ക​ള​മ​ശ്ശേ​രി സ്ഫോടനം: ആദ്യശ്രമം പാളിയെന്ന്​ പ്രതി

കൊ​ച്ചി: ക​ള​മ​ശ്ശേ​രി സം​റ ക​ൺ​വെ​ൻ​ഷ​ൻ സെ​ന്‍റ​റി​ൽ ബോം​ബു​​വെ​ച്ച ശേ​ഷം ആ​ദ്യം ന​ട​ത്തി​യ സ്​​ഫോ​ട​ന ശ്ര​മം പാ​ളി​യെ​ന്ന്​ പ്ര​തി ഡൊ​മി​നി​ക്​ മാ​ർ​ട്ടി​ന്‍റെ ​മൊ​ഴി. റി​മോ​ട്ട്​ ഉ​പ​യോ​ഗി​ച്ചാ​ൽ പൊ​ട്ടി​ത്തെ​റി​ക്കു​ന്ന വി​ധം നി​ർ​മി​ച്ച ബോം​ബി​ന്‍റെ സ്വി​ച്ച് ഓ​ണ്‍ ചെ​യ്യാ​ന്‍ മ​റ​ന്നു​വെ​ന്നാ​ണ്​ ഇ​യാ​ൾ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ന​ട​ന്ന ചോ​ദ്യം ചെ​യ്യ​ലി​ൽ പ​റ​ഞ്ഞ​ത്.

പി​ന്നീ​ട്​ ര​ണ്ടാ​മ​ത്​ വ​ന്ന്​ സ്​​ഫോ​ട​ക വ​സ്തു​വി​ലെ സ്വി​ച്ച്​ ഓ​ൺ ചെ​യ്താ​ണ്​ സ്​​ഫോ​ട​നം ന​ട​ത്തി​യ​തെ​ന്നും പ്ര​തി വെ​ളി​പ്പെ​ടു​ത്തി. യ​ഹോ​വയുടെ സാ​ക്ഷി​ക​ൾ തി​ങ്ങി​നി​റ​ഞ്ഞ ഹാ​ളി​ന്‍റെ മ​ധ്യ​ഭാ​ഗ​ത്ത്​ വേ​ദി​യി​ൽ​നി​ന്ന്​ അ​ഞ്ച്​ മീ​റ്റ​ർ മാ​റി​യാ​ണ്​ ബോം​ബ്​ വെ​ച്ച​ത്. ഒ​ന്നി​നു പി​റ​കെ ഒ​ന്നാ​യി മൂ​ന്ന്​ പൊ​ട്ടി​ത്തെ​റി​ക​ളാ​ണ്​ സം​ഭ​വി​ച്ച​ത്.

രാ​വി​ലെ 7.30 ഓ​ടെ​യാ​ണ്​ സം​റ ക​ണ്‍വെ​ന്‍ഷ​ന്‍ സെ​ന്റ​റി​ലെ​ത്തി​യ​ത്. ​തു​ട​ർ​ന്ന്​ സ്​​ഫോ​ട​ക വ​സ്തു സ്ഥാ​പി​ക്കു​മ്പോ​ൾ ഹാ​ളി​ലു​ണ്ടാ​യി​രു​ന്ന​ത് വെ​റും മൂ​ന്ന് പേ​ര്‍ മാ​ത്ര​മാ​യി​രു​ന്നു. പു​റ​ത്തെ​ത്തി​യ ശേ​ഷം ആ​ളു​ക​ള്‍ വ​ന്നു​തു​ട​ങ്ങു​ന്ന സ​മ​യ​ത്ത് സ്ഫോ​ട​നം ന​ട​ത്താ​ൻ ശ്ര​മി​ച്ച​പ്പോ​ൾ ബോം​ബ് പൊ​ട്ടി​യി​ല്ല. പി​ഴ​വ് പ​റ്റി​യെ​ന്ന്​ തി​രി​ച്ച​റി​ഞ്ഞ​തോ​ടെ വീ​ണ്ടു​മെ​ത്തി സ്​​ഫോ​ട​ക വ​സ്തു​വി​ലെ സ്വി​ച്ച് ഓ​ണ്‍ ചെ​യ്തു. തു​ട​ർ​ന്നാ​ണ്​ പ്രാ​ർ​ഥ​ന​സ​മ​യ​ത്ത് റി​മോ​ട്ട് ക​ൺ​ട്രോ​ൾ ഉ​പ​യോ​ഗി​ച്ച് സ്ഫോ​ട​നം ന​ട​ത്തി​യ​തെ​ന്ന്​ മൊ​ഴി​യി​ൽ പ​റ​യു​ന്നു.

കൃ​ത്യ​മാ​യ ആ​സൂ​ത്ര​ണ​ത്തി​നൊ​ടു​വി​ലാ​ണ് മാ​ർ​ട്ടി​ൻ ഞാ​യ​റാ​ഴ്​​ച പ​ദ്ധ​തി ന​ട​പ്പാ​ക്കി​യ​തെ​ന്നാ​ണ് പൊ​ലീ​സി​ന്റെ നി​​ഗ​മ​നം. ശ​നി​യാ​ഴ്ച​യും ഇ​യാ​ൾ സെ​ന്റ​റി​ലെ​ത്തി​യി​രു​ന്നു.

കുറ്റബോധമില്ലാതെ, കൂസലില്ലാതെ മാർട്ടിൻ

അ​ങ്ക​മാ​ലി: കു​റ്റ​ബോ​ധ​മി​ല്ലാ​ത്ത മു​ഖ​ഭാ​വ​വു​മാ​യി ക​ള​മ​ശ്ശേ​രി സ്ഫോ​ട​ന​ക്കേ​സ്​ പ്ര​തി ഡൊ​മി​നി​ക് മാ​ർ​ട്ടി​ൻ. എ​ന്തോ മ​ഹാ​കൃ​ത്യം നി​ർ​വ​ഹി​ച്ച​തു​പോ​ലെ​യാ​ണ്​​ അ​ത്താ​ണി​യി​ലെ സ്വ​ന്തം ഫ്ലാ​റ്റി​ൽ ചൊ​വ്വാ​ഴ്ച തെ​ളി​വെ​ടു​പ്പി​നി​ടെ അ​യാ​ൾ പൊ​ലീ​സ് മു​മ്പാ​കെ നി​ർ​ണാ​യ​ക തെ​ളി​വു​ക​ൾ ന​ൽ​കി​യ​തും സം​ഭ​വം വി​ശ​ദീ​ക​രി​ച്ച​തും. ഞാ​യ​റാ​ഴ്ച സ്​​ഫോ​ട​നം ന​ട​ത്തി​യ ഉ​ട​ൻ പു​റ​ത്തു​വി​ട്ട വി​ഡി​യോ​യി​ൽ പ​റ​ഞ്ഞ​തി​ൽ​നി​ന്ന് വ​ള്ളി​പു​ള്ളി തെ​റ്റാ​തെ​യും നി​രാ​ശ​യോ കു​റ്റ​ബോ​ധ​മോ പ്ര​ക​ടി​പ്പി​ക്കാ​തെ​യു​മാ​ണ്​ ഏ​ഴ് മ​ണി​ക്കൂ​ർ നീ​ണ്ട തെ​ളി​വെ​ടു​പ്പി​ൽ അ​ന്വേ​ഷ​ണ സം​ഘ​ത്തി​ന് മു​മ്പാ​കെ അ​യാ​ൾ പെ​രു​മാ​റി​യ​ത്. രാ​വി​ലെ 9.40ഓ​ടെ ക​ന​ത്ത പൊ​ലീ​സ്​ സം​ര​ക്ഷ​ണ​ത്തി​ലാ​ണ് വെ​ളു​ത്ത ഷ​ർ​ട്ടും ക​റു​ത്ത പാ​ന്‍റ്​​സും ധ​രി​ച്ച മാ​ർ​ട്ടി​നെ​ മു​ഖം മ​റ​ച്ച്​ അ​ത്താ​ണി​യി​ലെ ഫ്ലാ​റ്റി​ലെ​ത്തി​ച്ച​ത്. ‘

‘850 കോ​ടി ജ​ന​ങ്ങ​ൾ ന​ശി​ച്ചു​പോ​കും, ന​മ്മ​ൾ മാ​ത്രം ര​ക്ഷ​പ്പെ​ടും, മ​റ്റു​ള്ള​വ​രൊ​ക്കെ വേ​ശ്യ​ക​ൾ, മ​റ്റു​ള്ള​വ​രു​ടെ ഭ​ക്ഷ​ണം ക​ഴി​ക്ക​രു​ത്, സ​ഹ​വ​സി​ക്ക​രു​ത്, ദേ​ശീ​യ​ഗാ​നം ചൊ​ല്ല​രു​ത്, വോ​ട്ട് ചെ​യ്യ​രു​ത്, മി​ലി​ട്ട​റി​യി​ലും സ​ർ​ക്കാ​ർ സ​ർ​വി​സി​ലും ജോ​ലി ചെ​യ്യ​രു​ത് തു​ട​ങ്ങി​യ യ​ഹോ​വയുടെ സാ​ക്ഷി​ക​ളു​ടെ ആ​ശ​യ​ങ്ങ​ൾ കേ​ട്ടു​മ​ടു​ത്ത് ഒ​രാ​ളെ​ങ്കി​ലും പ്ര​തി​ക​രി​ച്ചി​ല്ലെ​ങ്കി​ൽ അ​തെ​ല്ലാം ശ​രി​യാ​ണെ​ന്ന്​ വ​രു​മെ​ന്നും അ​ത്​ ഒ​ഴി​വാ​ക്കാ​ൻ ആ​ലോ​ചി​ച്ച്​ ഉ​റ​പ്പി​ച്ചെ​ടു​ത്ത തീ​രു​മാ​ന​മാ​ണ് ക​ള​മ​ശ്ശേ​രി​യി​ൽ ന​ട​പ്പാ​ക്കി​യ​തെ​ന്നു’’​മാ​യി​രു​ന്നു അ​ന്വേ​ഷ​ണ ഉ​ദ്യോ​ഗ​സ്ഥ​രു​ടെ മാ​റി മാ​റി​യു​ള്ള ചോ​ദ്യ​ങ്ങ​ൾ​ക്ക് മാ​ർ​ട്ടി​ന്‍റെ മ​റു​പ​ടി.

നീ​ണ്ട തെ​ളി​വെ​ടു​പ്പി​നി​ടെ ത​ള​ർ​ച്ച​യോ ക്ഷീ​ണ​മോ അ​യാ​ൾ പ്ര​ക​ടി​പ്പി​ച്ചി​ല്ല. ബോം​ബു​ണ്ടാ​ക്കാ​നു​ള്ള ആ​ശ​യം മ​ന​സ്സി​ലു​ദി​ച്ച​ത്​ മു​ത​ൽ സ്ഫോ​ട​ന​ത്തി​ന്‍റെ തീ​വ്ര​ത, ബോം​ബു​ണ്ടാ​ക്കു​ന്ന രീ​തി, ആ​വ​ശ്യ​മാ​യ അ​സം​സ്കൃ​ത വ​സ്തു​ക്ക​ൾ, സം​ശ​യം തോ​ന്നാ​തെ അ​വ വാ​ങ്ങി​യ​ത്​ എ​ന്നി​ങ്ങ​നെ ത​ന്‍റെ ആ​ലോ​ച​ന​ക​ളെ​ല്ലാം ഒ​രു കൂ​സ​ലു​മി​ല്ലാ​തെ മാ​ർ​ട്ടി​ൻ വി​ശ​ദീ​ക​രി​ച്ചു. ​ തെ​ളി​വെ​ടു​പ്പ് പൂ​ർ​ത്തി​യാ​ക്കി​യ ശേ​ഷം കോ​ട​തി​യി​ൽ ഹാ​ജ​രാ​ക്കാ​ൻ കൊ​ണ്ടു​പോ​കു​ന്ന​തി​നാ​യി പ്ര​തി​യെ വാ​നി​ൽ ക​യ​റ്റാ​നും പൊ​ലീ​സി​ന്​ ഏ​റെ ക്ലേ​ശി​ക്കേ​ണ്ടി വ​ന്നു.

ജോ​ലി ചെ​യ്ത​ത്​ ദു​ബൈ​യി​ൽ

ദു​ബൈ: ക​ള​മ​ശ്ശേ​രി സ്​​ഫോ​ട​ന​ക്കേ​സ്​ പ്ര​തി ഡൊ​മി​നി​ക്​ മാ​ർ​ട്ടി​ൻ ദു​ബൈ​യി​ലെ ജോ​ലി​സ്ഥ​ല​ത്തു​നി​ന്ന്​ നാ​ട്ടി​ലേ​ക്ക് പോ​യ​ത്​ ര​ണ്ടു​മാ​സം മു​മ്പ്​. ബ​ന്ധു​വി​ന് സു​ഖ​മി​ല്ലെ​ന്ന് പ​റ​ഞ്ഞാ​ണ്​ അ​ടി​യ​ന്ത​ര അ​വ​ധി എ​ടു​ത്ത​തെ​ന്നാ​ണ് സ​ഹ​പ്ര​വ​ർ​ത്ത​ക​ർ പ​റ​യു​ന്ന​ത്. നാ​ട്ടി​ൽ എ​ത്തി​യ​ശേ​ഷം അ​വ​ധി നീ​ട്ടി​വാ​ങ്ങി. ഒ​ക്ടോ​ബ​ർ 30ന്​ ​തി​രി​കെ​യെ​ത്തു​മെ​ന്നാ​ണ്​ ക​മ്പ​നി​യെ അ​റി​യി​ച്ചി​രു​ന്ന​ത്. മാ​ർ​ട്ടി​ൻ സ്ഫോ​ട​നം ന​ട​ത്തി​യെ​ന്ന് വി​ശ്വ​സി​ക്കാ​ൻ ക​ഴി​യു​ന്നി​ല്ല. എ​ല്ലാ​വ​രോ​ടും വ​ള​രെ സൗ​ഹാ​ർ​ദ​പ​ര​മാ​യാ​ണ് ഇ​ദ്ദേ​ഹം പെ​രു​മാ​റി​യ​തെ​ന്നും സ​ഹ​പ്ര​വ​ർ​ത്ത​ക​ർ പ​റ​ഞ്ഞു. സി​ലി​ക്ക​ൺ ഒ​യാ​സി​സി​ലെ സ്വ​കാ​ര്യ സ്ഥാ​പ​ന​ത്തി​ലാ​ണ് ര​ണ്ടു​വ​ർ​ഷ​മാ​യി ഡൊ​മി​നി​ക് മാ​ർ​ട്ടി​ൻ ജോ​ലി ചെ​യ്തി​രു​ന്ന​ത്.