‘കൽപിത’ത്തിന്​ അനുമതിയുണ്ടാകില്ല; സ്വകാര്യ സർവകലാശാലക്ക്​ വഴിയൊരുങ്ങും

തി​രു​വ​ന​ന്ത​പു​രം: ചീ​ഫ്​ സെ​ക്ര​ട്ട​റി അ​ധ്യ​ക്ഷ​നാ​യ വി​ദ​ഗ്​​ധ സ​മി​തി സം​സ്ഥാ​ന​ത്ത്​ ക​ൽ​പി​ത സ​ർ​വ​ക​ലാ​ശാ​ല​ക​ൾ​ക്ക്​ വ​ഴി​തു​റ​ക്കാ​ൻ റി​പ്പോ​ർ​ട്ട്​ സ​മ​ർ​പ്പി​ച്ചെ​ങ്കി​ലും സ​ർ​ക്കാ​ർ മു​ൻ​ഗ​ണ​ന ന​ൽ​കു​ന്ന​ത്​ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്. സ​മി​തി റി​പ്പോ​ർ​ട്ടും അ​തി​ൽ ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്‍റെ അ​ഭി​പ്രാ​യ​വും രേ​ഖ​പ്പെ​ടു​ത്തി​യു​ള്ള ഫ​യ​ൽ ല​ഭി​ച്ച ശേ​ഷം വി​ളി​ച്ചു​ചേ​ർ​ത്ത വൈ​സ്​ ചാ​ൻ​സ​ല​ർ​മാ​രു​ടെ യോ​ഗ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഇ​ക്കാ​ര്യം സൂ​ചി​പ്പി​ക്കു​ക​യും ചെ​യ്തി​രു​ന്നു.

സം​സ്ഥാ​ന​ത്ത്​ സ്വ​കാ​ര്യ സ​ർ​വ​ക​ലാ​ശാ​ല​ക​ൾ​ക്ക്​ അ​നു​മ​തി ന​ൽ​കു​ന്ന​തി​നു​ള്ള സാ​ധ്യ​ത പ​രി​ശോ​ധി​ക്കു​ക​യാ​ണെ​ന്നും വൈ​കാ​തെ തീ​രു​മാ​ന​മെ​ടു​ക്കു​മെ​ന്നു​മാ​ണ്​ മു​ഖ്യ​മ​ന്ത്രി വ്യ​ക്ത​മാ​ക്കി​യ​ത്.

സ്വ​യം​ഭ​ര​ണ പ​ദ​വി​യു​ള്ള ര​ണ്ട്​ എ​യ്​​ഡ​ഡ്​ കോ​ള​ജു​ക​ൾ ഉ​ൾ​പ്പെ​ടെ വി​ദ്യാ​ഭ്യാ​സ സ്ഥാ​പ​ന​ങ്ങ​ളും ഏ​ജ​ൻ​സി​ക​ളും ക​ൽ​പി​ത സ​ർ​വ​ക​ലാ​ശാ​ല പ​ദ​വി​ക്ക്​ അ​പേ​ക്ഷി​ക്കാ​ൻ അ​നു​മ​തി തേ​ടി സ​ർ​ക്കാ​റി​ന്​ ക​ത്ത്​ ന​ൽ​കി​യി​രു​ന്നു. എ​യ്​​ഡ​ഡ്​ കോ​ള​ജു​ക​ൾ​ക്ക്​ ക​ൽ​പി​ത സ​ർ​വ​ക​ലാ​ശാ​ല പ​ദ​വി ന​ൽ​കു​ന്ന​തു​വ​ഴി​യു​ണ്ടാ​കു​ന്ന പ്ര​ശ്ന​ങ്ങ​ൾ സി.​പി.​എം ത​ല​ത്തി​ലും സ​ർ​ക്കാ​ർ ത​ല​ത്തി​ലും ച​ർ​ച്ച ചെ​യ്തി​രു​ന്നു. ഇ​തു സം​ബ​ന്ധി​ച്ച്​ റി​പ്പോ​ർ​ട്ട്​ സ​മ​ർ​പ്പി​ക്കാ​നാ​ണ്​ ചീ​ഫ്​ സെ​ക്ര​ട്ട​റി വി.​പി. ജോ​യി അ​ധ്യ​ക്ഷ​നാ​യ സ​മി​തി​യെ നി​യോ​ഗി​ച്ച​ത്.

സ​മി​തി എ​യ്​​ഡ​ഡ്​ സ്ഥാ​പ​ന​ങ്ങ​ൾ​ക്ക്​ ക​ൽ​പി​ത സ​ർ​വ​ക​ലാ​ശാ​ല പ​ദ​വി ന​ൽ​കാ​നു​ള്ള നി​ർ​ദേ​ശ​ങ്ങ​ൾ സ​ഹി​ത​മാ​ണ്​ റി​പ്പോ​ർ​ട്ട്​ ന​ൽ​കി​യ​ത്. അ​ധ്യാ​പ​ക​ർ​ക്ക്​ സ​ർ​ക്കാ​ർ ശ​മ്പ​ളം ന​ൽ​കു​ന്ന​തി​നു​ പ​ക​ര​മാ​യി വി​ദ്യാ​ർ​ഥി പ്ര​വേ​ശ​ന​ത്തി​ൽ നി​ശ്ചി​ത ശ​ത​മാ​നം സീ​റ്റു​ക​ൾ സ​ർ​ക്കാ​റി​ന്​ വി​ട്ടു​ന​ൽ​കാ​ൻ ക​രാ​ർ ഒ​പ്പി​ട്ട്​ എ​യ്​​ഡ​ഡ്​ സ്ഥാ​പ​ന​ങ്ങ​ൾ​ക്ക്​ ക​ൽ​പി​ത പ​ദ​വി​ക്ക്​ അ​നു​​മ​തി ന​ൽ​കാ​മെ​ന്നാ​ണ്​ പ്ര​ധാ​ന നി​ർ​ദേ​ശം. എ​ന്നാ​ൽ, ക​ൽ​പി​ത സ​ർ​വ​ക​ലാ​ശാ​ല​ക​ളു​ടെ ന​ട​ത്തി​പ്പ്​ സം​ബ​ന്ധി​ച്ച്​ യു.​ജി.​സി​യു​ടെ റെ​ഗു​ലേ​ഷ​ൻ നി​ല​വി​ലു​ള്ള​തി​നാ​ൽ സം​സ്ഥാ​ന ത​ല​ത്തി​ൽ ക​രാ​റും നി​യ​മ​വും കൊ​ണ്ടു​വ​ന്നാ​ലും അ​വ നി​ല​നി​ൽ​ക്കി​ല്ലെ​ന്ന അ​ഭി​പ്രാ​യ​മാ​ണ്​ സ​ർ​ക്കാ​ർ, പാ​ർ​ട്ടി ത​ല​ത്തി​ൽ ഉ​യ​ർ​ന്നു​വ​ന്ന​ത്. ഇ​തോ​ടെ​യാ​ണ്​​ മി​ക​ച്ച ട്രാ​ക്ക്​ റെ​ക്കോ​ഡു​ള്ള സ്ഥാ​പ​ന​ങ്ങ​ളി​ൽ താ​ൽ​പ​ര്യ​മു​ള്ള​വ​ക്ക്​ സ്വ​കാ​ര്യ സ​ർ​വ​ക​ലാ​ശാ​ല​യാ​കാ​ൻ അ​നു​മ​തി​ന​ൽ​കാ​മെ​ന്നും അ​തി​നാ​യി സം​സ്ഥാ​ന​ത്ത്​ പ്ര​ത്യേ​കം നി​യ​മ​നി​ർ​മാ​ണം ന​ട​ത്ത​ണ​മെ​ന്നു​മു​ള്ള നി​ർ​ദേ​ശം ഉ​ന്ന​ത വി​ദ്യാ​ഭ്യാ​സ വ​കു​പ്പ്​ സ​മ​ർ​പ്പി​ച്ച​ത്. 50 ശ​ത​മാ​നം സീ​റ്റ്​ സ​ർ​ക്കാ​റി​ന്​ വി​ട്ടു​ന​ൽ​കാ​മെ​ന്ന ക​രാ​റി​ൽ മു​മ്പ്​ സ്വാ​ശ്ര​യ സ്ഥാ​പ​ന​ങ്ങ​ൾ​ക്ക്​ അ​നു​മ​തി നേ​ടി​യ ​ശേ​ഷം അ​തി​ൽ നി​ന്ന്​ പി​ന്മാ​റി​യ മാ​നേ​ജ്​​മെ​ന്‍റു​ക​ളു​ടെ ച​രി​ത്രം ഓ​ർ​മി​പ്പി​ച്ചാ​ണ്​ ക​ൽ​പി​ത സ​ർ​വ​ക​ലാ​ശാ​ല നി​ർ​ദേ​ശ​ത്തെ എ​തി​ർ​ത്ത​ത്. മി​ക​ച്ച എ​യ്​​ഡ​ഡ്​ സ്ഥാ​പ​ന​ങ്ങ​ൾ സ​ർ​ക്കാ​റി​ന്​ നി​യ​ന്ത്ര​ണ​മി​ല്ലാ​ത്ത രീ​തി​യി​ൽ ക​ൽ​പി​ത സ​ർ​വ​ക​ലാ​ശാ​ല​യാ​കു​ന്ന​ത്​ പൊ​തു​വി​ദ്യാ​ഭ്യാ​സ മേ​ഖ​ല​യെ ദു​ർ​ബ​ല​പ്പെ​ടു​ത്തു​മെ​ന്നും ഉ​ന്ന​ത വി​ദ്യാ​ഭ്യാ​സ വ​കു​പ്പ്​ ക​രു​തു​ന്നു. ഈ ​സാ​ഹ​ച​ര്യ​ത്തി​ൽ കൂ​ടി​യാ​ണ്​ ത​ൽ​ക്കാ​ലം ക​ൽ​പി​ത സ​ർ​വ​ക​ലാ​ശാ​ല​ക​ൾ വേ​ണ്ട​തി​ല്ലെ​ന്നും സ്വ​കാ​ര്യ സ​ർ​വ​ക​ലാ​ശാ​ല​യാ​കാ​മെ​ന്നു​മു​ള്ള നി​ല​പാ​ടി​ലേ​ക്ക്​ സ​ർ​ക്കാ​ർ നീ​ങ്ങു​ന്ന​ത്.

സ്വ​കാ​ര്യ സ​ർ​വ​ക​ലാ​ശാ​ല: അ​ക്കാ​ദ​മി​ക മി​ക​വ്​ മാ​ന​ദ​ണ്ഡ​മാ​കും

സ്വ​കാ​ര്യ സ​ർ​വ​ക​ലാ​ശാ​ല​യാ​യി പ​രി​വ​ർ​ത്ത​നം ചെ​യ്യാ​ൻ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്കു​മു​ന്നി​ൽ അ​ക്കാ​ദ​മി​ക മി​ക​വ്​ പ്ര​ധാ​ന ഘ​ട​ക​മാ​യി മാ​റും. നാ​ഷ​ന​ൽ അ​സ​സ്​​മെ​ന്‍റ്​ ആ​ൻ​ഡ്​​ അ​ക്ര​ഡി​റ്റേ​ഷ​ൻ കൗ​ൺ​സി​ലി​ന്‍റെ (നാ​ക്) ഉ​യ​ർ​ന്ന ഗ്രേ​ഡി​ങ്, എ​ൻ.​ഐ.​ആ​ർ.​എ​ഫ്​ റാ​ങ്കി​ങ്​ തു​ട​ങ്ങി​യ​വ സ്വ​കാ​ര്യ സ​ർ​വ​ക​ലാ​ശാ​ല​ക്ക്​ അ​നു​മ​തി ന​ൽ​കു​ന്ന​തി​നു​ള്ള പ്ര​ധാ​ന മാ​ന​ദ​ണ്ഡ​ങ്ങ​ളാ​യി മാ​റും. സ​ർ​ക്കാ​ർ ഇ​തു​സം​ബ​ന്ധി​ച്ച തീ​രു​മാ​ന​മെ​ടു​ത്താ​ൽ പ്ര​ത്യേ​ക നി​യ​മ​നി​ർ​മാ​ണം ന​ട​ത്തേ​ണ്ടി​വ​രും. മാ​ന​ദ​ണ്ഡ​ങ്ങ​ൾ ഉ​ൾ​പ്പെ​ടെ നി​യ​മ​ത്തി​ന്‍റെ ഭാ​ഗ​മാ​കും.