മലപ്പുറം ജില്ലയിലെ 16 മണ്ഡലങ്ങളിലും യു.ഡി.എഫ്​ വിജയിക്കുമെന്ന്​ മുസ്​ലിംലീഗ്​ വിലയിരുത്തൽ

മലപ്പുറം: നിയമസഭ തെരഞ്ഞെടുപ്പിൽ ജില്ലയിൽ യു.ഡി.എഫ്​ സമ്പൂർണ വിജയം നേടുമെന്ന്​ മുസ്​ലിംലീഗ്​ വിലയിരുത്തൽ. 16 മണ്ഡലങ്ങളിലും വിജയിക്കുമെന്നാണ്​ ബൂത്തുതല വിശകലനത്തി​െൻറ അടിസ്ഥാനത്തിൽ നിയോജകമണ്ഡലം-ജില്ല തല നേതൃയോഗ വിലയിരുത്തൽ. ജില്ല ലീഗ്​ പ്രസിഡൻറ്​ സാദിഖലി ശിഹാബ്​ തങ്ങളു​െട അധ്യക്ഷതയിൽ ചേർന്ന യോഗം ഒ​ാരോ മണ്ഡലത്തിലെയും സ്ഥിതിഗതികൾ വിലയിരുത്തി.

അഖിലേന്ത്യ ജനറൽ സെക്രട്ടറി പി.കെ. കുഞ്ഞാലിക്കുട്ടി സംസ്ഥാനതല വിലയിരുത്തലും നടത്തി. ജില്ലയിലെ 94 ഗ്രാമപഞ്ചായത്തുകളിൽ 81 ഗ്രാമപഞ്ചായത്തിലും 12 നഗരസഭകളിൽ ഒമ്പത്​ ഇടത്തും യു.ഡി.എഫ്​ മേൽക്കെ നേടും. ജില്ലയിൽ യു.ഡി.എഫിന്​ മൂന്ന്​ ലക്ഷം വോട്ടി​െൻറ ഭൂരിപക്ഷം ലഭിക്കുമെന്നാണ്​ ലീഗ്​ കണക്കുകൂട്ടൽ. നിലവിൽ ജില്ലയിൽ യു.ഡി.എഫ്​ 12, എൽ.ഡി.എഫ്​ 4 എന്നിങ്ങനെയാണ്​ കക്ഷി നില.

യോഗത്തിൽ ലീഗ് ഭാരവാഹികളായ അഡ്വ:യു.എ. ലത്തീഫ്, അരിമ്പ്ര മുഹമ്മദ് മാസ്റ്റർ, അഷ്‌റഫ് കോക്കൂർ, എം.എ. ഖാദർ, ഉമ്മർ അറക്കൽ, സലീം കുരുവമ്പലം, ഇസ്മായിൽ മൂത്തേടം, പി കെ സി.അബ്ദുറഹ്മാൻ, നൗഷാദ് മണ്ണിശ്ശേരി, എന്നിവർക്ക് പുറമേ നാലകത്ത് സൂപ്പി തുടങ്ങിയവർ പ്രസംഗിച്ചു.