ലൈംഗിക വിഡിയോ ചാറ്റ്​ പുറത്തായി; ബി.ജെ.പി തമിഴ്​നാട്​ സംസ്ഥാന സെക്രട്ടറി കെ.ടി രാഘവൻ രാജിവെച്ചു

കോയമ്പത്തൂർ: സ്​ത്രീയുമായുള്ള ലൈംഗിക വിഡിയോ ചാറ്റ്​ പുറത്തായതിനെത്തുടർന്ന്​ ബി.ജെ.പി സംസ്ഥാന സെക്രട്ടറി കെ.ടി രാഘവൻ രാജിവെച്ചു. വിഡിയോ ഒരു യൂട്യൂബറാണ്​ പുറത്ത്​ വിട്ടത്​.

എന്നാൽ സംഭവം കെ.ടി രാഘവൻ നിഷേധിച്ചു. സമൂഹമാധ്യമങ്ങളിൽ പ്രചരിക്കുന്ന വിഡിയോ തന്നെയും പാർട്ടിയും കരിവാരിത്തേക്കാനുള്ളതാണെന്ന്​ രാഘവൻ പറഞ്ഞു. വിഷയത്തെ നിയമപരമായി നേരിടുമെന്നും പാർട്ടി പദവി രാജിവെക്കുന്നതായും രാഘവൻ കൂട്ടിച്ചേർത്തു.

കഴിഞ്ഞ 30 വർഷമായി നിസ്വാർഥമായി ജനങ്ങളെ സേവിക്കുന്നയാളാണ്​ താ​െനന്നും രാഘവൻ പറഞ്ഞു. രാഘവൻ സത്യം നിയമപരമായി തെളിയിക്കുമെന്ന്​ ബി.ജെ.പി തമിഴ്​നാട്​ സംസ്ഥാന പ്രസിഡന്‍റ്​ അണ്ണാമലൈ പറഞ്ഞു.