ജൽ ജീവൻ പദ്ധതി അവസാനിക്കാൻ എട്ടുമാസം മാത്രം; പകുതി കണക്ഷൻപോലും നൽകാതെ കേരളം

ആ​ല​പ്പു​ഴ: എ​ല്ലാ ഗ്രാ​മീ​ണ ഭ​വ​ന​ങ്ങ​ളി​ലും ശു​ദ്ധ​ജ​ല പൈ​പ്പ്​ ക​ണ​ക്ഷ​ൻ എ​ത്തി​ക്കു​ന്ന ജ​ൽ ജീ​വ​ൻ പ​ദ്ധ​തി​യി​ൽ കേ​ര​ളം ഏ​റെ പി​ന്നി​ൽ. ദേ​ശീ​യ​ത​ല​ത്തി​ൽ കേ​ര​ളം 30ാം സ്ഥാ​ന​ത്താ​ണ്. ക​ഴി​ഞ്ഞ വ​ർ​ഷം കേ​ര​ളം 26ാം സ്ഥാ​ന​ത്താ​യി​രു​ന്നു. അ​തി​ൽ​നി​ന്നും വീ​ണ്ടും പി​ന്നോ​ട്ടു​പോ​യി. പ​ദ്ധ​തി 2024 മാ​ർ​ച്ചി​ൽ അ​വ​സാ​നി​പ്പി​ക്കു​മെ​ന്നാ​ണ്​ കേ​ന്ദ്ര സ​ർ​ക്കാ​ർ പ​റ​യു​ന്ന​ത്.

2019 ആ​ഗ​സ്റ്റ്‌ 15ലെ ​ക​ണ​ക്ക​നു​സ​രി​ച്ച്‌ സം​സ്ഥാ​ന​ത്ത്‌ ആ​കെ 70.69 ല​ക്ഷം ​ഗ്രാ​മീ​ണ വീ​ടാ​ണു​ള്ള​ത്. ഇ​തി​ൽ ഇ​തു​വ​രെ പൈ​പ്പ്​ ക​ണ​ക്ഷ​ൻ ല​ഭ്യ​മാ​യ​ത്​ 18.34 ല​ക്ഷം കു​ടും​ബ​ങ്ങ​ളി​ൽ മാ​ത്ര​മാ​ണ്. സം​സ്ഥാ​ന​ത്തെ 14 ജി​ല്ല​യി​ലെ 941 പ​ഞ്ചാ​യ​ത്തി​ൽ 40,000 കോ​ടി രൂ​പ​യു​ടെ പ​ദ്ധ​തി​ക​ളാ​ണ്​ വി​വി​ധ നി​ർ​മാ​ണ ഘ​ട്ട​ങ്ങ​ളി​ലു​ള്ള​ത്. ക​രാ​റു​കാ​രു​ടെ നി​സ്സ​ഹ​ക​ര​ണ​മാ​ണ്​ പ​ദ്ധ​തി ന​ട​പ്പാ​ക്കാ​ൻ​ പ്ര​ധാ​ന ത​ട​സ്സം. ത​ങ്ങ​ളു​ടെ നി​സ്സ​ഹ​ക​ര​ണ​ത്തി​ന്​ കാ​ര​ണ​മാ​യി ക​രാ​റു​കാ​ർ സ​ർ​ക്കാ​റി​നെ കു​റ്റ​പ്പെ​ടു​ത്തു​ന്നു.

കേ​ന്ദ്ര സ​ർ​ക്കാ​ർ 45 ശ​ത​മാ​നം, സം​സ്ഥാ​ന സ​ർ​ക്കാ​ർ 30 ശ​ത​മാ​നം ഗ്രാ​മ​പ​ഞ്ചാ​യ​ത്ത് 15 ശ​ത​മാ​നം ഗു​ണ​ഭോ​ക്താ​വ്​ 10 ശ​ത​മാ​നം എ​ന്നി​ങ്ങ​നെ​യാ​ണ്​ പ​ദ്ധ​തി ചെ​ല​വി​ന്‍റെ വി​ഹി​തം. 2018ലെ ​നി​ര​ക്ക്​ അ​നു​സ​രി​ച്ചാ​ണ്​ ഇ​വി​ടെ പ​ദ്ധ​തി ടെ​ൻ​ഡ​ർ ചെ​യ്യു​ന്ന​ത്. ഇ​ത​നു​സ​രി​ച്ച്​ ക​രാ​ർ ഏ​റ്റെ​ടു​ക്കാ​ൻ ക​രാ​റു​കാ​ർ ത​യാ​റാ​കു​ന്നി​ല്ല. മ​റ്റ്​ പ​ല സം​സ്ഥാ​ന​ങ്ങ​ളും 2021ലെ ​നി​ര​ക്ക​നു​സ​രി​ച്ചാ​ണ്​ ടെ​ൻ​ഡ​ർ ന​ട​ത്തി​യ​ത്. ടെ​ൻ​ഡ​ർ എ​ടു​ത്ത ക​രാ​റു​കാ​ർ പ​ല​രും പൈ​പ്പി​ന്റെ വി​ല വ​ർ​ധ​ന​മൂ​ലം പ​ണി പൂ​ർ​ത്തി​യാ​ക്കാ​ൻ കൂ​ട്ടാ​ക്കു​ന്നു​മി​ല്ല.

അ​ട​ങ്ക​ൽ തു​ക​യു​ടെ 45 ശ​ത​മാ​നം കേ​ന്ദ്ര​വി​ഹി​ത​മാ​യി മു​ൻ​കൂ​ർ പ​ണം ല​ഭി​ക്കു​മെ​ന്ന​തി​നാ​ൽ 2018ലേ​തി​ന്​ പ​ക​രം 2021ലെ ​നി​ര​ക്ക​നു​സ​രി​ച്ച്​ അ​ട​ങ്ക​ൽ ത​യാ​റാ​ക്കി​യാ​ൽ കേ​ന്ദ്ര വി​ഹി​തം വ​ർ​ധി​ക്കു​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു. 2022ലെ ​നി​ര​ക്ക​നു​സ​രി​ച്ച്​ അ​ട​ങ്ക​ൽ ത​യാ​റാ​ക്കി​യാ​ൽ കേ​ന്ദ്ര​വി​ഹി​തം വീ​ണ്ടും വ​ർ​ധി​ക്കും. പ​ണി​ക​ൾ വ​ൻ പ്രോ​ജ​ക്ടു​ക​ളാ​ക്കി ഒ​രു ജി​ല്ല​ക്ക്​ ഒ​രു ക​രാ​റു​കാ​ര​ൻ മ​തി​യെ​ന്ന നി​ല​പാ​ടാ​ണ്​ സ​ർ​ക്കാ​റി​ന്​ ആ​ദ്യ​മു​ണ്ടാ​യി​രു​ന്ന​ത്. അ​ത​നു​സ​രി​ച്ച്​ 800 കോ​ടി​യി​ലേ​റെ രൂ​പ​ക്കാ​ണ്​ മി​ക്ക ജി​ല്ല​ക​ളി​ലും അ​ട​ങ്ക​ൽ ത​യാ​റാ​ക്കി​യ​ത്.

അ​ത്ര​യും ഉ​യ​ർ​ന്ന തു​ക​ക്ക്​ പ​ദ്ധ​തി ഏ​റ്റെ​ടു​ക്കാ​ൻ ​ക​ഴി​വു​ള്ള ക​രാ​റു​കാ​ർ സം​സ്ഥാ​ന​ത്തു​ണ്ടാ​യി​രു​ന്നി​ല്ല. അ​തോ​ടെ സം​സ്ഥാ​ന​ത്തെ ക​രാ​റു​കാ​രെ ഒ​ഴി​വാ​ക്കി​യു​ള്ള പ​ദ്ധ​തി ന​ട​ത്തി​പ്പി​നാ​ണ്​ സ​ർ​ക്കാ​ർ തു​നി​ഞ്ഞ​ത്. അ​ന്ത​ർ​സം​സ്ഥാ​ന ക​രാ​റു​കാ​ർ പ​ണി ഏ​റ്റെ​ടു​ത്തെ​ങ്കി​ലും 2018ലെ ​നി​ര​ക്കാ​യ​തി​നാ​ൽ അ​വ​ർ ഉ​പേ​ക്ഷി​ച്ചു​പോ​യി. പി​ന്നീ​ട്​ വ​ർ​ക്കു​ക​ൾ വി​ഭ​ജി​ച്ച് ടെ​ൻ​ഡ​ർ ചെ​യ്തു​വെ​ങ്കി​ലും 200 കോ​ടി​യി​ലും ഏ​റെ​യാ​യി​രു​ന്നു തു​ക. അ​തും ഏ​റ്റെ​ടു​ക്കാ​ൻ ആ​ളു​ക​ൾ കു​റ​വാ​യ​തും പ​ദ്ധ​തി വൈ​കാ​ൻ കാ​ര​ണ​മാ​യി. ചെ​റു​കി​ട- ഇ​ട​ത്ത​രം ക​രാ​റു​കാ​ർ​ക്ക് ഏ​റ്റെ​ടു​ക്കാ​ൻ ക​ഴി​യും​വി​ധം അ​ട​ങ്ക​ലു​ക​ൾ ക്ര​മീ​ക​രി​ച്ചാ​ൽ പ​ദ്ധ​തി ന​ട​പ്പാ​ക്ക​ലി​ന്​ വേ​ഗം കൂ​ടു​മെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു.

ഗോ​വ, അ​ന്ത​മാ​ൻ നി​കോ​ബാ​ർ ദ്വീ​പു​ക​ൾ, ദാ​ദ്ര ന​ഗ​ർ ഹ​വേ​ലി, ഹ​രി​യാ​ന, ഗു​ജ​റാ​ത്ത്​ സം​സ്ഥാ​ന​ങ്ങ​ൾ പ​ദ്ധ​തി പൂ​ർ​ണ​മാ​യും ന​ട​പ്പാ​ക്കി​ക​ഴി​ഞ്ഞു. രാ​ജ​സ്ഥാ​ൻ, ഝാ​ർ​ഖ​ണ്ഡ്, ബം​ഗാ​ൾ എ​ന്നീ സം​സ്ഥാ​ന​ങ്ങ​ളാ​ണ്​ പ​ദ്ധ​തി ന​ട​ത്തി​പ്പി​ൽ കേ​ര​ള​ത്തെ​ക്കാ​ൾ പി​ന്നി​ലു​ള്ള​ത്.