ണ്​ വി​ല​യി​രു​ത്ത​ൽ. അ​തേ​സ​മ​യം വേ​ന​ൽ​മ​ഴ​യു​ടെ സാ​ന്നി​ധ്യ​മു​ള്ള​തി​നാ​ൽ മാ​ർ​ച്ച് മാ​സ​ത്തി​ലും ഏ​പ്രി​ലി​ൽ ഇ​തു​വ​രെ​യും സം​സ്ഥാ​ന​ത്തെ വൈ​ദ്യു​തി ഉ​പ​ഭോ​ഗ​ത്തി​ൽ വ​ൻ വ​ർ​ധ​ന​യു​ണ്ടാ​യി​ട്ടി​ല്ല. പ​ല ജി​ല്ല​ക​ളി​ലും ചൂ​ട്​ കൂ​ടു​ത​ലാ​ണെ​ങ്കി​ലും പീ​ക്ക്​ സ​മ​യ ഉ​പ​യോ​ഗ ഗ്രാ​ഫും കാ​ര്യ​മാ​യി ഉ​യ​ർ​ന്നി​ട്ടി​ല്ല. 94.3397 ദ​ശ​ല​ക്ഷം യൂ​നി​റ്റാ​യി​രു​ന്നു തി​ങ്ക​ളാ​ഴ്ച​യി​ലെ ആ​കെ ഉ​പ​യോ​ഗം.

എ​ന്നാ​ൽ, ക​ഴി​ഞ്ഞ വ​ർ​ഷം ഈ ​ദി​വ​സ​ത്തെ ഉ​പ​യോ​ഗം 110.1039 ദ​​ശ​ല​ക്ഷം യൂ​നി​റ്റാ​യി​രു​ന്നു. 98.5652 ദ​ശ​ല​ക്ഷം യൂ​നി​റ്റാ​ണ്​ ഈ​മാ​സ​ത്തെ ഉ​യ​ർ​ന്ന ഉ​പ​യോ​ഗം. മാ​ർ​ച്ചി​ൽ ഏ​റ്റ​വും ഉ​യ​ർ​ന്ന ഉ​പ​യോ​ഗം 102.78 ദ​ശ​ല​ക്ഷം യൂ​നി​റ്റും. വൈ​ദ്യു​തി ല​ഭ്യ​ത ഉ​റ​പ്പാ​ക്കി​യ​തി​നൊ​പ്പം ത​ട​സ്സ​മി​ല്ലാ​ത്ത വി​ത​ര​ണ​ത്തി​നും ആ​വ​ശ്യ​മാ​യ ക്ര​മീ​ക​ര​ണ​ങ്ങ​ളൊ​രു​ക്കി​യി​ട്ടു​ണ്ടെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.