കെ-ഫോൺ: കൺസോർട്യത്തിൽ ഭിന്നത പുകയുന്നു

തി​രു​വ​ന​ന്ത​പു​രം: പ​ദ്ധ​തി​യി​ലെ മു​ഖ്യ​പ​ങ്കാ​ളി​യാ​യി​രി​ക്കെ​ത​ന്നെ വി​മ​ർ​ശ​ന​മു​യ​ർ​ത്തി​യ കെ.​എ​സ്.​ഇ.​ബി നി​ല​പാ​ടി​ൽ കെ-​ഫോ​ൺ ക​ൺ​സോ​ർ​ട്യ​ത്തി​ൽ ഭി​ന്ന​ത. ഉ​ന്ന​യി​ച്ച സം​ശ​യ​ങ്ങ​ൾ​ക്ക്​ കൃ​ത്യ​മാ​യി വി​ശ​ദീ​ക​ര​ണം ന​ൽ​കി​യി​ട്ടും സി.​എ.​ജി​ക്ക്​ മു​ന്നി​ൽ ആ​രോ​പ​ണ​ങ്ങ​ൾ ആ​വ​ർ​ത്തി​ച്ച കെ.​എ​സ്.​ഇ.​ബി​യു​ടെ സ​മീ​പ​ന​ത്തി​ലാ​ണ്​ രോ​ഷം പു​ക​യു​ന്ന​ത്. കെ-​ഫോ​ൺ നേ​തൃ​ത്വ​ത്തി​ന്​ ഇ​ക്കാ​ര്യ​ത്തി​ൽ ക​ടു​ത്ത വി​യോ​ജി​പ്പു​ണ്ട്. ഒ.​പി.​ജി.​ഡ​ബ്ല്യൂ കേ​ബി​ളു​ക​ൾ ആ​റി​ര​ട്ടി അ​ധി​ക വി​ല​ക്ക്​ വാ​ങ്ങി​യെ​ന്ന ആ​രോ​പ​ണം വ​സ്തു​ത​ക​ൾ മ​ന​സ്സി​ലാ​ക്കാ​തെ ‘ആ​ടി​നെ​യും ആ​ന​യെ​യും ത​മ്മി​ൽ താ​ര​ത​മ്യം ചെ​യ്യു​ക​യാ​ണ്​’ എ​ന്നാ​ണ്​ കെ- ​ഫോ​ണി​ലെ ഒ​രു ഉ​ന്ന​ത ഉ​ദ്യോ​ഗ​സ്ഥ​ൻ ആ​ക്ഷേ​പി​ക്കു​ന്ന​ത്.

കെ.​എ​സ്.​ഇ.​ബി പ​റ​യു​ന്ന ‘ഓ​ർ​ഡി​ന​റി ഗ്രൗ​ണ്ട്​ വ​യ​ർ’ എ​ന്ന​ത്​ സ്​​റ്റേ വ​യ​റാ​ണ്. എ​ന്നാ​ൽ, ​കെ-​ഫോ​ണി​ൽ ഉ​പ​യോ​ഗി​ച്ച ഒ.​പി.​ജി.​ഡ​ബ്ല്യൂ കേ​ബി​ളും സ്​​റ്റേ വ​യ​റും ര​ണ്ടും ര​ണ്ടാ​ണ്. 110 കെ.​വി ലൈ​നി​ൽ എ​ർ​ത്ത് വ​യ​റാ​യി കെ.​എ​സ്.​ഇ.​ബി ഉ​പ​യോ​ഗി​ക്കു​ന്ന​തി​നെ​ക്കാ​ൾ പ​ല മ​ട​ങ്ങ് വി​ല ഒ.​പി.​ജി.​ഡ​ബ്ല്യൂ കേ​ബി​ളി​നു​​ണ്ട്. ഇ​ക്കാ​ര്യം മ​ന​സ്സി​ലാ​ക്കാ​തെ ക​ണ്ണ​ട​ച്ച്​ ഇ​രു​ട്ടാ​ക്കു​ക​യു​മാ​ണെ​ന്നാ​ണ്​ കെ-​ഫോ​ൺ നി​ല​പാ​ട്. അ​തേ​സ​മ​യം കെ.​എ​സ്.​ഇ.​ബി​യാ​ക​ട്ടെ വി​ഷ​യ​ത്തി​ൽ പ്ര​തി​ക​ര​ണ​ത്തി​ന്​ ത​യാ​റാ​യി​ട്ടു​മി​ല്ല.

ഇ​തി​നി​ടെ, കെ.​എ​സ്.​ഇ.​ബി​ക്കു​ള്ള മ​റു​പ​ടി​ക​ള​ട​ക്കം ഉ​ൾ​പ്പെ​ടു​ത്തി കെ-​ഫോ​ൺ സ​ർ​ക്കാ​റി​ന്​ ക​ത്ത്​ ന​ൽ​കി​യി​ട്ടു​ണ്ട്. ര​ണ്ട്​ കേ​ന്ദ്ര സ​ർ​ക്കാ​ർ പ്ര​തി​നി​ധി​ക​ളും ര​ണ്ട്​ കെ.​എ​സ്.​ഇ.​ബി പ്ര​തി​നി​ധി​ക​ളും അ​ട​ങ്ങി​യ ടെ​ക്നി​ക്ക​ൽ ക​മ്മി​റ്റി അം​ഗീ​ക​രി​ച്ച ശേ​ഷ​മാ​ണ് കേ​ബി​ൾ വാ​ങ്ങു​ന്ന​തി​നു​ള്ള ക​രാ​ർ ന​ൽ​കി​യ​തെ​ന്ന്​ ക​ത്തി​ൽ ചൂ​ണ്ടി​ക്കാ​ട്ടി. ​​കെ.​എ​സ്.​ഇ.​ബി പ്ര​തി​നി​ധി​ക​ൾ ഉ​ൾ​പ്പെ​ട്ട സ​മി​തി​യു​ടെ അം​ഗീ​കാ​ര​ത്തോ​ടെ ​കേ​ബി​ൾ വാ​ങ്ങി​യ​ശേ​ഷ​മാ​ണ്​ നി​ല​വാ​ര​മി​ല്ലാ​ത്ത​തെ​ന്ന്​ കെ.​എ​സ്.​ഇ.​ബി​ത​ന്നെ ആ​രോ​പ​ണ​മു​ന്ന​യി​ക്കു​ന്ന​ത്.

ക​ൺ​സോ​ർ​ട്യ​ത്തി​ലെ തു​ല്യ​പ​ങ്കാ​ളി​ക​ൾ ഇ​ട​യു​ന്ന​തും വാ​ദ​പ്ര​തി​വാ​ദ​ത്തി​ന്​ സ​മാ​ന​മാ​യ സാ​ഹ​ച​ര്യ​മു​ണ്ടാ​കു​ന്ന​തും ​ പ​ദ്ധ​തി​യു​ടെ തു​ട​ക്ക​ത്തി​ൽ​ത​ന്നെ ​ക​ല്ലു​ക​ടി​യാ​യി​ട്ടു​ണ്ട്. അ​തേ​സ​മ​യം ഐ.​ടി വ​കു​പ്പോ സ​ർ​ക്കാ​റി​ലെ ഉ​ന്ന​ത കേ​ന്ദ്ര​ങ്ങ​ളോ ഇ​തി​നെ​ക്കു​റി​ച്ച്​ പ്ര​തി​ക​രി​ക്കാ​ൻ ത​യാ​റാ​യി​ട്ടി​ല്ല. ഐ.​ടി വ​കു​പ്പി​ന്‍റെ ചു​മ​ത​ല​യു​ള്ള മു​ഖ്യ​മ​ന്ത്രി വി​ദേ​ശ പ​ര്യ​ട​ന​ത്തി​ലാ​ണ്.

കെ-​ഫോ​ണി​ന്‍റെ സൗ​ജ​ന്യ ക​ണ​ക്​​ഷ​നു​ക​ളി​ലും അ​വ്യ​ക്ത​ത തു​ട​രു​ക​യാ​ണ്. പ​ദ്ധ​തി പ്ര​ഖ്യാ​പി​ച്ച ​2017ൽ ​സാ​മ്പ​ത്തി​ക​മാ​യി പി​ന്നാ​ക്കം നി​ൽ​ക്കു​ന്ന 20 ല​ക്ഷം കു​ടും​ബ​ങ്ങ​ൾ​ക്ക്​ 18 മാ​സം കൊ​ണ്ട് സൗ​ജ​ന്യ ക​ണ​ക്​​ഷ​ൻ ന​ൽ​കു​മെ​ന്നാ​യി​രു​ന്നു വി​ശ​ദീ​ക​രി​ച്ചി​രു​ന്ന​ത്. എ​ന്നാ​ൽ, ഇ​​പ്പോ​ഴ​ത്​ 14,000 ആ​യി ചു​രു​ങ്ങി. ഒ​ന്നാം ഘ​ട്ട​മാ​യാ​ണ്​ ഈ ​ക​ണ​ക്​​ഷ​നു​ക​ളെ​ന്നാ​ണ്​ ഇ​പ്പോ​ഴു​ള്ള വി​ശ​ദീ​ക​ര​ണം. 18 മാ​സ​ക്ക​ണ​ക്കി​നെ​ക്കു​റി​ച്ച്​ ഇ​പ്പോ​ൾ മി​ണ്ടാ​ട്ട​മി​ല്ല. ക​ണ​ക്​​ഷ​ന്‍ ന​ല്‍കി​യ​തി​ന്റെ ജി​ല്ല തി​രി​ച്ചു​ള്ള ക​ണ​ക്കും പു​റ​ത്തു​വി​ട്ടി​ട്ടി​ല്ല.