അച്​ഛന്‍റെ തോളിൽ നിന്ന്​ ആറു വയസുകാരിയെ തട്ടിപ്പറിച്ച്​ മരണം

മാനന്തവാടി: മഴ കനത്തുപെയ്​ത ആ രാത്രിയിൽ അച്​ഛനോടൊപ്പം കിടന്നുറങ്ങുകയായിരുന്നു ആ പൊന്നുമോൾ. അപകടസൂചനയുടെ അലയൊലികൾ കാതിൽ പതിച്ചപ്പോൾ മകൾ ജ്യോതികയെയുമെടുത്ത്​ ബാബു സുരക്ഷിത തീരം തേടുകയായിരുന്നു.

ഉറങ്ങുന്ന മകളെയും തോളിലെടു​ത്ത്​ അപകടത്തിൽനിന്ന്​ ഒഴിഞ്ഞുമാറാൻ ബാബു പക്ഷേ, ഓടിക്കയറിയത്​ വൻ ദുരന്തത്തിലേക്ക്​. മരം വീഴുന്ന ശബ്​ദം കേട്ട്​ മകളെയു​മെടുത്ത്​ ആ പിതാവ്​ പുറ​േത്തക്ക്​ ഓടിയെങ്കിലും അതിനിടയിലുണ്ടായ അപ്രതീക്ഷിത ദുരന്തം ആറു വയസ്സുകാരിയുടെ ജീവനെടുത്തപ്പോൾ അത്​ വാളാട്​ ഗ്രാമത്തി​​െൻറ മുഴുവൻ നൊമ്പരമായി.

വാളാട്​ തോളക്കര ആദിവാസി കോളനിയിലെ പൊളിഞ്ഞുവീഴാറായ വീടിനുമുകളിൽ മരം വീഴുമെന്ന ആധിയിലാണ്​ മകളെയുമെടുത്ത്​ ​ ബാബു പുറത്തേക്കോടിയത്​. എന്നാൽ, വീടി​േനാട്​ തൊട്ടുതൊട്ടില്ലെന്ന മട്ടിലാണ്​ മരം നിലംപതിച്ചത്​. ഇതിനിടയിൽ​ പുറത്തേക്കോടിയ ഇരുവരുടെയും ദേഹത്ത്​ മരശിഖരം പതിക്കുകയായിരുന്നു​.

വീട്ടിനുള്ളിൽ കുട്ടിയുടെ മാതാവ്​ അമ്മിണി ഉൾപെടെ രണ്ടു പേരുണ്ടായിരുന്നു. അവർക്കാർക്കും പരിക്ക്​ പറ്റിയില്ല. അപകടത്തിൽ ബാബു​വിനും ഗുരുതര പരിക്കേറ്റിട്ടുണ്ട്​. ജ്യോതികയും കുടുംബവു​ം പഞ്ചായത്ത്​ നിർമിച്ചുനൽകിയ പുതിയ വീട്ടിലേക്ക്​ മാറിത്താമസിക്കാൻ ഒരുങ്ങുന്നതിനിടയിലാണ്​ ദുരന്തമെത്തിയത്​.

ജ്യോതികയുടെ വേർപാടിൽ രാഹുൽ ഗാന്ധി എം.പി അനുശോചിച്ചു. 'കുടുംബത്തി​​െൻറ ദുഃഖത്തിൽ പങ്കുചേരുന്നു. അപകടത്തിൽ പരിക്കേറ്റ പിതാവ്​ ബാബു എത്രയും വേഗം സുഖം പ്രാപിക്ക​ട്ടെ.' -രാഹുൽ അനുശോചന സന്ദേശത്തിൽ പറഞ്ഞു.