പൊലീസ് സേനയെ അടിമകളാക്കി, ഇത്ര അധഃപതിച്ച കാലമുണ്ടായിട്ടില്ലെന്ന് ജസ്റ്റിസ് കെമാൽപാഷ
text_fieldsതിരുവനന്തപുരം: പി.സി. ജോർജിനെ വെള്ളപൂശാനില്ലെന്നും അതേസമയം, കഴിഞ്ഞദിവസം അദ്ദേഹത്തിന് കോടതി ജാമ്യം അനുവദിച്ചതിനെ താൻ സ്വാഗതം ചെയ്യുന്നെന്നും ജസ്റ്റിസ് കെമാൽ പാഷ. നീതിന്യായ വ്യവസ്ഥയുടെ അന്തസ്സുയർത്തിയ നടപടിയാണതെന്നും മാധ്യമപ്രവർത്തകരുടെ ചോദ്യത്തിന് മറുപടിയായി അദ്ദേഹം പറഞ്ഞു.
മറ്റൊരു ഗൂഢാലോചനക്കേസുമായി ബന്ധപ്പെട്ടാണ് ജോർജിനെ വിളിച്ചു വരുത്തിയത്. ഉച്ചക്ക് പീഡന പരാതി കിട്ടി ഒരു മണിക്കൂറിനകം കേസ് രജിസ്റ്റർ ചെയ്ത് അറസ്റ്റ് ചെയ്യുകയായിരുന്നു. ഇതിൽ അസ്വാഭാവികതയുണ്ട്. ഒരു മണിക്കൂര് കൊണ്ട് എന്തു പ്രാഥമികാന്വേഷണം നടത്താനാകും?
പൊലീസ് ഇത്ര അധഃപതിച്ച കാലമുണ്ടായിട്ടില്ല. പൊലീസിനെ അടിമകളാക്കി. വിമർശിക്കാനും പ്രതിഷേധിക്കാനുമുള്ള അവകാശം ജനാധിപത്യത്തിലുണ്ട്. വിമർശനമെന്നത് കലാപമല്ല. വിമർശിച്ചാൽ ഇന്ന് നടന്നു പോകാൻ കഴിയാത്ത സ്ഥിതിയാണെന്നും കെമാൽ പാഷ കൂട്ടിച്ചേർത്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.