ജിഷ വധം: അന്വേഷണത്തിന്  പ്രായോഗിക ബുദ്ധിമുട്ടുണ്ടെന്ന് സി.ബി.ഐ

കൊച്ചി: ജിഷ വധക്കേസില്‍ സി.ബി.ഐ അന്വേഷണം ഈഘട്ടത്തില്‍ സാധ്യമല്ളെന്ന് സി.ബി.ഐ ഹൈകോടതിയില്‍. അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ച കേസില്‍ വീണ്ടുമൊരു അന്വേഷണത്തിന് ഇപ്പോള്‍ പ്രസക്തിയില്ല. അതിനാല്‍, കേസ് ഏറ്റെടുക്കുന്നതില്‍ പ്രായോഗിക ബുദ്ധിമുട്ടുണ്ടെന്ന് സി.ബി.ഐ അഭിഭാഷകന്‍ അറിയിച്ചു. ഈ ആവശ്യമുന്നയിച്ച് പിതാവ് കെ.വി. പാപ്പു നല്‍കിയ ഹരജിയിലാണ് സി.ബി.ഐ നിലപാട് അറിയിച്ചത്. സര്‍ക്കാറിന്‍െറ വിശദീകരണം തേടിയ കോടതി ഹരജി ഡിസംബര്‍ ഏഴിന് പരിഗണിക്കാനായി മാറ്റി. തെളിവ് ശേഖരണത്തിലടക്കം ഗൗരവമായ പിഴവുകള്‍ നിലവിലെ അന്വേഷണ ഉദ്യോഗസ്ഥര്‍ക്ക് സംഭവിച്ചിട്ടുണ്ടെന്ന് ചൂണ്ടിക്കാട്ടിയാണ് പിതാവ് കോടതിയെ സമീപിച്ചത്.