'അതാ പാർട്ടിയുടെ ആഭ്യന്തര കാര്യം. അസുഖം വന്നാല്‍ ലീവെടുക്കണ്ടേ?' -കാനം രാജേന്ദ്രന്‍

തിരുവനന്തപുരം: കോടിയേരി ബാലകൃഷ്ണന്‍ സി.പി.എം സംസ്ഥാന സെക്രട്ടറി പദത്തിൽനിന്ന്​ മാറിയത്​ ആ പാർട്ടിയുടെ ആഭ്യന്തര കാര്യമെന്ന്​ സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. 'കോടിയേരി മാറിയതിനെ കുറിച്ച്​ അഭിപ്രായം പറയാനില്ല. അതാ പാര്‍ട്ടിയുടെ ആഭ്യന്തരപ്രശ്നമാണ്. ഒരാള്‍ക്ക് അസുഖം വന്നാല്‍ ലീവെടു​ക്കേണ്ടേ?' എന്നും കാനം ചോദിച്ചു.

'സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനു തുടര്‍ചികിത്സ ആവശ്യമായതിനാല്‍ സെക്രട്ടറി ചുമതലയില്‍ നിന്നും അവധി അനുവദിക്കണമെന്ന ആവശ്യം സംസ്ഥാന സെക്രട്ടറിയേറ്റ് അംഗീകരിച്ചു. സെക്രട്ടറിയുടെ ചുമതല എ. വിജയരാഘവന്‍ നിര്‍വഹിക്കുന്നതാണ്'. എന്നാണ്​ സി.പി.എം സംസ്ഥാന സെക്രട്ടേറിയറ്റ് പത്രക്കുറിപ്പിൽ അറിയിച്ചത്​.