ജസ്​നയുടെ തിരോധാനം: ഹേബിയസ്​ കോർപസ് ഹരജി ഇന്ന് ഹൈകോടതിയിൽ 

കൊച്ചി: പത്തനംതിട്ടയില്‍ നിന്ന് കാണാതായ കോളജ് വിദ്യാര്‍ഥിനി ജെസ്‌ന മറിയ ജെയിംസിനെ കണ്ടെത്തണമെന്ന് ആവശ്യപ്പെടുന്ന ഹരജി ഹൈകോടതി  ഇന്ന് പരിഗണിക്കും. അന്വേഷണം സംബന്ധിച്ച് സംസ്​ഥാന സർക്കാർ ഇന്ന് വിശദീകരണം നൽകും.  

പത്തനംതിട്ട കൊല്ലമുള കുന്നത്ത് വീട്ടില്‍ ജസ്‌ന മറിയ ജെയിംസിനെ മാര്‍ച്ച് 22ന്​ കാണാതായതിനെ തുടർന്ന്​ പിതാവ്​ നിരവധി പരാതികൾ നല്‍കിയിട്ടും കണ്ടെത്താനായിട്ടില്ലെന്ന്​ ചൂണ്ടിക്കാട്ടി സമർപ്പിച്ച ഹേബിയസ്​ കോർപസ്​ ഹരജിയാണ്​ കോടതി പരിഗണിക്കുന്നത്. ജെസ്​നയുടെ പിതാവ് ജെയിംസ് ജോസഫി​ന്‍റെ പരാതിയില്‍ വെച്ചൂച്ചിറ പൊലിസ് കേസെടുത്തിരുന്നതായി ഹരജിയിൽ പറയുന്നു.