കോളജ് വിദ്യാർഥിനിയുടെ തിരോധാനം: അന്വേഷണത്തിന് പുതിയ സംഘം

കോട്ടയം: കാഞ്ഞിരപ്പള്ളിയിലെ കോളജ് വിദ്യാര്‍ഥിനി ​െജസ്ന മരിയ ജയിംസി​​​​െൻറ തിരോധാനം അന്വേഷിക്കാൻ  പ്രത്യേക സംഘത്തെ നിയമിച്ചു. തിരുവല്ല ഡിവൈ.എസ്.പിയുടെ നേതൃത്വത്തിലെ 15 അംഗ സംഘത്തിനാണ് ചുമതല. ഇതില്‍ സൈബര്‍ വിദഗ്ധരെയും വനിത പൊലീസ് ഓഫിസര്‍മാരെയും  ഉള്‍പ്പെടുത്തി.ൈജസ്നയെ കണ്ടെത്താന്‍ ഇടപെടണമെന്ന്​ ആവശ്യപ്പെട്ട്  കാ​ഞ്ഞിരപ്പളളി ബിഷപ് മാര്‍ മാത്യു അറക്കലി​​​​െൻറ  നേതൃത്വത്തില്‍  മുഖ്യമന്ത്രിക്ക്​ നിവേദനം നല്‍കിയിരുന്നു. തുടർന്നാണ്​  ഡി.ജി.പി  പ്രത്യേക സംഘത്തെ നിയമിച്ചത്. ഒന്നരമാസമായിട്ടും  തിരോധാനക്കേസിൽ തുമ്പുണ്ടാകാതിരുന്നതിനെത്തുടർന്ന് വലിയ പ്രതിഷേധം ഉയർന്നിരുന്നു. 

കാഞ്ഞിരപ്പള്ളി സ​​​െൻറ്​  ഡൊമിനിക്സ്​ കോളജില്‍ രണ്ടാംവര്‍ഷ ബി.കോം വിദ്യാര്‍ഥിനിയായിരുന്ന  മുക്കൂട്ടുതറ കുന്നത്ത്  വീട്ടില്‍ ജയിംസ് ജോസഫി​​​​െൻറ മകള്‍ ​െജസ്‌ന മരിയ ജയിംസിനെ (20) മാർച്ച് 22ന് രാവിലെ 9.30മുതലാണ്  കാണാതാകുന്നത്. വാട്സ്​ആപും മൊബൈൽ ഫോണുമൊക്കെ പൊലീസ് പരിശോധിച്ചിരുന്നു. അസ്വാഭാവികമായി ഒന്നും കണ്ടെത്താനായില്ല.  ജസ്ന എരുമേലിവരെ എത്തിയതായി മാത്രമാണ്  ലഭിച്ച തെളിവ്. അധികം ആരോടും സംസാരിക്കാത്ത പ്രകൃതമായതിനാൽ അടുത്ത സുഹൃത്തുക്കളും കുറവ്. കാണാതാകുന്ന ദിവസം  സ്​റ്റഡി ലീവായിരുന്നു. രാവിലെ എട്ടുമണിയോടെ  വീടി​​​​െൻറ  വരാന്തയിലിരുന്ന്​ പഠിക്കുന്നത് അയല്‍ക്കാര്‍ കണ്ടിരുന്നു. പിതാവ് ജയിംസ് ജോലിസ്ഥലത്തേക്കുപോയി. മൂത്തസഹോദരി ​െജഫിമോളും സഹോദര ​െജയ്‌സും കോളജിലേക്കും പോയി. ഒമ്പതുമണിയോടെ മുക്കൂട്ടുതറയിലുള്ള അമ്മായിയുടെ വീട്ടിലേക്ക്​ പോവുകയാണെന്ന് അയല്‍ക്കാരോടു പറഞ്ഞശേഷം വീട്ടില്‍നിന്നിറങ്ങുകയായിരുന്നു.  ഓട്ടോയിലാണ് മുക്കൂട്ടുതറ ടൗണില്‍ എത്തിയത്. പിന്നീട് വിവരമൊന്നും ഇല്ല. അന്നു രാത്രി ഏഴരയോടെ പിതാവ് ജയിംസ് എരുമേലി പൊലീസ് സ്‌റ്റേഷനില്‍ പരാതി നല്‍കി. 

സമൂഹമാധ്യമത്തിലൂടെയും ​െജസ്നക്കുവേണ്ടിയുള്ള തിരച്ചിൽ ഊർജിതമാണ്. കഴിഞ്ഞദിവസം അന്വേഷണം  ഊർജിതമാക്കമണെന്ന് ആവശ്യപ്പെട്ട് ഫേസ്ബുക്ക് കൂട്ടായ്മ നേതൃത്വത്തിൽ ജസ്​റ്റിസ് ഫോർ ​െജസ്ന എന്ന പേരിൽ  റാലി നടത്തിയിരുന്നു.  വിവരം നൽകാൻ കഴിയുന്നവർക്കായി ​െജസ്നയുടെ ബന്ധു റോജിസ് ജറിയുടെ 9995780027 എന്ന നമ്പറും നജീബ് എന്നയാൾ കുറിച്ചിട്ടുണ്ട്. കാണാതാകുന്ന ദിവസം രാവിലെ താനും ​െജസ്നയും കൂടിയാണ് ഭക്ഷണം ഉണ്ടാക്കിയതെന്ന് സഹോദരൻ ​െജയ്സ് പറഞ്ഞു. പരീക്ഷയുടെ റിസൽട്ട് വന്നുവെന്നും 91 ശതമാനം മാർക്കുണ്ടെന്നും  ഭക്ഷണം കഴിക്കുന്ന സമയത്ത്  പറഞ്ഞിരുന്നു. തലേദിവസം പപ്പയുടെ പെങ്ങളെ വിളിച്ച് ഒറ്റക്കിരുന്ന്​ പഠിക്കാൻ  പറ്റുന്നില്ല, അങ്ങോട്ടു വരികയാണെന്ന്​ വിളിച്ചുപറഞ്ഞിരുന്നു.

എരുമേലിയിൽനിന്ന്​ കയറിയ  ബസിൽ ഒറ്റക്കിരുന്ന്​ പോകുന്നതും സി.സി ടി.വിയിൽ തിരിച്ചറിഞ്ഞതാണ്.  അതുകഴിഞ്ഞ്​ എന്താണു സംഭവിച്ചതെന്ന് ഒരു സൂചനയും ഇല്ല.​െജസ്നയെ കാണാതായശേഷം ചില അജ്ഞാത ഫോണുകൾ തനിക്ക്​ വന്നിരു​െന്നന്നും പൊലീസിനെ അറിയിച്ചിട്ടും  ഇതി​െനക്കുറിച്ച് കാര്യമായ അന്വേഷണം നടന്നില്ലെന്നും സഹോദരി ​െജഫി ജയിംസ് പറഞ്ഞു. സത്യാവസ്ഥ എന്താണെന്ന്​  മനസ്സിലാക്കാതെ ദുരാരോപണങ്ങൾ ഉണ്ടാകുന്നത് ഏറെ വേദനയുണ്ടാക്കുന്നതാണെന്നും കുടുംബം പറയുന്നു.