ഏമാന്മാരെയും രാഷ്​ട്രീയക്കാരെയും സേവിക്കുന്ന പൊലീസുകാരെ തിരികെ വിളിക്കണം -മുരളീധരൻ

തിരുവനന്തപുരം: പൊലീസ് ഏമാന്മാരെയും രാഷ്​ട്രീയക്കാരെയും സേവിക്കുന്ന എല്ലാ പൊലീസുകാരെയും തിരിച്ചുവിളിച്ച് സ്​റ്റേഷൻ ഡ്യൂട്ടിക്ക് നിയോഗിക്കാൻ ആഭ്യന്തരവകുപ്പ് തയാറാകണമെന്ന് കെ. മുരളീധരൻ എം.എൽ.എ. തിരുവനന്തപുരം റൂറല്‍ വനിത സെല്ലി​​​െൻറ പുതിയ മന്ദിരം ഉദ്ഘാടനചടങ്ങിൽ സംസാരിക്കുകയായിരുന്നു അദ്ദേഹം.

എന്തിനും ഏതിനും പൊലീസിനെ കല്ലെറിയുന്നതിനോട് യോജിപ്പില്ല. എന്നാൽ, ജനങ്ങളെ സേവിക്കേണ്ടവർ അവരുടെ കടമ മറക്കുമ്പോൾ വിമർശനങ്ങൾ വരുമെന്നും അതിൽ അസ്വസ്​ഥരായിട്ട്​ കാര്യമില്ലെന്നും മുരളീധരൻ പറഞ്ഞു.