കെ-റെയിൽ: ക​ല്ലി​ട്ട പ്ര​ദേ​ശ​ങ്ങ​ളി​ലു​ള്ള​വ​ർ​ക്ക്​ ബാ​ങ്കു​ക​ളുടെ വായ്പ നിഷേധം തുടരുന്നു

തി​രു​വ​ന​ന്ത​പു​രം: സ​ർ​ക്കാ​ർ വാ​ഗ്ദാ​ന​ങ്ങ​ൾ അ​വ​ഗ​ണി​ച്ച്​ കെ- ​റെ​യി​ല്‍ പ​ദ്ധ​തി​ക്കാ​യി ക​ല്ലി​ട്ട പ്ര​ദേ​ശ​ങ്ങ​ളി​ലു​ള്ള​വ​ർ​ക്ക്​ ബാ​ങ്കു​ക​ള്‍ വാ​യ്പ നി​ഷേ​ധി​ക്കു​ന്ന​ത്​ തു​ട​രു​ന്നു. ഈ ​സാ​ഹ​ച​ര്യ​ത്തി​ൽ സ​ർ​ക്കാ​ർ ഉ​ത്ത​ര​വ്​ ഉ​ട​ൻ പു​റ​ത്തി​റ​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

കെ- ​റെ​യി​ൽ അ​ട​യാ​ള​ക്ക​ല്ല്​ സ്ഥാ​പി​ച്ച ഇ​ട​ങ്ങ​ളി​ലു​ള്ള​വ​ർ​ക്ക്​ വാ​യ്പ അ​നു​വ​ദി​ക്ക​ണ​മെ​ങ്കി​ൽ വി​ല്ലേ​ജ് ഓ​ഫി​സ​റു​ടെ അ​നു​മ​തി പ​ത്രം വേ​ണ​മെ​ന്ന നി​ല​പാ​ടാ​ണ്​​ ബാ​ങ്കു​ക​ൾ കൈ​ക്കൊ​ള്ളു​ന്ന​തെ​ന്ന്​ കെ- ​റെ​യി​ൽ വി​രു​ദ്ധ സ​മ​ര​സ​മി​തി​ക​ൾ ഉ​ൾ​പ്പെ​ടെ ചൂ​ണ്ടി​ക്കാ​ട്ടു​ന്നു. എ​ന്നാ​ൽ, അ​നു​മ​തി പ​ത്രം ന​ല്‍കാ​ന്‍ സ​ര്‍ക്കാ​ര്‍ നി​ർ​ദേ​ശ​മി​ല്ലെ​ന്നാ​ണ് റ​വ​ന്യൂ വ​കു​പ്പി​ന്‍റെ വി​ശ​ദീ​ക​ര​ണം.

സി​ൽ​വ​ർ ലൈ​ൻ പ​ദ്ധ​തി​ക്കാ​യി സ​ർ​വേ​ക്ക​ല്ലു​ക​ൾ സ്ഥാ​പി​ക്കു​ന്ന​തി​ന്​ മു​മ്പ്​ പ​ഴ​യ വീ​ടു​ക​ൾ പൊ​ളി​ച്ച​​ശേ​ഷം ബാ​ങ്ക്​ വാ​യ്പ​യെ​ടു​ത്ത്​ പു​തി​യ വീ​ടു​ക​ൾ നി​ർ​മി​ക്കാ​ൻ തീ​രു​മാ​നി​ച്ച​വ​ര​ട​ക്കം ദു​രി​ത​ത്തി​ലാ​ണ്. വാ​യ്പ അ​നു​വ​ദി​ക്കു​മെ​ന്ന ബാ​ങ്കി​ന്‍റെ ഉ​റ​പ്പി​ലാ​ണ് പ​ല​രും പ​ഴ​യ വീ​ടു​ക​ൾ പൊ​ളി​ച്ച​തും.

എ​ന്നാ​ൽ, സി​ല്‍വ​ർ ലൈ​നി​നാ​യി സ​ർ​​വേ​ക്ക​ല്ലു​ക​ൾ സ്ഥാ​പി​ച്ച​തോ​ടെ ബാ​ങ്കു​ക​ൾ നി​ല​പാ​ട്​ മാ​റ്റി. ഭൂ​മി ഈ​ടാ​യി ന​ല്‍കാ​ന്‍ എ​തി​ര്‍പ്പി​ല്ലെ​ന്ന വി​ല്ലേ​ജ്​ ഓ​ഫി​സി​ൽ​നി​ന്നു​ള്ള സ​ർ​ട്ടി​ഫി​ക്ക​റ്റ്​ വേ​ണ​മെ​ന്ന ആ​വ​ശ്യ​മാ​ണ് ബാ​ങ്കു​ക​ൾ മു​ന്നോ​ട്ടു​വെ​ക്കു​ന്ന​ത്.