ഒഴിവാക്കിയതിൽ മുരളീധരന് ഒരു പരാതിയും ഇ​​െല്ലന്ന്​ കെ. സുധാകരൻ

തിരുവനന്തപുരം: രാഷ്​ട്രീയകാര്യ സമിതിയോഗത്തിന്​ മുമ്പ്​ ​മുതിർന്ന നേതാക്കളുമായി നടത്തിയ കൂടിയാലോചനയിൽനിന്ന്​ ഒഴിവാക്കിയതിൽ കെ. മുരളീധരന് ഒരു പരാതിയും ഇ​​െല്ലന്ന്​ കെ.പി.സി.സി പ്രസിഡൻറ്​ കെ. സുധാകരൻ. പുതിയ കമ്മിറ്റിയായതിനാലാണ്​ ചര്‍ച്ചക്കായി നേതാക്കളുടെ മാത്രം യോഗം രാവിലെ ചേര്‍ന്നത്. അതില്‍ മുരളിയെ വിളിച്ചില്ല. അദ്ദേഹത്തിന് ഒരു പ്രതിഷേധവുമില്ല. വ്യാഴാഴ്​ച രാവിലെ കാണാമെന്ന്​ അദ്ദേഹം പറഞ്ഞിട്ടുണ്ടെന്നും സുധാകരൻ വാർത്തസമ്മേളനത്തിൽ അറിയിച്ചു. വർക്കിങ്​​ പ്രസിഡൻറുമാരായ പി.ടി. തോമസ്​, ടി. സിദ്ദിക്ക്​ എന്നിവരെകൂടി ഹൈകമാൻഡി​െൻറ അനുമതിയോടെ രാഷ്​ട്രീയകാര്യസമിതിയിൽ ഉൾപ്പെടുത്തിയെന്നും അദ്ദേഹം അറിയിച്ചു.

സുധാകര​െൻറ നേതൃത്വത്തില്‍ മൂന്ന്​ കെ.പി.സി.സി വർക്കിങ്​​ പ്രസിഡൻറുമാരും ഉമ്മന്‍ ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന്‍ എന്നിവരും മൂന്നുമണിക്കൂര്‍ യോഗം ചേര്‍ന്ന്​ പാർട്ടി പുനഃസംഘടനയുമായി ബന്ധപ്പെട്ട കാര്യങ്ങളില്‍ ഏകദേശ ധാരണയില്‍ എത്തിയിരുന്നു. ഭാരവാഹികളുടെ എണ്ണം കുറയ്ക്കണമെന്ന സുധാകര​െൻറ നിർദേശത്തിൽ ധാരണയായ ശേഷമാണ് രാഷ്​ട്രീയകാര്യസമിതി യോഗം ചേര്‍ന്നത്.

പാർട്ടി പുനഃസംഘടനയിൽ ഒരാള്‍ക്ക് ഒരു പദവി തത്വം നടപ്പാക്കണമെന്നും എം.എല്‍.എമാരും എം.പിമാരും ഭാരവാഹിത്വത്തില്‍ നിന്ന് വിട്ടുനില്‍ക്കണമെന്നും വി.എം. സുധീരനും പി.ജെ. കുര്യനും കെ.വി. തോമസും യോഗത്തില്‍ ആവശ്യപ്പെട്ടു.