കെ-സ്റ്റോറും വഴിപാടായി; മുഖംതിരിച്ച് റേഷൻ വ്യാപാരികൾ

തി​രു​വ​ന​ന്ത​പു​രം: സം​സ്ഥാ​ന സ​ർ​ക്കാ​റി​ന്‍റെ അ​ഭി​മാ​ന​പ​ദ്ധ​തി​യാ​യ കെ-​സ്റ്റോ​റി​നോ​ട് മു​ഖം​തി​രി​ച്ച് റേ​ഷ​ൻ വ്യാ​പാ​രി​ക​ൾ. പ​ദ്ധ​തി ഉ​ദ്ഘാ​ട​നം ചെ​യ്ത്​ ര​ണ്ട്​ വ​ർ​ഷ​മാ​കു​മ്പോ​ൾ 13893ൽ 1779 ​റേ​ഷ​ൻ ക​ടകൾ മാ​ത്ര​മാ​ണ് സ​ഹ​ക​രി​ക്കാ​ൻ മു​ന്നോ​ട്ടു​വ​ന്ന​ത്. വാ​ഗ്ദാ​ന​ങ്ങ​ളി​ൽ​നി​ന്ന് ഭ​ക്ഷ്യ​വ​കു​പ്പ് പി​ൻ​വാ​ങ്ങി​യ​തും ഓ​ൺ​ലൈ​ൻ സേ​വ​ന​ങ്ങ​ൾ​ക്ക്​ വേ​ണ്ട​ത്ര പ​രി​ജ്ഞാ​നം ലൈ​സ​ൻ​സി​ക​ൾ​ക്കും സെ​യി​ൽ​സ്​​മാ​ൻ​മാ​ർ​ക്കും ഇ​ല്ലാ​ത്ത​തു​മാ​ണ് തി​രി​ച്ച​ടി​യാ​യ​ത്.

മു​ഖ്യ​മ​ന്ത്രി 2023 മേ​യി​ൽ പ​ദ്ധ​തി ഉ​ദ്ഘാ​ട​നം ചെ​യ്യു​മ്പോ​ൾ ‘കേ​ര​ള​ത്തി​ന്‍റെ സ്വ​ന്തം സ്റ്റോ​ർ’ വ​ഴി അ​ഞ്ച്​ സേ​വ​ന​ങ്ങ​ളാ​ണ് ഉ​റ​പ്പ് ന​ൽ​കി​യ​ത്. അ​തി​ൽ പ്ര​ധാ​നം സ​പ്ലൈ​കോ​യി​ലേ​തു​പോ​ലെ കെ-​സ്റ്റോ​റി​ലും 13 ഇ​ന സ​ബ്സി​ഡി ഉ​ൽ​പ​ന​ങ്ങ​ൾ ല​ഭി​ക്കു​മെ​ന്നാ​യി​രു​ന്നു. സാ​മ്പ​ത്തി​ക​പ്ര​തി​സ​ന്ധി​യെ തു​ട​ർ​ന്ന് സ​പ്ലൈ​കോ​യി​ൽ​പോ​ലും സ​ബ്സി​ഡി സാ​ധ​നം കി​ട്ടാ​ക്ക​നി​യാ​യ​തോ​ടെ കെ-​സ്റ്റോ​റി​ലെ ‘സ​ബ്സി​ഡി’ ജ​ല​രേ​ഖ​യാ​യി.

ഫോ​ണ്‍, വൈ​ദ്യു​തി ബി​ല്ലു​ക​ൾ, വെ​ള്ള​ക്ക​രം എ​ന്നി​വ ഓ​ണ്‍ലൈ​നാ​യി അ​ട​യ്ക്കാ​നും മൈ​ക്രോ എ.​ടി.​എം വ​ഴി ഒ​രാ​ള്‍ക്ക് 10,000 രൂ​പ വ​രെ അ​ക്കൗ​ണ്ടി​ല്‍നി​ന്ന് പി​ന്‍വ​ലി​ക്കാ​നും നി​ക്ഷേ​പി​ക്കാ​നും പു​റ​മെ അ​ക്ഷ​യ കേ​ന്ദ്ര​ങ്ങ​ളി​ലെ സേ​വ​ന​ങ്ങ​ളും ല​ഭ്യ​മാ​കു​മെ​ന്ന്​ അ​റി​യി​ച്ചെ​ങ്കി​ലും റേ​ഷ​ൻ വ്യാ​പാ​രി​ക​ളി​ൽ ന​ല്ലൊ​രു ശ​ത​മാ​ന​വും ഇ​തി​ന് ത​യാ​റാ​കു​ന്നി​ല്ല. മൈ​ക്രോ എ.​ടി.​എം സം​വി​ധാ​ന​ത്തി​ല്‍ തെ​റ്റ് സം​ഭ​വി​ച്ചാ​ല്‍ പ​ണം ന​ഷ്ട​മാ​കു​മെ​ന്ന ഭീ​തി​യാ​ണ് പ​ല​രെ​യും പി​ന്നോ​ട്ട​ടി​ച്ച​ത്.

വൈ​ദ്യു​തി ബി​ല്ലും വെ​ള്ള​ക്ക​ര​വും അ​ട​യ്​​ക്കാ​നു​ള്ള സൗ​ക​ര്യം ഗൂ​ഗി​ൾ പേ ​പോ​ലു​ള്ള യു.​പി.​എ പ്ലാ​റ്റ്ഫോം വ​ഴി കാ​ർ​ഡു​ട​മ​ക​ൾ​ക്ക് നേ​രി​ട്ട് കൈ​കാ​ര്യം ചെ​യ്യാ​മെ​ന്ന​തി​നാ​ൽ കാ​ര്യ​മാ​യ സാ​മ്പ​ത്തി​ക പ്ര​യോ​ജ​ന​മി​ല്ലെ​ന്ന് വ്യാ​പാ​രി​ക​ൾ പ​റ​യു​ന്നു. 53 ശ​ബ​രി ഉ​ൽ​പ​ന്ന​ങ്ങ​ളാ​ണ് കെ-​സ്റ്റോ​ര്‍ വ​ഴി വി​ല്‍ക്കു​ന്ന്. ഇ​തി​ല്‍ ഭൂ​രി​ഭാ​ഗം ഉ​ൽ​പ​ന്ന​ങ്ങ​ള്‍ക്കും ആ​വ​ശ്യ​ക്കാ​രി​ല്ല. ആ​വ​ശ്യ​ക്കാ​രു​ള്ള ഭ​ക്ഷ്യ എ​ണ്ണ​യാ​ക​ട്ടെ കി​ട്ടാ​നു​മി​ല്ല. വീ​ട്ടു​പ​ടി​ക്ക​ല്‍ സാ​ധ​ന​ങ്ങ​ള്‍ എ​ത്തി​ച്ചു​ത​രു​ന്ന സ്വ​കാ​ര്യ ക​മ്പ​നി​ക​ളു​ടെ മാ​ര്‍ക്ക​റ്റി​ങ് ത​ന്ത്ര​വും കെ-​സ്റ്റോ​റു​ക​ള്‍ ആ​രം​ഭി​ക്കു​ന്ന​തി​ൽ​നി​ന്ന് വ്യാ​പാ​രി​ക​ളെ പി​ന്നോ​ട്ട​ടി​ക്കു​ന്നു​ണ്ട്.

ജി​ല്ല കെ-​സ്റ്റോ​റു​ക​ൾ

തി​രു​വ​ന​ന്ത​പു​രം 116

കൊ​ല്ലം 84

പ​ത്ത​നം​തി​ട്ട 90

ആ​ല​പ്പു​ഴ 83

കോ​ട്ട​യം 139

ഇ​ടു​ക്കി 151

എ​റ​ണാ​കു​ളം 158

തൃ​ശൂ​ർ 513

പാ​ല​ക്കാ​ട് 130

മ​ല​പ്പു​റം 85

കോ​ഴി​ക്കോ​ട് 69

വ​യ​നാ​ട് 37

ക​ണ്ണൂ​ർ 96

കാ​സ​ർ​കോ​ട് 28

ആ​കെ 1779