ജോസഫ് ഗ്രൂപ്പിൽ പൊട്ടിത്തെറി; ജില്ല പ്രസിഡന്‍റ്​ സജി മഞ്ഞക്കടമ്പിൽ രാജി​വെച്ചു

കോട്ടയം: തെരഞ്ഞെടുപ്പ്​ പ്രചാരണത്തിനിടെ കേരള കോൺഗ്രസ് ജോസഫ് വിഭാഗത്തിൽ പൊട്ടിത്തെറി. പാർട്ടി കോട്ടയം ജില്ല പ്രസിഡന്‍റ്​ സജി മഞ്ഞക്കടമ്പിൽ രാജിവെച്ചു. ‌യു.ഡി.എഫ് കോട്ടയം ജില്ല ചെയർമാൻ കൂടിയായ സജി, ഈ സ്ഥാനവും ഒഴിഞ്ഞു. പാര്‍ട്ടി എക്‌സിക്യൂട്ടിവ് ചെയര്‍മാന്‍ മോന്‍സ് ജോസഫ് എം.എല്‍.എയുടെ ധാർഷ്ട്യനിലപാടുകളിൽ പ്രതിഷേധിച്ചാണ് രാജിയെന്ന്​ അദ്ദേഹം വാർത്തസമ്മേളനത്തിൽ പറഞ്ഞു. മോന്‍സ് ജോസഫ് ഏകാധിപത്യപരമായാണ് പ്രവർത്തിക്കുന്നതെന്നും തന്നെ അപമാനിച്ച് ഇല്ലാതാക്കാനായിരുന്നു ശ്രമമെന്നും അദ്ദേഹം പറഞ്ഞു. കോട്ടയം മണ്ഡലം യു.ഡി.എഫ്​ സ്ഥാനാർഥി ഫ്രാന്‍സിസ് ജോര്‍ജിന്‍റെ പത്രിക സമര്‍പ്പണത്തിലോ റോഡ് ഷോയിലോ പങ്കെടുപ്പിച്ചില്ല. പാര്‍ട്ടിയില്‍ പി.ജെ. ജോസഫിനും മുകളിലാണ് മോന്‍സ് ജോസഫ്​. മോൻസ്​ തന്നെ ഫോണിലൂടെ ​ അസഭ്യം പറയുകയും ഭീഷണിപ്പെടുത്തുകയും ചെയ്​തെന്നും നിറകണ്ണുകളോടെ സജി പറഞ്ഞു.

മാണി വിഭാഗത്തില്‍നിന്നെത്തിയവരെ അവശിഷ്ട മാണി വിഭാഗമെന്നാണ്​ വിളിക്കുന്നത്. മുതിർന്ന നേതാക്കളായ ജോയി എബ്രഹാം, ഇ.ജെ. ആഗസ്തി എന്നിവർക്കുപോലും ഇടപെടാന്‍ കഴിയാത്ത വിധമാണ് മോൻസിന്‍റെ പ്രവര്‍ത്തനം. പി.ജെ. ജോസഫിനെ പലതവണ പരാതി അറിയിച്ചിരുന്നു. അദ്ദേഹത്തിനും നിയന്ത്രിക്കാൻ കഴിയുന്നില്ല. മോൻസ്​ പ്രവർത്തിക്കുന്ന പാർട്ടിയിലും മുന്നണിയിലും ഇനിയില്ല. സ്ഥാനാര്‍ഥി ഫ്രാന്‍സിസ് ജോര്‍ജും നീതി കാണിച്ചില്ല. പൊതുപ്രവര്‍ത്തനരംഗത്ത്​ തുടരുമെങ്കിലും സജീവരാഷ്ട്രീയത്തിലേക്കില്ലെന്നും അദ്ദേഹം പറഞ്ഞു.

സജി പാർട്ടിയെ വഞ്ചിച്ചു -​മോൻസ്​ ​ജോസഫ്​

കോട്ടയം: യു.ഡി.എഫിനെയും പാർട്ടിയെയും സജി മഞ്ഞക്കടമ്പിൽ വഞ്ചിച്ചതായി കേരള കോൺഗ്രസ്​ എക്സിക്യൂട്ടിവ്​ ചെയർമാൻ മോൻസ് ജോസഫ് എം.എൽ.എ. നിർണായക തെരഞ്ഞെടുപ്പിന്​ നടു​വിൽ യൂദാസിന്‍റെ പണിയാണ് അദ്ദേഹം കാണിച്ചത്. ഫ്രാൻസിസ് ജോർജിന്‍റെ വിജയത്തെ ഇത്​ ബാധിക്കില്ലെന്നും മോൻസ്​ ജോസഫ്​ വാർത്തസമ്മേളനത്തിൽ പറഞ്ഞു.

സജി ഉന്നയിച്ച ആരോപണങ്ങള്‍ അടിസ്ഥാനരഹിതമാണ്​. ഒരു പരാതിയും ഇതുവരെ ഉന്നയിച്ചിട്ടില്ല. നേതൃത്വത്തിലുള്ള ആരോടും ഇക്കാര്യങ്ങളൊന്നും പറഞ്ഞിട്ടില്ല. യു.ഡി.എഫിലും പരാതി പറഞ്ഞിട്ടില്ല. ഇതിന്​ പിന്നിലുള്ള ദുരൂഹത അന്വേഷിക്കണം. തനിക്ക്​ മാത്രമായി പാര്‍ട്ടിയില്‍ എന്തെങ്കിലും തീരുമാനമെടുക്കാന്‍ കഴിയില്ല. സജിയുടെ രാജി എല്‍.ഡി.എഫിന്‍റെ നീക്കമായി കരുതുന്നില്ല. അപരന്മാരുടെ പത്രിക തള്ളിയതിനുശേഷം എല്‍.ഡി.എഫിലെ ചിലര്‍ക്ക്​ ജാള്യതയുണ്ടായിരുന്നു. അതിന്‍റെ പ്രതിഫലനമുണ്ടായോയെന്നും അന്വേഷിക്കണം. രാജിക്ക്​ പിന്നില്‍, രാഷ്ട്രീയ എതിരാളികളും വൈരാഗ്യക്കാരുമുണ്ട് -മോന്‍സ് പറഞ്ഞു. കോട്ടയത്ത്​ നടന്ന റോഡ് ഷോയിലേക്കും വെള്ളിയാഴ്ച പാലായില്‍ നടന്ന വാർത്തസമ്മേളനത്തിലേക്കും സജിയെ വിളിച്ചിരുന്നു. ഏറ്റുമാനൂരിലെ സ്ഥാനാര്‍ഥിത്വവുമായി ബന്ധപ്പെട്ട് സജി ചില അസ്വസ്ഥകള്‍ പ്രകടിപ്പിച്ചിരുന്നു. ഇതോടെയാണ്​ താന്‍ മാറി യു.ഡി.എഫ് ചെയര്‍മാന്‍സ്ഥാനം നല്‍കിയത്. സാധ്യത വന്നാല്‍ നിയമസഭ സീറ്റില്‍ അര്‍ഹമായ പ്രാതിനിധ്യം നല്‍കുമെന്ന്​ താനും പി.ജെ. ജോസഫും ഉറപ്പുനൽകിയിരുന്നു. പാർട്ടി മികച്ച നിലയിലാണ്​ സജിയെ പരിഗണിച്ചിരുന്നതെന്നും അദ്ദേഹം പറഞ്ഞു.

സ​ജി​യു​ടെ രാ​ജി യു.​ഡി.​എ​ഫി​നെ ബാ​ധി​ക്കി​ല്ല -തി​രു​വ​ഞ്ചൂ​ർ

കോ​ട്ട​യം: സ​ജി മ​ഞ്ഞ​ക്ക​ട​മ്പി​ലി​ന്‍റെ രാ​ജി യു.​ഡി.​എ​ഫി​നെ ബാ​ധി​ക്കി​ല്ലെ​ന്ന്​ തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍ എം.​എ​ല്‍.​എ. യു.​ഡി.​എ​ഫി​നു​മു​ന്നി​ല്‍ സ​ജി മ​ഞ്ഞ​ക്ക​ട​മ്പി​ലി​ന്‍റെ പ​രാ​തി വ​ന്നി​ട്ടി​ല്ല. അ​പ്ര​തീ​ക്ഷി​ത​മാ​യി പ​രാ​തി എ​ങ്ങ​നെ​യു​ണ്ടാ​യെ​ന്ന് പ​രി​ശോ​ധി​ക്ക​ണം. നേ​ര​ത്തേ പ​റ​ഞ്ഞി​രു​ന്നെ​ങ്കി​ല്‍ പ​രി​ഹ​രി​ക്കാ​മാ​യി​രു​ന്നു​വെ​ന്നാ​ണ് വി​ശ്വാ​സം.

എ​ല്ലാ​വ​രും ഒ​ന്നി​ച്ചു​പോ​ക​ണ​മെ​ന്നാ​ണ് ആ​ഗ്ര​ഹം. സ​ജി പ​റ​ഞ്ഞ​ത്​ പാ​ര്‍ട്ടി വി​ടാ​ന്‍ത​ക്ക കാ​ര​ണ​മാ​യി തോ​ന്നു​ന്നി​ല്ല. കേ​ര​ള കോ​ണ്‍ഗ്ര​സ് പ​രി​ശോ​ധി​ച്ച്​ പ്ര​ശ്‌​നം പ​രി​ഹ​രി​ക്കും. പി.​ജെ. ജോ​സ​ഫ്​ ഉ​ചി​ത തീ​രു​മാ​ന​മെ​ടു​ക്കു​മെ​ന്നാ​ണ്​ വി​ശ്വാ​സ​മെ​ന്നും തി​രു​വ​ഞ്ചൂ​ര്‍ പ​റ​ഞ്ഞു.

‘യു.ഡി.എഫിന്‍റെ നട്ടെല്ല് തകര്‍ന്നു’

കോട്ടയം: എൽ.ഡി.എഫ്​ മുന്നേറ്റത്തിന്‍റെ പ്രതിഫലനമാണ് സജി മഞ്ഞക്കടമ്പിലിന്‍റെ രാജിയെന്ന്​ മന്ത്രി വി.എന്‍. വാസവന്‍. കേരള കോണ്‍ഗ്രസ് ജോസഫ് ഗ്രൂപ്പിനെ ജില്ലയില്‍ പിടിച്ചുനിര്‍ത്തിയിരുന്നത് മഞ്ഞക്കടമ്പിലായിരുന്നു. യു.ഡി.എഫിന്‍റെ നട്ടെല്ല് സജിയുടെ രാജിയോടെ തകര്‍ന്നു. അടുത്ത തെരഞ്ഞെടുപ്പോടെ വംശനാശം സംഭവിക്കുന്ന പാര്‍ട്ടിയായി ജോസഫ് വിഭാഗം മാറും. യു.ഡി.എഫില്‍നിന്ന്​ കൂടുതൽപേർ രാജിവെച്ച്​ പുറത്തുവരുമെന്നും വാസവൻ മാധ്യമപ്രവർത്തകരോട്​ പറഞ്ഞു.