ചൂട്​ കൂടുന്നു; 100 ദ​ശലക്ഷം യൂനിറ്റ്​ കടന്ന്​ വൈദ്യുതി ഉപയോഗം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ചൂ​ട്​ കൂ​ടു​ന്ന​തി​നൊ​പ്പം വൈ​ദ്യു​തി ഉ​പ​യോ​ഗ​ത്തി​ലും വ​ൻ വ​ർ​ധ​ന. പ്ര​തി​ദി​ന വൈ​ദ്യു​തി ഉ​പ​യോ​ഗം ഇ​ക്കൊ​ല്ലം ആ​ദ്യ​മാ​യി 100 ദ​ശ​ല​ക്ഷം യൂ​നി​റ്റ്​ ക​ട​ന്നു. ചൊ​വ്വാ​ഴ്ച​യി​ലെ ഉ​പ​യോ​ഗ​മാ​ണ്​ 100.8447 ദ​ശ​ല​ക്ഷം യൂ​നി​റ്റി​ലെ​ത്തി​യ​ത്. പീ​ക്ക്​ സ​മ​യ ഉ​പ​യോ​ഗ​വും 5122 മെ​ഗാ​വാ​ട്ടി​ലെ​ത്തി.

പീ​ക്ക്​ സ​മ​യ​ത്തെ ഇ​ക്കൊ​ല്ല​​ത്തെ ഇ​തു​വ​രെ​യു​ള്ള ഉ​യ​ർ​ന്ന ഉ​പ​യോ​ഗ​മാ​ണി​ത്. ജ​ല പ​ദ്ധ​തി​ക​ളി​ൽ നി​ന്നു​ള്ള 18 ദ​ശ​ല​ക്ഷം യൂ​നി​റ്റ​ട​ക്കം അ​ഭ്യ​ന്ത​ര ഉ​ൽ​പാ​ദ​നം 20.0815 ദ​ശ​ല​ക്ഷം യൂ​നി​റ്റ്​ മാ​ത്ര​മാ​യി പ​രി​മി​ത​പ്പെ​ടു​ത്തി​യ​പ്പോ​ൾ 80.7632 ദ​ശ​ല​ക്ഷം യൂ​നി​റ്റും ഇ​ത​ര​സം​സ്ഥാ​ന​ങ്ങ​ളി​ൽ നി​ന്ന്​ വാ​ങ്ങു​ക​യാ​യി​രു​ന്നു. ​ക​ഴി​ഞ്ഞ വ​ർ​ഷം മാ​ർ​ച്ചി​ൽ ഇ​തേ ദി​വ​സ​ത്തെ ​പ്ര​തി​ദി​ന ഉ​പ​യോ​ഗം 96 ദ​ശ​ല​ക്ഷം യൂ​നി​റ്റാ​യി​രു​ന്നു. 4873 മെ​ഗാ​വാ​ട്ടു​മാ​യി​രു​ന്നു അ​ന്ന​ത്തെ പീ​ക്ക്​ സ​മ​യ ആ​വ​ശ്യ​ക​ത.

ചൂ​ട്​ ഇ​നി​യും കൂ​ടാ​ൻ സാ​ധ്യ​ത​യു​ള്ള​തി​നാ​ൽ ഡാ​മു​ക​ളി​ലെ ഉ​ൽ​പാ​ദ​നം ക്ര​മീ​ക​രി​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ട്. ക​ഴി​ഞ്ഞ വേ​ന​ൽ​ക്കാ​ല​ത്തെ അ​പേ​ക്ഷി​ച്ച്​ വൈ​ദ്യു​തി ഉ​പ​യോ​ഗം ഇ​ക്കു​റി വ​ലി​യ​ തോ​തി​ൽ ഉ​യ​രു​മെ​ന്നാ​ണ്​ വി​ല​യി​രു​ത്ത​ൽ. ക​ഴി​ഞ്ഞ വേ​ന​ൽ ആ​രം​ഭി​ച്ച ശേ​ഷം ​എ.​സി​യു​ടെ​യും മ​റ്റും വി​ൽ​പ​ന വ​ലി​യ തോ​തി​ൽ ന​ട​ന്നി​രു​ന്നു.

ക​ഴി​ഞ്ഞ വ​ർ​ഷ​ത്തെ 115.94 ദ​ശ​ല​ക്ഷം യൂ​നി​റ്റെ​ന്ന പ്ര​തി​ദി​ന ഉ​പ​ഭോ​ഗ​ത്തി​​ലെ​യും 5797 എ​ന്ന പീ​ക്ക്​ സ​മ​യ ആ​വ​ശ്യ​ത്തി​ലെ​യും ​റെ​ക്കോ​ഡ്​ ഇ​ക്കു​റി നേ​ര​ത്തേ ത​ന്നെ മ​റി​ക​ട​ക്കാ​നാ​ണ്​ സാ​ധ്യ​ത. ഇ​ത്​ മു​ന്നി​ൽ ക​ണ്ടു​ള്ള പ്ര​വ​ർ​ത്ത​ന​ങ്ങ​ൾ കെ.​എ​സ്.​ഇ.​ബി​യും ഊ​ർ​ജ വ​കു​പ്പും ന​ട​ത്തു​ന്നു​ണ്ടെ​ങ്കി​ലും ഫ​ല​പ്രാ​പ്തി​യി​ൽ ആ​ശ​ങ്ക​യു​ണ്ട്.