ജൂനിയർ ഡോക്​ടർമാരുടെ സമരം ഒത്തുതീർന്നു

​തിരുവനന്തപുരം: സംസ്ഥാനത്ത്​ ജുനിയർ ഡോക്​ടർമാരുടെ സമരം ഒത്തുതീർന്നു. ആരോഗ്യമന്ത്രി കെ.കെ ശൈലജയുടെ അധ്യക്ഷതയിൽ നടത്തിയ ചർച്ചയിലാണ്​ സമരം ഒത്തുതീർന്നത്​.

പെൻഷൻ പ്രായം ഉയർത്തു​േമ്പാൾ ഉണ്ടാവുന്ന പ്രശ്​നത്തിന്​ കൂടുതൽ തസ്​തികകൾ സൃഷ്​ടിച്ച്​ പരിഹാരം കാണുമെന്ന്​ ശൈലജ അറിയിച്ചു. ആർദ്രം മിഷൻ പദ്ധതിയുടെ ഭാഗമായാണ്​ കൂടുതൽ തസ്​തികകൾ സൃഷ്​ടിക്കുക.

കൂടുതൽ  പി.ജി സീറ്റുകൾ അനുവദിക്കണമെന്ന ജൂനിയർ ഡോക്​ടർമാരുടെ ആവശ്യവും സർക്കാർ അംഗീകരിച്ചു. ആരോഗ്യവകുപ്പിലെ ഒഴിവുകൾ നികത്തുന്നതിനും റിപ്പോർട്ട്​ ചെയ്യുന്നതിനും കാര്യമായ ഇടപെടൽ ഉണ്ടാവുമെന്നും ആരോഗ്യമന്ത്രി പറഞ്ഞു.

റാങ്ക് ലിസ്റ്റിൽ ഉണ്ടായിട്ടും നിയമനം നടത്തിയില്ലെങ്കിൽ ബന്ധപ്പെട്ടവർക്കെതിരെ കർശന നടപടി സ്വീകരിക്കും. പെൻഷൻ പ്രായം വർധിപ്പിച്ച തീരുമാനം പിൻവലിക്കാനാവില്ലെന്ന് സമരക്കാരെ അറിയിച്ചിട്ടുണ്ട്. സമരം ചെയ്തവർക്കെതിരെ നടപടി സ്വീകരിക്കില്ലെന്നും ആരോഗ്യ മന്ത്രി പറഞ്ഞു.