സഹകരണ മന്ത്രാലയം അമിത്​ ഷാക്ക്​ നൽകിയത്​ കോഴിയെ സംരക്ഷിക്കാൻ കുറുക്കനെ ഏൽപ്പിച്ച പോലെ -മുരളീധരൻ

തിരുവനന്തപുരം: കേന്ദ്ര സഹകരണ മന്ത്രാലയം അമിത്​ ഷായെ ഏൽപ്പിച്ചത്​ കോഴിയെ സംരക്ഷിക്കാൻ കുറുക്കനെ ഏൽപ്പിച്ചതിന്​ സമാന നടപടിയാണെന്ന്​ കോൺഗ്രസ്​ ​നേതാവ്​​ കെ. മുരളീധരൻ. കേരള ബാങ്ക്​ എംപ്ലോയീസ്​ കോൺഗ്രസ്​ സംസ്ഥാന സമ്മേളനം മൗണ്ട്​ കാർമൽ കൺവെൻഷൻ സെന്‍ററിൽ ഉദ്​ഘാടനം ചെയ്യുകയായിരുന്നു അദ്ദേഹം.

2017ൽ ​സംസ്ഥാന സർക്കാർ 13 യു.ഡി.എഫ്​ ജില്ല ബാങ്ക്​ ഭരണസമിതികളെ ജനാധിപത്യവിരുദ്ധമായി പിരിച്ചുവിട്ട്​ രണ്ടരവർഷം അഡ്​മിനിസ്​ട്രേറ്റിവ്​ ഭരണം ഏർപ്പെടുത്തി. ഇതുവഴി ബാങ്കുകളെ എങ്ങനെ പിടിച്ചെടുക്കാമെന്ന്​ അമിത് ​ഷാക്ക്​ മാതൃക കാണിച്ചുകൊടുത്തു​. ഇതിന്‍റെ തെളിവാണ്​ സംസ്ഥാന വിഷയത്തിൽപെട്ട സഹകരണ ബാങ്കുകളെ പിരിച്ചുവിട്ട്​ അഡ്​മിനിസ്​ട്രേറ്ററെ നിയമിക്കാൻ ആർ.ബി.ഐക്ക്​ അധികാരം നൽകിയുള്ള പുതിയ ബാങ്കിങ്​ ​െറഗുലേഷനെന്നും മുരളീധരൻ പറഞ്ഞു.

പ്രസിഡന്‍റ്​ ഡോ. ശൂരനാട്​ രാജശേഖരൻ അധ്യക്ഷത വഹിച്ചു. അടൂർ പ്രകാശ്​ എം.പി, വി.എസ്​. ശിവകുമാർ, കെ.എസ്​. കൃഷ്ണ, കെ.എസ്​. ശ്യാംകുമാർ, സി.കെ. അബ്​ദുറഹ്​മാൻ എന്നിവർ സംസാരിച്ചു.