കെ. സുന്ദരയുടെ പിന്മാറ്റം: സുരേന്ദ്രനെതിരെ കേസെടുക്കാമെന്ന് കോടതി
text_fieldsകാസർകോട്: മഞ്ചേശ്വരത്തെ ബി.എസ്.പി സ്ഥാനാർഥിയായിരുന്ന കെ. സുന്ദരക്ക് മത്സരരംഗത്ത് നിന്ന് പിന്മാറാന് പണം നല്കിയെന്ന പരാതിയില് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രനെതിരെ കേസെടുക്കാന് കോടതി അനുമതി നൽകി. മഞ്ചേശ്വരത്തെ ഇടതുപക്ഷ ജനാധിപത്യ മുന്നണി സ്ഥാനാർഥിയായിരുന്ന വി.വി രമേശന്റെ പരാതിയിലാണ് അനുമതി.
കെ. സുരേന്ദ്രനും രണ്ട് പ്രാദേശിക നേതാക്കള്ക്കുമെതിരെ കേസെടുക്കാനാണ് കാസർകോട് ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി അനുമതി നല്കിയത്. ഇന്ത്യൻ ശിക്ഷാ നിയമത്തിലെ 171 ബി (തിരഞ്ഞെടുപ്പ് അട്ടിമറിക്കാൻ കൈക്കൂലി നൽകുക) വകുപ്പ് പ്രകാരം പൊലീസിന് കേസ് എടുക്കാനാണ് നിർദ്ദേശം.
സ്ഥാനാര്ത്ഥിത്വത്തില് നിന്ന് പിന്മാറാന് തനിക്ക് രണ്ടര ലക്ഷം രൂപയും മൊബൈല് ഫോണും നല്കിയെന്നായിരുന്നു സുന്ദരയുടെ വെളിപ്പെടുത്തല്. ഈ ആരോപണത്തില് കേസെടുക്കണമെങ്കില് കോടതിയുടെ പ്രത്യേക അനുമതി വേണമെന്നായിരുന്നു നിയമോപദേശം. ഇതിനെ തുടര്ന്നാണ് വി.വി രമേശന് കോടതിയെ സമീപിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.