നടന്മാരുടെ ജാമ്യാപേക്ഷകളിൽ വ്യാഴാഴ്ച വിധി

കൊച്ചി: അതിക്രമക്കേസിൽ നടന്മാരായ മുകേഷ്, ഇടവേള ബാബു, ലോയേഴ്‌സ്‌ കോൺഗ്രസ് മുൻ സംസ്ഥാന പ്രസിഡൻറ് അഡ്വ. വി.എസ്. ചന്ദ്രശേഖരൻ എന്നിവർ സമർപ്പിച്ച മുൻകൂർ ജാമ്യാപേക്ഷകളിൽ എറണാകുളം പ്രിൻസിപ്പൽ സെഷൻസ് കോടതി വ്യാഴാഴ്ച വിധി പറയും. പരാതിക്കാരി പണം ആവശ്യപ്പെട്ട് ബ്ലാക്ക്മെയിൽ ചെയ്തെന്നാണ് മുകേഷിന്‍റെ പ്രധാന വാദം. ചന്ദ്രശേഖരനും ഇടവേള ബാബുവും ആരോപണങ്ങൾ പൂർണമായി നിഷേധിച്ചു. പ്രോസിക്യൂഷൻ എല്ലാ ജാമ്യാപേക്ഷയെയും എതിർത്ത് ബലാത്സംഗക്കുറ്റം നിലനിൽക്കുമെന്നും വാദിച്ചു. മണിയൻപിള്ള രാജുവിന്‍റെ മുൻകൂർ ജാമ്യാപേക്ഷയും പരിഗണിച്ചു. ജാമ്യം ലഭിക്കാവുന്ന വകുപ്പാണെന്ന് വിലയിരുത്തി അപേക്ഷ തീർപ്പാക്കിയിട്ടുണ്ട്.

മുൻകൂർ ജാമ്യം തേടി രഞ്ജിത്ത്​ ഹൈകോടതിയിൽ

കൊ​ച്ചി: ബം​ഗാ​ളി ന​ടി​യു​ടെ പ​രാ​തി​യി​ൽ എ​റ​ണാ​കു​ളം നോ​ർ​ത്ത് പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ സം​വി​ധാ​യ​ക​ൻ ര​ഞ്ജി​ത് ഹൈ​കോ​ട​തി​യി​ൽ മു​ൻ​കൂ​ർ ജാ​മ്യാ​പേ​ക്ഷ ന​ൽ​കി. സ്ത്രീ​ത്വ​ത്തെ അ​പ​മാ​നി​ച്ചെ​ന്നും ലൈം​ഗി​ക താ​ൽ​പ​ര്യ​ത്തോ​ടെ സ്പ​ർ​ശി​ച്ചെ​ന്നു​മു​ള്ള ന​ടി​യു​ടെ പ​രാ​തി കെ​ട്ടി​ച്ച​മ​ച്ച​താ​ണെ​ന്ന് ഹ​ര​ജി​യി​ൽ പ​റ​യു​ന്നു. പ​തി​ന​ഞ്ചു വ​ർ​ഷം മു​ൻ​പ് ന​ട​ന്നു​വെ​ന്ന്​ ആ​രോ​പി​ക്കു​ന്ന കാ​ര്യ​ത്തി​ൽ ഇ​പ്പോ​ൾ പ​രാ​തി ന​ൽ​കി​യ​ത് ദു​രു​ദ്ദേ​ശ്യ​പ​ര​മാ​ണെ​ന്നും ര​ഞ്ജി​ത് ആ​രോ​പി​ച്ചു. 2009ൽ ​സി​നി​മ ച​ർ​ച്ച​ക്കാ​യാ​ണ് ന​ടി​യെ കൊ​ച്ചി​യി​ലെ ഫ്ലാ​റ്റി​ൽ വി​ളി​ച്ചു​വ​രു​ത്തി​യ​ത്. ത​ന്‍റെ സ​ഹ​പ്ര​വ​ർ​ത്ത​ക​രാ​യ നാ​ലു​പേ​രും അ​വി​ടെ​യു​ണ്ടാ​യി​രു​ന്നു. അ​സോ​ഷ്യേ​റ്റ് ശ​ങ്ക​ർ രാ​മ​കൃ​ഷ്ണ​നാ​ണ് ന​ടി​യു​മാ​യി സം​സാ​രി​ച്ച​ത്. എ​ന്നാ​ൽ ന​ടി ന​ൽ​കി​യ ഇ-​മെ​യി​ൽ പ​രാ​തി​യി​ൽ ഇ​ക്കാ​ര്യം മൂ​ടി​വെ​ച്ചു. സി​നി​മ​യി​ൽ അ​വ​സ​രം കി​ട്ടാ​തെ പ​രാ​തി​ക്കാ​രി​ക്ക് നി​രാ​ശ​യു​ണ്ടാ​യി​രു​ന്നു. ത​ന്നെ കേ​ര​ള ച​ല​ച്ചി​ത്ര അ​ക്കാ‌​ദ​മി അ​ധ്യ​ക്ഷ പ​ദ​ത്തി​ൽ നി​ന്ന് പു​റ​ത്താ​ക്കാ​ൻ ല​ക്ഷ്യ​മി​ട്ട​വ​രാ​ണ് 15 വ​ർ​ഷം പ​ഴ​യ സം​ഭ​വം മ​റ്റൊ​രു​വി​ധ​ത്തി​ൽ ഊ​തി​ക്ക​ത്തി​ച്ച​ത്. ഐ.​പി.​സി 354-ാംവ​കു​പ്പ് പ്ര​കാ​ര​മാ​ണ് കേ​സ്. ഇ​ത് 2013ന്​ ​ശേ​ഷ​മാ​ണ് ജാ​മ്യ​മി​ല്ല കു​റ്റ​മാ​ക്കി​യ​ത്. അ​തി​ന് മു​മ്പ് ന​ട​ന്ന സം​ഭ​വ​ത്തി​ന്‍റെ പേ​രി​ൽ ജാ​മ്യ​മി​ല്ലാ​ത്ത കേ​സെ​ടു​ത്ത​ത് മൗ​ലി​കാ​വ​കാ​ശ​ലം​ഘ​ന​മാ​ണെ​ന്നും ഹ​ര​ജി​യി​ൽ പ​റ​യു​ന്നു.