എൻജിൻ തകരാർ; ജനശതാബ്ദി പിടിച്ചിട്ടു

കോഴിക്കോട്: എൻജിൻ തകരാർ മൂലം തിരുവനന്തപുരം-കോഴിക്കോട് ജനശതാബ്ദി എത്തിച്ചേരാൻ ഒരു മണിക്കൂറിലധികം വൈകി. ഉച്ചക്ക് 12.55ന് കോഴിക്കോട് എത്തേണ്ട ട്രെയിൻ 12.20 മുതൽ തിരൂർ സ്റ്റേഷനിൽ പിടിച്ചിടുകയായിരുന്നു.

തകരാർ പരിഹരിച്ച ശേഷം 1.39നാണ് ട്രെയിൻ തിരൂർ വിട്ടത്. കോഴിക്കോട് നിന്ന് തിരിച്ച് തിരുവനന്തപുരത്തേക്ക് ഉച്ചക്ക് 1.45 ന് പുറപ്പെടേണ്ടതായിരുന്നു ട്രെയിൻ.