ജേക്കബ് തോമസ് സ്വയം വിരമിക്കലിന്​ സർക്കാറിന്​ കത്ത്​ നൽകി

തിരുവനന്തപുരം: മാസങ്ങളായി സസ്പെൻഷനിൽ കഴിയുന്ന സംസ്​ഥാനത്തെ മുതിർന്ന ഡി.ജി.പി ജേക്കബ് തോമസ് സ്വയം വിരമിക്കലി ന്​ സർക്കാറിന്​ കത്ത്​ നൽകി. ചീഫ് സെക്രട്ടറി ടോം ജോസിന്​ ഇ-മെയിൽ മുഖേനയാണ്​ അദ്ദേഹം കത്ത്​ നൽകിയത്. ലോക്സഭ തെരഞ ്ഞെടുപ്പിൽ ട്വൻറി-20യുടെ ഭാഗമായി നിന്ന്​ ചാലക്കുടിയിൽ മത്സരിക്കുന്നതിനാണ് വിരമിക്കുന്നതെന്നാണ്​ വിവരം. ത​​െൻ റ സസ്പെൻഷനെതിരെ കേന്ദ്ര അഡ്മിനിസ്ട്രേറ്റിവ് ട്രൈബ്യൂണലിൽ ഹരജി നൽകിയെങ്കിലും അതിൽ അനുകൂലമായ തീരുമാനം ഉണ്ടാകാത്തതും സർവിസ് വിടാൻ പ്രേരിപ്പിച്ചിട്ടുണ്ടെന്നാണ്​ ലഭിക്കുന്ന വിവരം.

വിരമിക്കൽ നടപടി കേന്ദ്രസർക്കാർ അംഗീകരിച്ചാൽ മാത്രമേ അദ്ദേഹത്തിന്​ തെരഞ്ഞെടുപ്പിൽ മത്സരിക്കാനും സാധിക്കൂ. എന്നാൽ, ജേക്കബ്​ തോമസി​​െൻറ വിരമിക്കൽ നടപടി അത്ര എളുപ്പമാകില്ലെന്ന്​ സർക്കാർ വൃത്തങ്ങൾ സൂചിപ്പിച്ചു. ഇ-മെയിൽ വഴിയുള്ള കത്ത്​ സാധാരണ പരിഗണിക്കില്ല. അതിനാൽ അദ്ദേഹത്തി​​െൻറ കൈയൊപ്പോടെയുള്ള കത്ത്​ സർക്കാറിന്​ നേരിട്ട്​ ലഭിക്കണം. സ്വയം വിരമിക്കലിന്​ മൂന്നു മാസത്തെ മുൻകൂർ നോട്ടീസ്​ നൽകണമെന്നും വ്യവസ്​ഥയുണ്ട്​. സസ്പെൻഷനിലായതിനാൽ കേന്ദ്ര സർക്കാറി​​െൻറ അനുമതിയും വേണ്ടിവരും. ഇൗ കടമ്പകൾ കടന്നാൽ മാത്രമേ അദ്ദേഹത്തിന്​ സ്​ഥാനാർഥിയാകാനാകൂ.

ഇൗ നടപടി പൂർത്തിയാകുന്നതുവരെ പരസ്യമായ പ്രചാരണവും സാധ്യമല്ല. സി.പി.എമ്മിനും ബി.ജെ.പിക്കു​െമതിരായ സ്ഥാനാർഥിയായി മത്സരിക്കാനുള്ള ഒരുക്കത്തിലാണ്​ അദ്ദേഹം. അതിനാൽ കേന്ദ്ര-സംസ്​ഥാന സർക്കാറുകൾ ഇക്കാര്യത്തിൽ തിരക്കിട്ട്​ നടപടി എടുക്കില്ലെന്നാണ്​ ലഭിക്കുന്ന വിവരം. മുഖ്യമന്ത്രി പിണറായി വിജയ​​െൻറ വിശ്വസ്​തനായിരുന്ന ജേക്കബ്​ തോമസിനെ 2017 ഡിസംബറിലാണ്​ സർക്കാർ സസ്പെൻഡ്​ ചെയ്തത്. ഓഖി ദുരന്തത്തി​​െൻറ തുടർ നടപടികളിൽ സർക്കാർ നടപടികളെ വിമർശിച്ചതിനായിരുന്നു സസ്പെൻഷൻ. സസ്​പെൻഷൻ നാല്​ പ്രാവശ്യം നീട്ടി. ചട്ടം ലംഘിച്ച്​ പുസ്​തകമെഴുതിയതും പ്രളയം ഉൾപ്പെടെ ഘട്ടങ്ങളിൽ സർക്കാറിനെതിരെ നിരന്തരം വിമർശനമുയർത്തിയതും സസ്​പെൻഷൻ നീളാൻ കാരണമായി. കുറച്ചുനാളായി ​സാമൂഹിക പ്രവർത്തനത്തിൽ സജീവമാണ്​.

മുഖ്യമന്ത്രി പിണറായി വിജയ​​െൻറ വിശ്വസ്തനായിരുന്ന ജേക്കബ് തോമസ് വിജിലൻസ്​ ഡയറക്​ടറായിരിക്കെ, മന്ത്രി ഇ.പി. ജയരാജൻ ഉൾപ്പെടെ രാഷ്​ട്രീയക്കാർക്കും ഉന്നത ഐ.എ.എസ്, ഐ.പി.എസ് ഉദ്യോഗസ്ഥർക്കെതിരായ അഴിമതി പരാതികളിൽ അന്വേഷണം നടത്തിയതും തുടർ നടപടി സ്വീകരിച്ചതും സർക്കാറി​​െൻറ അതൃപ്​തിക്ക്​ കാരണമായിരുന്നു. ​െഎ.എ.എസ്​ ഉദ്യോഗസ്​ഥരിൽ വലിയൊരു വിഭാഗം ജേക്കബ്​ തോമസിനെതിരെ ശക്തമായ നിലപാട്​ സ്വീകരിച്ചതും സർവിസി​ലേക്ക്​ മടങ്ങിയെത്താൻ തടസ്സമായി.