കാളികാവിൽ ചുമർ തുരന്ന്​ ഒന്നരലക്ഷം കവർന്നു

കാളികാവ്​: കാളികാവിൽ ചുമർ തുരന്ന് മോഷണം. മലഞ്ചരക്ക് വ്യാപാര സ്ഥാപനത്തിൽ നടന്ന കവർച്ചയിൽ ഒന്നര ലക്ഷത്തോളം രൂപ നഷ്ടപ്പെട്ടു. കാളികാവ് അങ്ങാടിയിലെ കുരിക്കൾ മൊയ്തീൻ എന്നയാളുടെ ഉടമസ്ഥതയിലുള്ള കടയിൽ ശനിയാഴ്ച രാത്രിയോടെയാണ് കവർച്ച തടന്നത്.

ചുമരിൽ ഒരാൾക്ക് മാത്രം പ്രവേശിക്കാവുന്ന ദ്വാരമുണ്ടാക്കി കടക്ക്​ അകത്ത്​ പ്രവേശിച്ച മോഷ്ടാവ് മേശ വലിപ്പിൽ സൂക്ഷിച്ച പണം കവരുകയായിരുന്നു. കാളികാവ് എസ്.ഐ ഡി.ജെ കുര്യാക്കോസി​​​െൻറ നേതൃത്വത്തിൽ പൊലീസ് അന്വേഷണം തുടങ്ങി. മലപ്പുറത്ത് നിന്നും വിരലടയാള വിദഗ്ധർ സ്ഥലത്തെത്തി.