കടലായി ക്ഷേത്രത്തില്‍ നടന്നത്​ വിശ്വാസികളുടെ പ്രാർഥന -പി. ജയരാജൻ

കണ്ണൂർ: ആരാധനാലയങ്ങളെ ദുരുപയോഗിച്ച് നടത്തുന്ന കാട്ടാളത്തത്തിനെതിരായ വിശ്വാസികളുടെ പ്രാര്‍ഥനയാണ് കണ്ണൂര്‍ കടലായി ശ്രീകൃഷ്ണക്ഷേത്രത്തില്‍ കണ്ടതെന്ന് സിപി.എം ജില്ല സെക്രട്ടറി പി. ജയരാജൻ പറഞ്ഞു. എഴുത്തുകാരനായ കെ.പി. രാമനുണ്ണി വിശ്വാസികള്‍ക്കിടയില്‍ വളര്‍ന്നുവരുന്ന പ്രതികരണത്തി‍​​െൻറ പ്രതീകമെന്നോണമാണ് കടലായി ശ്രീകൃഷ്ണക്ഷേത്രത്തിൽ പ്രാര്‍ഥനായജ്ഞം നടത്തിയത്.

ആര്‍.എസ്.എസ് പോലെയുള്ള ശക്തികളാണ് ക്ഷേത്രങ്ങളില്‍ നുഴഞ്ഞുകയറി വിശ്വാസികളെ വഴിതെറ്റിക്കാന്‍ ശ്രമിക്കുന്നത്. ഇതിനെതിരെ ക്ഷേത്രവിശ്വാസികളില്‍നിന്നുതന്നെ എതിര്‍പ്പുയര്‍ന്നുവന്നിരിക്കുകയാണ്. ഇത് സ്വാഗതാര്‍ഹമായ കാര്യമാണ്. എന്നാല്‍, ഇത്തരം പ്രാര്‍ഥനകളെപോലും അനുവദിക്കില്ലെന്ന നിലപാടാണ്​ ആർ.എസ്​.എസി​​​െൻറ ഭാഗത്തുനിന്ന്​ ഉണ്ടായത് -പി. ജയരാജൻ പറഞ്ഞു.