'സമരം ചെയ്യുന്നത് തീവ്രവാദികളെങ്കിൽ ഞങ്ങളും തീവ്രവാദികൾ'; മന്ത്രിക്ക് കെ. റെയിൽ സമരക്കാരുടെ മറുപടി

മലപ്പുറം: കെ റെയിലിനെതിരെ സമരം ചെയ്യുന്നത് തീവ്രവാദികളാണെന്ന മന്ത്രി സജി ചെറിയാന്‍റെ പ്രസ്താവനക്കെതിരെ തിരുനാവായിലെ സമരക്കാർ. സമരം ചെയ്യുന്നത് തീവ്രവാദികളെങ്കിൽ ഞങ്ങൾ തീവ്രവാദികളായിക്കൊള്ളാം. വീടും കുടുംബവും നഷ്ടപ്പെടുന്നവരുടെ വേദന മന്ത്രി മനസിലാക്കണമെന്നും സമരക്കാർ ആവശ്യപ്പെട്ടു.

കെ റെയിൽ സർവേക്കെതിരെ വലിയ പ്രതിഷേധമാണ് മലപ്പുറം തിരുനാവായിൽ ഉയർന്നത്. സർവേ നടത്താൻ എത്തുന്ന ഉദ്യോഗസ്ഥരെ തടയാൻ നാട്ടുകാർ സംഘടിച്ച് നിൽക്കുകയാണ്. തിരുനാവായിൽ എത്തിയ എൻ. ഷംസുദ്ദീൻ എം.എൽ.എ സമരക്കാർക്ക് പിന്തുണ പ്രഖ്യാപിച്ചു.

തീവ്രവാദികളല്ല നാട്ടുകാരാണ് സമരം ചെയ്യുന്നതെന്ന് കെ.പി.സി.സി വൈസ് പ്രസിഡന്‍റ് വി.പി സജീന്ദ്രൻ പറഞ്ഞു. മന്ത്രിയുടെ പ്രസ്താവന അംഗീകരിക്കാൻ സാധിക്കില്ലെന്നും സജീന്ദ്രൻ ചൂണ്ടിക്കാട്ടി.

കെ-​റെ​യി​ൽ​വി​രു​ദ്ധ സ​മ​ര​ത്തി​ന്​ പി​ന്നി​ൽ തീ​വ്ര​വാ​ദ സം​ഘ​ട​ന​ക​ളാ​ണെ​ന്നാണ്​ മ​ന്ത്രി സ​ജി ചെ​റി​യാ​ൻ ഇന്നലെ ആ​ല​പ്പു​ഴയിൽ മാധ്യമങ്ങളോട് പറഞ്ഞത്. ഭൂ​ഉ​ട​മ​ക​ളെ ഇ​ള​ക്കി​വി​ട്ട്​ തീ​വ്ര​വാ​ദ​ സം​ഘ​ട​ന​ക​ളു​ടെ സ​ഹാ​യ​ത്തോ​ടെ പ​ണം ഉ​ൾ​പ്പെ​ടെ ന​ൽ​കി​യാ​ണ്​ ഇ​ട​തു ​മു​ന്ന​ണി​യു​ടെ നേ​ട്ട​ങ്ങ​ളെ ത​ക​ർ​ക്കാ​ൻ ബോ​ധ​പൂ​ർ​വ​മാ​യ ശ്ര​മം ന​ട​ക്കു​ന്ന​തെന്നും മന്ത്രി ആരോപിച്ചു.

ഒ​രു ​കി​ലോ​മീ​റ്റ​ർ അ​ങ്ങോ​ട്ടു​മി​ങ്ങോ​ട്ടും ബ​ഫ​ർ സോ​ണാ​ണെ​ന്നാ​ണ്​ ഇ​വ​ർ പ​റ​യു​ന്ന​ത്. ഡി.​പി.​ആ​റി​ൽ ഒ​രി​ട​ത്തും ഇ​ക്കാ​ര്യം പ​റ​യു​ന്നി​ല്ല. ഡി.​പി.​ആ​റി​ൽ ഒ​രു​ മീ​റ്റ​ർ​ പോ​ലും ബ​ഫ​ർ​സോ​ൺ പ​റ​ഞ്ഞി​ട്ടി​ല്ല. ഭൂ​രി​പ​ക്ഷം മേ​ഖ​ല​യി​ലും ​​കെ-​റെ​യി​ൽ ക​ട​ന്നു​ പോ​കു​ന്ന​ത്​ മു​ക​ളി​ലൂ​ടെ​യാ​ണ്. ഒ​രാ​ളു​ടെ​യും സ്ഥ​ലം അ​ന​ധി​കൃ​ത​മാ​യി ഏ​റ്റെ​ടു​ക്കി​ല്ല.

ക​ല്ലൂ​രി​യാ​ൽ വി​വ​ര​മ​റി​യും. അ​ക്കാ​ര്യ​ത്തി​ൽ ഒ​രു​സം​ശ​യ​വും വേ​ണ്ട. സാ​മൂ​ഹി​കാ​ഘാ​ത പ​ഠ​ന​ത്തി​നാ​ണ്​ ക​ല്ലി​ടു​ന്ന​ത്, വ​സ്തു ഏ​റ്റെ​ടു​ക്കാ​ന​ല്ല. ഇ​നി​യും അ​ലൈ​ൻ​മെ​ന്‍റി​ൽ മാ​റ്റ​മു​ണ്ടാ​കും.​ ക​ല്ലി​ട്ട​ ശേ​ഷം ഉ​ദ്യോ​ഗ​സ്ഥ​ർ വീ​ടു​ക​ളി​ലെ​ത്തി അ​വ​രു​ടെ ​ആ​വ​ശ്യ​ങ്ങ​ൾ ചോ​ദി​ച്ച​റി​ഞ്ഞ്​​ ന​ഷ്ട​പ​രി​ഹാ​രം എ​ത്ര​യാ​ണെ​ന്ന്​ ബോ​ധ്യ​പ്പെ​ടു​ത്തുമെന്നും മന്ത്രി പറഞ്ഞു.