'ബിവറേജിൽ പോകാൻ നിബന്ധനയില്ല'; കടകളിൽ പോകാനുള്ള നിബന്ധനകൾ പിൻവലിക്കണമെന്ന്​ കെ. സുധാകരൻ

തിരുവനന്തപുരം: കടകളിൽ പോകാൻ ജനം വാക്​സിൻ രേഖകൾ കരുതണമെന്ന സർക്കാർ നിബന്ധനക്കെതിരെ​ കെ.​പി.സി.സി ​പ്രസിഡൻറ്​ കെ. സുധാകരൻ. ​വാക്​സിൻ ലഭ്യമാക്കുന്നതിൽ പരാജയ​െപ്പട്ട സർക്കാർ ഉത്തരവാദിത്തം ജനങ്ങളുടെമേൽ കെട്ടിവെക്കാനാണ്​ ശ്രമിക്കുന്നത്​.

വാക്​സിൻ എടുക്കാത്തത്​ ജനങ്ങളുടെ കുറ്റം​െകാണ്ടല്ല. അതിനാൽ കടകളിൽ പോകാൻ വാക്​സിൻ രേഖകൾ കരുതണമെന്ന നിയമം പിൻവലിക്കണമെന്ന്​ അദ്ദേഹം വാർത്തസമ്മേളനത്തിൽ ആവശ്യപ്പെട്ടു. കടയിൽ പോകാൻ നിബന്ധനവെച്ച സർക്കാർ ബിവറേജസിലും ബാറുകളിലും പോകാൻ അത്തര​െമാരു നിബന്ധന ഏർപ്പെടുത്തിയിട്ടി​ല്ല.

പി.എസ്​.സി റാങ്ക്​ലിസ്​റ്റുകളുടെ കാലാവധി നീട്ടാതെ ഉദ്യോഗാർഥികളെ വഞ്ചിച്ചത്​ പാർട്ടിക്കാർക്കും ബന്ധുക്കൾക്കും പിൻവാതിൽ നിയമനം നൽകാനാണ്​. റാങ്ക് ​ലിസ്​റ്റ്​ നീട്ടില്ലെന്ന മുഖ്യമന്ത്രിയുടെ പ്രഖ്യാപനം ഉദ്യോഗാർഥികളുടെ പ്രതീക്ഷ തകർക്കുന്നതായിരുന്നു.

ഉദ്യോഗാർഥികളെ പെരുവഴിയിലാക്കുമെന്ന വാശിയിലാണ്​ സർക്കാർ പ്രവർത്തിച്ചത്​. അനധികൃത നിയമനം സംബന്ധിച്ച്​ ധനവകുപ്പ്​ പരിശോധന വകുപ്പി​െൻറ റിപ്പോർട്ട്​ കൈവശമുണ്ടായിട്ടും തുടർനടപടിയെടുക്കാൻ മുഖ്യമന്ത്രി തയാറായിട്ടില്ല.

ഉദ്യോഗാർഥികൾ ആദ്യം നടത്തിയ സമരം ഒത്തുതീർപ്പാക്കിയപ്പോൾ നൽകിയ ഉറപ്പുകൾ പാലിക്കാത്ത ചതിയനാണ്​ മുഖ്യമന്ത്രി. റാങ്ക്​ ലിസ്​റ്റി​െൻറ കാര്യത്തിൽ പി.എസ്​.സി ചെയർമാൻ നൽകിയ വിശദീകരണം അംഗീകരിക്കാനാവില്ല.

മന്ത്രി ശിവൻകുട്ടിക്കെതിരെ കഴിഞ്ഞദിവസം നടത്തിയ ഗുണ്ട പ്രയോഗത്തിൽ ഉറച്ചുനിൽക്കുന്നു. ​ഇതിലുംവലിയ വർത്തമാനം ഇടതുപക്ഷക്കാർ നടത്താറുണ്ട്​. എം.എൽ.എയുടെ പ്രാഥമിക മര്യാദപോലും കാട്ടാത്തയാളാണ്​ ഗുണ്ട. അത്​ ചൂണ്ടിക്കാട്ടിയതിൽ തെറ്റുണ്ടെന്ന്​ കരുതുന്നില്ല.

കെ.ടി. ജലീൽ മോഹഭംഗം വന്ന ചെറുപ്പക്കാരനാണ്​. അതിനാൽ മനസ്സ്​​ നിയന്ത്രണത്തിൽ നിൽക്കില്ല. അദ്ദേഹം പറഞ്ഞതിനെല്ലാം കൃത്യമായ വിശദീകരണം മുസ്​ലിം ലീഗ്​ നൽകിയിട്ടുണ്ടെന്നും സുധാകരൻ പറഞ്ഞു.