​​ഭീമൻ കാച്ചിൽ കൗതുകമാവുന്നു

വടുതല(ആലപ്പുഴ ):അരൂക്കുറ്റിയിൽ വിളഞ്ഞ ഭീമൻ കാച്ചിൽ നാട്ടുകാർക്ക് കൗതുകമാവുന്നു.അരൂക്കുറ്റി പഞ്ചായത്ത് ആയിരത്തിയെട്ട് മുറിയംചേരിൽ ഷൈലന്റെ വീട്ടിലാണ് നാട്ടുകാർക്ക് കൗതുകം പകർന്ന ഭീമൻ കാച്ചിൽ  വിളഞ്ഞത്.

രണ്ടു വർഷമായി ഷൈലൻ കാച്ചിൽ കൃഷി നടത്തിവരുന്നു.കഴിഞ്ഞ തവണ കൃഷിയുടെ  ഫലം കുറവായിരുന്നു. എന്നാൽ,കൃഷിയെ ജീവനുതുല്യമായി സ്നേഹിക്കുന്നത്​ കൊണ്ട് കൃഷി വീണ്ടും നല്ലരീതിയിൽ ഷൈലൻ നടത്തി.ഇത്തവണ വലിയ പ്രതീക്ഷ ഇല്ലായിരുന്ന ഷൈലനെ ഞെട്ടിച്ചിരിക്കുകയാണ് ഭീമൻ കാച്ചിൽ.

വീട്ടിലെ ഭീമൻ കാച്ചിൽ കാണാനും കാച്ചിലുമൊത്ത് സെൽഫി എടുക്കാനും നാട്ടുകാരുടെ തിരക്കാണ്.പൂർണമായും ജൈവ കൃഷിയാണ് നടത്തുന്നത്.ഭാര്യ ഗീതയും പൂർണ്ണ പിന്തുണ നൽകി കൂടെയുണ്ട്.