കെ​ റെയിൽ: മാവോയിസ്റ്റ് മോഡൽ സമരമാണ് നടക്കുന്നതെന്ന് എം.വി ജയരാജൻ

കണ്ണൂർ: കെ റെയിലിനെതിരെ നടക്കുന്നത് മാവോയിസ്റ്റ് മോഡൽ സമരമാണെന്ന വിമർനവുമായി സി.പി.എം കണ്ണൂർ ജില്ലാ സെക്രട്ടറി എം.വി ജയരാജൻ. ഭൂമിയേറ്റെടുത്തു എന്ന് പറഞ്ഞാണ് കല്ല് പറിക്കുന്നത്. സാ​ങ്കേതികവിദ്യ ഉപയോഗിച്ച് സർവേ നടത്തിയാലും പ്രതിഷേധമുണ്ടാകില്ലെന്ന് പറയാനാവില്ല. ഭൂവുടമകളുടെ ആശങ്ക പരിഹരിക്കാൻ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.

ഭൂമി ഏറ്റെടുത്തവർക്ക് ന്യായമായ നഷ്ടപരിഹാരം നൽകണം. ഭൂവുടമകളുമായി ചർച്ച ചെയ്യേണ്ടത് ഉണ്ടെങ്കിൽ ചർച്ച ചെയ്യണം. ഇതിന് സർക്കാർ സന്നദ്ധമാണെന്നും ​മൊബൈൽ സമരക്കാരാണ് സമരം നടത്തുന്നതെന്നും ജയരാജൻ പറഞ്ഞു.

കെ റെയിൽ സർവേ കണ്ണൂരിൽ പുരോഗമിക്കുന്നതിനിടെയാണ് എം.വി ജയരാജന്റെ പ്രതികരണം. കെ റെയിൽ സർവേക്കെതിരെ കണ്ണൂരിൽ പലയിടത്തും വലിയ പ്രതിഷേധമാണ് നടക്കുന്നത്.