''സർക്കാറിന്​ പിന്തുണ നൽകിയ പ്രതിപക്ഷം മാതൃക, ഒരിക്കൽ കൂടി രമേശ് ചെന്നിത്തലക്ക് അഭിനന്ദനം''

കോഴിക്കോട്​: പ്രതിപക്ഷ നേതാവ്​ രമേശ്​ ചെന്നിത്തലക്ക്​ അഭിനന്ദനവുമായി നടൻ ജോയ്​ മാത്യൂ. ജനജീവിതം കൊടും ദുരിതത്തിലേക്ക്​ കൂപ്പുകു​ത്തു​േമ്പാൾ സംസ്ഥാന സർക്കാർ കൈകൊള്ളുന്ന ജനരക്ഷക്ക്​ സർവ പിന്തുണയും നൽകാൻ തയ്യാറായ പ്രതിപക്ഷത്തിനെ അഭിനന്ദിക്കാതിരിക്കാൻ വയ്യെന്ന്​ ജോയ്​ മാത്യൂ പറഞ്ഞു.

''ഒരിക്കൽ കൂടി പ്രതിപക്ഷ നേതാവ് ശ്രീ രമേശ് ചെന്നിത്തലക്ക് അഭിനന്ദനം.രാജ്യം കോവിഡ് ഭീതിയിൽ വിറങ്ങലിക്കുകയും രോഗ പ്രതിരോധത്തിനു ആവശ്യമായ വാക്‌സിനുകളുടെയും ഓക്സിജന്‍റെയും ദൗർലഭ്യം കാരണം ജനജീവിതം കൊടും ദുരിതത്തിലേക്ക് കൂപ്പുകുത്തുകയും ചെയ്യുമ്പോൾ സംസ്ഥാന ഗവർമെന്‍റ്​ കൈക്കൊള്ളുന്ന ജനരക്ഷക്ക് സർവ്വ പിന്തുണയും നൽകാൻ തയ്യാറായ പ്രതിപക്ഷത്തിനെ അഭിനന്ദിക്കാതിരിക്കാൻ വയ്യ .ഈ ദുരിതകാലം മറികടക്കുവാൻ രാഷ്ട്രീയ ലാഭങ്ങൾ മാറ്റിവെച്ച് ജനങ്ങൾക്ക് വേണ്ടി നിലകൊള്ളുന്നകേരളത്തിലെ പ്രതിപക്ഷം അങ്ങനെ ലോകത്തിനു മാതൃകയാവുന്നു .അഭിനന്ദനങ്ങൾ ഇതായിരിക്കണം പ്രതിപക്ഷം ,ഇങ്ങിനെയായിരിക്കണം പ്രതിപക്ഷം'' -​ജോയ്​ മാത്യൂ ഫേസ്​ബുക്കിൽ കുറിച്ചു.

പ്രതിപക്ഷനേതാവെന്ന നിലയിൽ രമേശ്​ ചെന്നിത്തല മികച്ച പ്രവർത്തനമാണ്​ കാഴ്​ചവെച്ചതെന്ന്​ ജോയ്​ മാത്യൂ തെരഞ്ഞെടുപ്പ്​ സമയത്ത്​ ഫേസ്​ബുക്കിൽ കുറിച്ചിരുന്നു.