ജംബോ റാങ്ക് പട്ടിക; വേണ്ടത്​ ചട്ടം ഭേദഗതി, ന​ട​പ​ടി​യെ​ടു​ക്കേ​ണ്ട​ത് സ​ർ​ക്കാ​റെന്ന്​ പി.എസ്​.സി ചെയർമാൻ

തി​രു​വ​ന​ന്ത​പു​രം: റാ​ങ്ക് പ​ട്ടി​ക​യി​ലെ ആ​ളെ​ണ്ണം കു​റ​ക്കു​ന്ന​തി​ന് സ​ഹാ​യ​മാ​കും വി​ധം ച​ട്ടം ഭേ​ദ​ഗ​തി ചെ​യ്യാ​ന്‍ സ​ര്‍ക്കാ​ര്‍ ത​യാ​റാ​യാ​ല്‍ അ​തി​ന​നു​സ​രി​ച്ച് പി.​എ​സ്.​സി​യു​ടെ ന​ട​പ​ടി​ക​ളി​ലും മാ​റ്റം​വ​രു​ത്തു​മെ​ന്ന് ചെ​യ​ർ​മാ​ൻ എം.​കെ. സ​ക്കീ​ർ അ​റി​യി​ച്ചു. കെ.​എ​സ് ആ​ൻ​ഡ് എ​സ്.​എ​സ്.​ആ​ർ ച​ട്ടം അ​നു​സ​രി​ച്ചാ​ണ് ഒ​ഴി​വിെൻറ അ​ഞ്ചി​ര​ട്ടി പേ​രെ റാ​ങ്ക്​ പ​ട്ടി​ക​യി​ല്‍ ഉ​ള്‍പ്പെ​ടു​ത്തു​ന്ന​ത്. സം​വ​ര​ണ പ്രാ​തി​നി​ധ്യം ഉ​റ​പ്പാ​ക്കാ​നും നി​യ​മ​ന​ശി​പാ​ര്‍ശ കി​ട്ടി​യി​ട്ടും ചി​ല​ർ ജോ​ലി​ക്ക് ചേ​രാ​ത്ത​തും ക​ണ​ക്കി​ലെ​ടു​ത്തു​മാ​ണ് പ​ട്ടി​ക വ​ലു​താ​ക്കു​ന്ന​ത്. ചെ​റി​യ റാ​ങ്ക് പ​ട്ടി​ക​ക​ൾ പ്ര​സി​ദ്ധീ​ക​രി​ക്കു​ന്ന​തി​ന് ആ​ദ്യം ന​ട​പ​ടി​യെ​ടു​ക്കേ​ണ്ട​ത് സ​ർ​ക്കാ​റാ​ണ്.

സ​ർ​ക്കാ​ർ നി​യ​മ​ന​നി​രോ​ധ​നം ഏ​ർ​പ്പെ​ടു​ത്തു​ക​യോ ഒ​ഴി​വു​ക​ൾ റി​പ്പോ​ർ​ട്ട് ചെ​യ്യു​ന്ന​തി​ൽ കാ​ല​താ​മ​സം വ​രു​ത്തു​ക​യോ ചെ​യ്​​താ​ൽ മാ​ത്ര​മേ റാ​ങ്ക് ലി​സ്​​റ്റു​ക​ളു​ടെ കാ​ലാ​വ​ധി പ​ര​മാ​വ​ധി നാ​ല​ര​വ​ർ​ഷം വ​രെ നീ​ട്ടാ​ൻ സാ​ധി​ക്കൂ. ഒ​രി​ക്ക​ലും കാ​ലാ​വ​ധി ക​ഴി​ഞ്ഞ റാ​ങ്ക് ലി​സ്​​റ്റ്​ പി​ന്നീ​ട്​ ക​ണ്ടെ​ത്തി ദീ​ർ​ഘി​പ്പി​ക്കാ​ൻ ക​ഴി​യി​ല്ല.

സി​വി​ൽ പൊ​ലീ​സ് ഓ​ഫി​സ​ർ ത​സ്തി​ക​യു​ടെ കാ​ര്യ​ത്തി​ലും ഇ​തു​ത​ന്നെ​യാ​ണ് പി.​എ​സ്.​സി നി​ല​പാ​ട്. ഡി​സം​ബ​ര്‍ 31 വ​രെ​യു​ള്ള ഒ​ഴി​വു​ക​ള്‍ ക​ണ​ക്കാ​ക്കി​യാ​ണ് ഇ​ത്ത​വ​ണ​ത്തെ സി​വി​ല്‍ പൊ​ലീ​സ് ഓ​ഫി​സ​ര്‍ നി​യ​മ​ന​ശി​പാ​ര്‍ശ അ​യ​ച്ച​ത്. കാ​ലാ​വ​ധി അ​വ​സാ​നി​ച്ച റാ​ങ്ക് ലി​സ്​​റ്റി​ൽ​നി​ന്ന് 1200 ട്രെ​യി​നി ത​സ്തി​ക​ക​ളി​ൽ​കൂ​ടി നി​യ​മ​ന ശി​പാ​ർ​ശ ന​ൽ​കി​യി​രു​ന്നു.

എ​ന്നാ​ൽ, ട്രെ​യി​നി​ങ് ത​സ്തി​ക​ക​ൾ ബ​റ്റാ​ലി​യ​ൻ തി​രി​ച്ച് വി​ഭ​ജി​ച്ച് ഉ​ത്ത​ര​വു​ക​ൾ ന​ൽ​കി​യി​ല്ലെ​ന്ന്​ പൊ​ലീ​സ് ആ​സ്ഥാ​ന​ത്തു​നി​ന്ന്​ ഉ​ദ്യോ​ഗാ​ർ​ഥി​ക​ൾ​ക്ക് ല​ഭി​ച്ച വി​വ​രാ​വ​കാ​ശ മ​റു​പ​ടി​യെ​ക്കു​റി​ച്ച് ത​നി​ക്ക​റി​യി​ല്ലെ​ന്നും നി​യ​മ​ന​ശി​പാ​ർ​ശ​ക​ൾ ന​ൽ​കി​യ​തിെൻറ രേ​ഖ​ക​ൾ പി.​എ​സ്.​സി​യി​ലു​ണ്ടെ​ന്നും ചെ​യ​ർ​മാ​ൻ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു.