ക​ള​മ​ശ്ശേ​രി ബോം​ബ് സ്ഫോ​ട​നം: ലി​ബ്നക്ക് യാത്രാമൊഴി

കാ​ല​ടി: ക​ണ്ണീ​രും വേ​ദ​ന​യും വി​തു​മ്പ​ലും നെ​ടു​വീ​ർ​പ്പു​ക​ളും മാ​ത്ര​മാ​യി​രു​ന്നു ശ​നി​യാ​ഴ്ച മ​ല​യാ​റ്റൂ​ർ നീ​ലീ​ശ്വ​രം എ​സ്.​എ​ന്‍.​ഡി.​പി ഹ​യ​ര്‍ സെ​ക്ക​ൻ​ഡ​റി സ്‌​കൂ​ളി​ലാ​കെ ത​ങ്ങി​നി​ന്ന​ത്. സ്കൂ​ൾ മു​റ്റ​ത്ത്​ പാ​റി​പ്പ​റ​ന്ന 12കാ​രി പെ​ൺ​കു​ട്ടി, ചേ​ത​ന​യ​റ്റ ശ​രീ​ര​മാ​യി ആ ​സ്കൂ​ളി​ലേ​ക്ക് എ​ത്തി​യ​പ്പോ​ൾ സ​ഹ​പാ​ഠി​ക​ൾ പ​ല​രും ആ​ർ​ത്തു​ക​ര​ഞ്ഞു, ചി​ല​ർ തേ​ങ്ങി. അ​ധ്യാ​പ​ക​രു​ടെ​യും ക​ണ്ടു​നി​ന്ന​വ​രു​ടെ​യും ഉ​ള്ളി​ലെ നോ​വാ​യി മാ​റി​യി​രു​ന്നു ലി​ബ്ന എ​ന്ന ഏ​ഴാം ക്ലാ​സു​കാ​രി.

ക​ള​മ​ശ്ശേ​രി ബോം​ബ് സ്ഫോ​ട​ന​ത്തി​ല്‍ മ​ര​ണ​പ്പെ​ട്ട മ​ല​യാ​റ്റൂ​ര്‍ ക​ട​വ​ന്‍കു​ഴി വീ​ട്ടി​ല്‍ പ്ര​ദീ​പ​ന്‍റെ മ​ക​ള്‍ ലി​ബ്ന​യു​ടെ (12) മൃ​ത​ദേ​ഹം ശ​നി​യാ​ഴ്ച രാ​വി​ലെ 10.30നാ​ണ്​ നീ​ലീ​ശ്വ​രം എ​സ്.​എ​ന്‍.​ഡി.​പി ഹ​യ​ര്‍ സെ​ക്ക​ൻ​ഡ​റി സ്‌​കൂ​ളി​ല്‍ പൊ​തു​ദ​ര്‍ശ​ന​ത്തി​ന് എ​ത്തി​ച്ച​ത്. തി​ങ്ക​ളാ​ഴ്ച കാ​ണാം എ​ന്നു​പ​റ​ഞ്ഞ് പോ​യ ലി​ബ്‌​ന​യു​ടെ ചേ​ത​ന​യ​റ്റ ശ​രീ​രം കാ​ണാ​ന്‍ പ​നീ​നീ​ര്‍ പൂ​ക്ക​ളു​മാ​യി കാ​ത്തു​നി​ൽ​ക്കു​ക​യാ​യി​രു​ന്നു സ​ഹ​പാ​ഠി​ക​ള്‍. ഏ​ഴാം ക്ലാ​സ്​ ലീ​ഡ​റാ​യി​രു​ന്ന ലി​ബ്‌​ന​യു​ടെ ക്ലാ​സ് മു​റി​യു​ടെ ഇ​രി​പ്പി​ട​ത്തി​ലെ മേ​ശ​യി​ല്‍ പ​നി​നീ​ര്‍ പൂ​ക്ക​ള്‍ വെ​ച്ചാ​ണ് കൂ​ട്ടു​കാ​ർ വി​ട ന​ൽ​കി​യ​ത്.

ക​ല​ങ്ങി​യ ക​ണ്ണു​ക​ളു​മാ​യി കു​ട്ടി​ക​ള്‍ പ​ല​യി​ട​ങ്ങ​ളി​ലാ​യി ത​ള​ര്‍ന്നി​രു​ന്ന​ത് നൊ​മ്പ​ര​ക്കാ​ഴ്ച​യാ​യി. ഉ​ച്ച​ക്ക്​ 2.30ന്​ ​മൃ​ത​ദേ​ഹം ലി​ബ്‌​ന, ഒ​ന്ന​ര വ​ര്‍ഷ​മാ​യി താ​മ​സി​ക്കു​ന്ന മ​ല​യാ​റ്റൂ​ര്‍ പാ​ല​ത്തി​ന് സ​മീ​പ​ത്തെ വാ​ട​ക വീ​ട്ടി​ല്‍ എ​ത്തി​ച്ച് സം​സ്കാ​ര ച​ട​ങ്ങു​ക​ൾ ന​ട​ത്തി. തു​ട​ർ​ന്ന്, ചാ​ല​ക്കു​ടി​ക്കു​സ​മീ​പം കൊ​ര​ട്ടി​യി​ൽ യ​ഹോ​വ സാ​ക്ഷി​ക​ളു​ടെ ശ്മ​ശാ​ന​ത്തി​ൽ സം​സ്ക​രി​ച്ചു.

സ്‌​ഫോ​ട​ന​ത്തി​ല്‍ പ​രി​ക്കേ​റ്റ് ഗു​രു​ത​രാ​വ​സ്ഥ​യി​ല്‍ കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ല്‍ ക​ഴി​യു​ന്ന മാ​താ​വ് റീ​ന​യെ​യും സ​ഹോ​ദ​ര​ന്‍ പ്ര​വീ​ണി​നെ​യും മൃ​ത​ദേ​ഹം കാ​ണി​ക്കാ​നാ​യി അ​ഞ്ചു​ദി​വ​സം ക​ള​മ​ശ്ശേ​രി മെ​ഡി​ക്ക​ല്‍ കോ​ള​ജ് മോ​ര്‍ച്ച​റി​യി​ല്‍ സൂ​ക്ഷി​ച്ചി​രു​ന്നു.

മ​റ്റൊ​രു സ​ഹോ​ദ​ര​നാ​യ രാ​ഹു​ലും പൊ​ള്ള​ലേ​റ്റ് ചി​കി​ത്സ​യി​ലാ​ണ്. എ​ന്നാ​ല്‍, ഇ​വ​ര്‍ക്ക് കാ​ര്യ​മാ​യ ആ​രോ​ഗ്യ പു​രോ​ഗ​തി ഇ​ല്ലാ​ത്ത സാ​ഹ​ച​ര്യ​ത്തി​ലാ​ണ് സം​സ്‌​കാ​രം ന​ട​ത്താ​ന്‍ പി​താ​വ് പ്ര​ദീ​പ​ന്‍ തീ​രു​മാ​നി​ച്ച​ത്. ബെ​ന്നി ബ​ഹ​നാ​ന്‍ എം.​പി, റോ​ജി എം. ​ജോ​ണ്‍ എം.​എ​ല്‍.​എ, ജി​ല്ല ക​ല​ക്ട​റെ പ്ര​തി​നി​ധാ​നം ചെ​യ്ത്​ എ​റ​ണാ​കു​ളം മെ​ഡി​ക്ക​ല്‍ കോ​ള​ജ് ആ​ശു​പ​ത്രി സൂ​പ്ര​ണ്ട് ഡോ. ​ഗ​ണേ​ഷ് മോ​ഹ​ന്‍, മു​ന്‍ മ​ന്ത്രി അ​ഡ്വ. ജോ​സ് തെ​റ്റ​യി​ല്‍, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ വി​ല്‍സ​ണ്‍ കോ​യി​ക്ക​ര, ഫാ.​വ​ര്‍ഗീ​സ് മ​ണ​വാ​ള​ന്‍ തു​ട​ങ്ങി നാ​ടി​ന്‍റെ നാ​നാ​ഭാ​ഗ​ത്തു​ള്ള​വ​ര്‍ ആ​ദ​രാ​ഞ്ജ​ലി അ​ര്‍പ്പി​ക്കാ​ന്‍ എ​ത്തി​യി​രു​ന്നു.