വിത്തെടുത്ത് കുത്തുന്നതിനെ ഓർമിപ്പിക്കുന്നു കേന്ദ്രബജറ്റെന്ന് ജോസ് കെ.മാണി

കോട്ടയം: പുതിയ പദ്ധതികള്‍ക്കുള്ള പണം സ്വരൂപിക്കാനെന്ന പേരില്‍ രാജ്യത്തിന്റെ അഭിമാനസ്തംഭങ്ങളായ പൊതുമേഖല സ്ഥാപനങ്ങള്‍ വിറ്റഴിക്കുമെന്ന കേന്ദ്രബജറ്റ് പ്രഖ്യാപനം വിത്തെടുത്ത് കുത്തുക എന്ന പഴഞ്ചൊല്ലിനെ ഓര്‍മ്മിപ്പിക്കുന്നതാണെന്ന് കേരളാ കോണ്‍ഗ്രസ്സ് (എം) ചെയര്‍മാന്‍ ജോസ് കെ.മാണി.

കാര്‍ഷിക മേഖലയെ സ്വകാര്യവല്‍ക്കരിക്കുന്ന നയങ്ങള്‍ നടപ്പിലാക്കിയതിന് ശേഷം കാര്‍ഷിക വായ്പാ വിഹിതം വര്‍ദ്ധിപ്പിക്കുമെന്ന പ്രഖ്യാപനവും യുക്തിരഹിതമാണ്. കോവിഡ് മൂലം രാജ്യത്ത് ജോലി നഷ്ടപ്പെട്ട കോടികണക്കിന് ജനങ്ങളുടെ പുനരുദ്ധാരണത്തെപ്പറ്റിയും ബഡ്ജറ്റില്‍ ഒരു പ്രഖ്യാപനവും ഉണ്ടായിട്ടില്ലെന്നും ജോസ് കെ.മാണി പറഞ്ഞു.