കോവിഡ്​ നിരീക്ഷണത്തിലിരുന്ന യുവാവ് മരിച്ചു

ചെങ്ങന്നൂർ: ആലപ്പുഴ മെഡിക്കൽ കോളജ് ആശുപത്രിയിൽ കോവിഡ് നിരീക്ഷണത്തിൽ കഴിഞ്ഞിരുന്ന യുവാവ് മരിച്ചു. ചെങ്ങന്നൂർ പാണ്ടനാട് തെക്കേ കപ്ലാശ്ശേരിൽ ടി.ജെ. സ്കറിയ-മേരിക്കുട്ടി ദമ്പതികളുടെ മകൻ ജോസ് ജോയിയാണ്​ (39) മരിച്ചത്.

അബൂദബിയിൽനിന്ന്​ 27ന് നാട്ടിലെത്തിയ ഇദ്ദേഹം ഹരിപ്പാ​ട്ടെ ഒരു ലോഡ്​ജിൽ ക്വാറൻറീനിലായിരുന്നു. ദേഹാസ്വാസ്ഥ്യം ഉണ്ടായതിനെത്തുടർന്ന് വ്യാഴാഴ്ച വൈകീട്ടാണ് മെഡിക്കൽ കോളജ് ആശുപത്രിയിൽ എത്തിച്ചത്.

വെള്ളിയാഴ്ച രാവിലെ സ്രവം പരിശോധനക്ക്​ അയച്ചെങ്കിലും വൈകീട്ട്​ മൂന്നോടെ മരിച്ചു. കരൾരോഗ ബാധിതനായിരു​െന്നന്ന്​ ആശുപത്രി അധികൃതർ പറഞ്ഞു. മരണം കോവിഡ് മൂലമാണോയെന്ന് സ്ഥിരീകരിച്ചിട്ടില്ല.മോർച്ചറിയിൽ സൂക്ഷിച്ചിരിക്കുന്ന മൃതദേഹം പരിശോധനഫലം കിട്ടിയശേഷം ബന്ധുക്കൾക്ക് വിട്ടുകൊടുക്കും.