ഇടതുപക്ഷമാണ്​ എന്നും സോഷ്യലിസ്റ്റുകളുടെ ചേരിയെന്ന്​ എം.വി. ശ്രേയാംസ്കുമാർ

തൃശൂർ: ഇടതുപക്ഷമാണ്​ എന്നും സോഷ്യലിസ്റ്റുകളുടെ ചേരിയെന്ന്​ ജനതാദൾ യുനൈറ്റഡ് ദേശീയ സെക്രട്ടറി എം.വി. ശ്രേയാംസ്കുമാർ. സംഘ്​പരിവാർ ശക്തികളോട് എതിർത്ത് നിൽക്കുന്നത് ഇടതുപക്ഷ പ്രസ്ഥാനമാണ്. സജീവ പ്രവർത്തനത്തിലൂടെ ജനത പ്രസ്ഥാനത്തെ ഇടതുപക്ഷത്ത് രണ്ടാം കക്ഷിയായി വളർത്താൻ ശ്രമിക്കും. പാർട്ടി ഇല്ലാതാകുന്ന സാഹചര്യം വന്നപ്പോഴാണ് മുന്നണി മാറ്റം അനിവാര്യമായതെന്നും അദ്ദേഹം പറഞ്ഞു. വിവിധ ജില്ലകളിൽനിന്നും ജനതാദൾ-എസിൽ നിന്നും രാജിവെച്ച് ജനതാദൾ-യുവിൽ ചേർന്നവരുടെ ലയന സമ്മേളനം തൃശൂരിൽ ഉദ്ഘാടനം ചെയ്യുകയായിരുന്നു അദ്ദേഹം.