പാണക്കാട്ടെ മട്ടൺ ബിരിയാണി, എ.കെ.ജി സെന്‍ററിലെ ഉണക്കമീൻ

‘ഈ ​പ​റ​മ്പി​ൽ സ്റ്റീ​ൽ ബോം​ബു​ണ്ട്, സൂ​ക്ഷി​ക്കു​ക’ എ​ന്നൊ​രു ബോ​ർ​ഡ്​ ക​ണ്ണൂ​ർ ജി​ല്ല​യി​ലെ പ​റ​മ്പു​ക​ളി​ലൊ​ക്കെ സ്ഥാ​പി​ക്ക​ണ​മെ​ന്നാ​ണ്​ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ന്‍റെ നി​ർ​ദേ​ശം. ക​ണ്ണൂ​രി​ൽ പ​ല​യി​ട​ത്തും ഇ​ത്ത​രം സ്റ്റീ​ൽ ബോ​ബു​ക​ൾ​ ഉ​ണ്ടാ​ക്കി വെ​ച്ചി​ട്ടു​ണ്ടെ​ത്രെ. ‘സ്റ്റീ​ൽ പാ​ത്ര​ങ്ങ​ൾ ക​ണ്ടാ​ൽ തു​റ​ന്നു നോ​ക്ക​രു​തെ​ന്ന നി​ർ​ദേ​ശം ക​ണ്ണൂ​രി​ലെ ജ​ന​ങ്ങ​ൾ​ക്ക്​ സ​ർ​ക്കാ​ർ ന​ൽ​ക​ണ​മെ​ന്ന ഉ​പ​ദേ​ശ​വും.

ത​ല​ശ്ശേ​രി​യി​ൽ നാ​ളി​കേ​രം പെ​റു​ക്കു​ന്ന​തി​ടെ വ​യോ​ധി​ക​ൻ സ്റ്റീ​ൽ ബോം​ബ്​ പൊ​ട്ടി മ​രി​ച്ച ദാ​രു​ണ​മാ​യ സം​ഭ​വം സ​ണ്ണി​ജോ​സ​ഫ്​ സ​ഭ​യി​ലു​യ​ർ​ത്തി​യ​പ്പോ​ൾ തീ​യും പു​ക​യു​മൊ​ക്കെ ഉ​യ​രു​മെ​ന്ന്​ പ്ര​തീ​ക്ഷ​ച്ച​താ​ണ്. പൊ​ട്ട​ലി​നും ചീ​റ്റ​ലി​നു​മ​പ്പു​റ​ത്തേ​ക്കൊ​ന്നു​മ​ത്​​ പോ​യി​ല്ല. ബോം​ബ്​ ക​ഥ​ക​ൾ പ്ര​തി​പ​ക്ഷം​ നി​ര​ത്തി​യ​പ്പോ​ൾ ക​ണ്ണൂ​രി​ലെ ബോം​ബി​ന്‍റെ തു​ട​ക്കം എ​വി​ടെ​നി​ന്നെ​ന്ന്​ മു​ഖ്യ​മ​ന്ത്രി​യു​ടെ ചോ​ദ്യം. ബോം​ബേ​റി​ൽ​ കൊ​ല്ല​പ്പെ​ട്ട ബീ​ഡി തൊ​ഴി​ലാ​ളി കു​ള​ങ്ങ​രേ​ത്ത്​ രാ​ഘ​വ​നെ ഓ​ർ​മ​യി​ല്ലേ? മ​റു​ഭാ​ഗ​ത്ത്​ പ്ര​തി​ക​ര​ണ​മൊ​ന്നു​മു​ണ്ടാ​യി​ല്ല. ഡി.​സി.​സി. ഓ​ഫി​സി​ൽ പ​ല​ത​രം ബോം​ബു​ക​ൾ പ്ര​ദ​ർ​ശി​പ്പി​ച്ചി​ല്ലേ?. ഇ​തു​ പു​ക മാ​ത്രം വ​രു​ന്ന​ത്, ഇ​തു​ മാ​ര​ക ശേ​ഷി​യു​ള്ള​ത്​ എ​ന്ന്​ മാ​ധ്യ​മ​ങ്ങ​​ൾ​ക്ക്​ കാ​ണി​ച്ചു​കൊ​ടു​ത്തി​ല്ലേ?. മു​ഖ്യ​മ​ന്ത്രി തി​രി​ച്ച​ടി​ച്ചു. ക​ണ്ണൂ​രി​ലെ ബോം​ബ്​ ക​ഥ​ക​ളൊ​ക്കെ വ​ന്ന​പ്പോ​ൾ സ​ച്ചി​ൻ​ദേ​വ്​ അ​ട​ക്കം ചി​ല ഭ​ര​ണ​പ​ക്ഷാം​ഗ​ങ്ങ​ൾ ബ​ഹ​ളം കൂ​ട്ടി. ഞാ​ൻ ട്രാ​ൻ​സ്​​പോ​ർ​ട്ട്​ ഡ്രൈ​വ​റെ ഭീ​ഷ​ണി​പ്പെ​ടു​ത്തി​യ കാ​ര്യ​മ​ല്ല, ബോം​ബ്​​ നി​ർ​മാ​ണ കാ​ര്യ​മാ​​ണ്​ പ​റ​ഞ്ഞ​തെ​ന്നാ​യി​ സ​തീ​ശ​ൻ. സ​ച്ചി​ൻ​ദേ​വ്​ ശാ​ന്ത​ൻ.

പാ​ണ​ക്കാ​ട്​ പാ​ർ​ട്ടി യോ​ഗം ചേ​രു​മ്പോ​ൾ ന​ല്ല മ​ട്ട​ൻ ബി​രി​യാ​ണി​യൊ​ക്കെ തി​ന്ന്​ തീ​രു​മാ​നം ത​ങ്ങ​ളെ ഏ​ൽ​പി​ച്ചു പി​രി​യു​ക​യാ​ണ്​ ലീ​ഗി​ന്‍റെ ശൈ​ലി​യെ​ന്ന്​ കെ. ​ബാ​ബു (നെ​ന്മാ​റ) പ​രി​ഹ​സി​ച്ചു. ലീ​ഗി​നെ ഇ​ന്ത്യ​ൻ നാ​ഷ​ന​ൽ മ​ല​പ്പു​റം ലീ​ഗെ​ന്ന്​ കൂ​ടി ആ​ക്ഷേ​പി​ച്ച​പ്പോ​ൾ കേ​ട്ടി​രി​ക്കാ​ൻ എ​ൻ.​എ. നെ​ല്ലി​ക്കു​ന്നി​ന്​ ക​ഴി​ഞ്ഞി​ല്ല. എ.​കെ.​ജി സെ​ന്‍റ​റി​ൽ ഉ​ണ്ണ​ക്ക മീ​ൻ ക​ഴി​ച്ചാ​ണോ പാ​ർ​ട്ടി യോ​ഗം ചേ​രു​ന്ന​തെ​ന്ന്​ നെ​ല്ലി​ക്കു​ന്ന്​ ക്ഷോ​ഭി​ച്ചു. ഞ​ങ്ങ​ൾ ബി​രി​യാ​ണി ക​ഴി​ക്കും. ആ​ളു​ക​ൾ​ക്കും ന​ൽ​കും. പാ​വ​ങ്ങ​ൾ​ക്കൊ​പ്പം നി​ല​നി​ൽ​ക്കും. മ​രാ​മ​ത്ത്, ടൂ​റി​സം, ഭ​ക്ഷ്യ വ​കു​പ്പു​ക​ളു​ടെ ധ​നാ​ഭ്യ​ർ​ഥ​ന ച​ർ​ച്ച​യി​ലും തെ​ര​ഞ്ഞെ​ടു​പ്പി​ന്‍റെ ഹാ​ങ്​​ഓ​വ​ർ ഇ​രു​പ​ക്ഷ​ത്തി​നും മാ​റി​യി​ല്ല. തോ​റ്റി​ട്ടും ഇ​ട​ത്​ നേ​താ​ക്ക​ളു​ടെ പ്ര​സം​ഗം കേ​ട്ടി​ട്ട്​​ തി​രു​വ​ന​ന്ത​പു​രം കാ​ഴ്ച​ബം​ഗ്ലാ​വി​ലെ കാ​ണ്ടാ​മൃ​ഗം ഞാ​ന​ല്ല മ​റ്റൊ​രാ​ളാ​ണ്​ ഇ​വി​ടെ ഇ​രി​ക്കേ​ണ്ട​തെ​ന്നാ​ണ്​ പ​റ​യു​ന്ന​തെ​ന്നാ​യി ​നെ​ല്ലി​ക്കു​ന്ന്. നി​ങ്ങ​ളു​ടെ തൊ​ലി​ക്ക​ട്ടി​യു​ടെ മേ​ൽ കാ​ണ്ടാ​മൃ​ഗ​ത്തി​ന്‍റേ​ത്​ മൃ​ദു ച​ർ​മ​മാ​യി മാ​റി​യ​​ത്രെ. കാ​ണ്ടാ​മൃ​ഗം ഇ​വി​ടെ​നി​ന്ന് നേ​രെ തൃ​ശൂ​ർ ഡി.​സി.​സി​യി​ലേ​ക്കാ​ണ് ഓ​ടി​യ​തെ​ന്ന്​ യു. ​പ്ര​തി​ഭ തി​രി​ച്ച​ടി​ച്ചു. ഇ​നി വ​ട്ടി​യൂ​ർ​ക്കാ​വി​ൽ കാ​ണു​മെ​ന്ന്​ കെ. ​മു​ര​ളീ​ധ​ര​ൻ പ​റ​ഞ്ഞി​രി​ക്കെ വി.​കെ. പ്ര​ശാ​ന്തി​ന്​ ശാ​ന്ത​നാ​കാ​നാ​കി​ല്ല​ല്ലോ. തൃ​ശൂ​രി​ൽ സു​രേ​ഷ് ഗോ​പി​യെ ജ​യി​പ്പി​ക്കാ​ൻ കെ. ​മു​ര​ളീ​ധ​ര​ൻ കൂ​ടി കൈ ​കൊ​ടു​ത്തു​വെ​ന്ന് സം​ശ​യി​ക്കു​ന്നു​വെ​ന്നും ഇ​ക്കാ​രും കൂ​ടി പ​രി​ശോ​ധി​ക്ക​ണ​മെ​ന്നു​മാ​യി അ​ദ്ദേ​ഹം.

മ​രാ​മ​ത്ത്​ വ​കു​പ്പി​ൽ കാ​ര്യ​ങ്ങ​ൾ​ ഒ​ച്ചി​ഴ​യും വേ​ഗ​ത്തി​ലാ​ണെ​ന്ന്​ സ​ജീ​വ്​ ജോ​സ​ഫി​ന്​ തോ​ന്നു​മ്പോ​ൾ കൊ​ടു​ങ്കാ​റ്റി​ന്‍റെ വേ​ഗ​മാ​ണ്​ കെ.​യു. ജെ​നീ​ഷ്​ കു​മാ​റി​ന്​ അ​നു​ഭ​വ​പ്പെ​ട്ട​ത്. വെ​ട്ടു​കി​ളി​ക​ളും വ​യ​ൽ​ക്കി​ളി​ക​ളും ത​ണ്ടു​തു​ര​പ്പ​ന്മാ​രും വ​ഴി​മു​ട​ക്കി​യി​ട്ടും അ​തി​ജീ​വി​ച്ച്​ പൂ​ർ​ത്തി​യാ​ക്കാ​ൻ പോ​കു​ന്ന ദേ​ശീ​യ​പാ​ത കെ. ​ബാ​ബു​വി​നെ (നെ​ന്മാ​റ) കോ​ൾ​മ​യി​ർ കൊ​ള്ളി​ച്ചു. പ​ല റോ​ഡു​ക​ളി​ലും ബോ​ട്ട്​ ഓ​ടി​ക്കേ​ണ്ട സ്ഥി​തി​യെ​ന്ന്​ സ​ജീ​വ്​ ജോ​സ​ഫ്. ടൂ​റി​സം മ​ന്ത്രി ബേ​പ്പൂ​രി​ന്‍റെ മാ​ത്രം മ​ന്ത്രി​യാ​ണോ എ​ന്ന്​ സ​നീ​ഷ്​ കു​മാ​ർ ജോ​സ​ഫി​ന്​ സം​ശ​യം. യു.​ഡി.​എ​ഫി​ന്‍റെ കാ​ല​ത്ത്​ മാ​വേ​ലി​സ്​​റ്റോ​റു​ക​ളി​ൽ കാ​ലി​ച്ചാ​ക്കും പെ​രു​ച്ചാ​ഴി​ക​ളും​മാ​ത്ര​മാ​ണ്​ ഉ​ണ്ടാ​യി​രു​ന്ന​തെ​ന്ന്​ ജി.​എ​സ്. ജ​യ​ലാ​ൽ.

വെ​ള്ളാ​പ്പ​ള്ളി ന​ടേ​ശ​ന്‍റെ വി​വാ​ദ പ​രാ​മ​ർ​ശ​ങ്ങ​ളെ അ​തി​ശ​ക്ത​മാ​യി എ.​കെ.​എം. അ​ഷ​റ​ഫ്​ ചോ​ദ്യം ചെ​യ്തു. വി​വി​ധ മേ​ഖ​ല​ക​ളി​ലെ ക​ണ​ക്ക്​ നി​ര​ത്തി വാ​ദി​ച്ചു. വ​ർ​ഗീ​യ ധ്രു​വീ​ക​ര​ണ പ്ര​സം​ഗ​മാ​ണ്​ അ​ഷ​റ​ഫ്​ ന​ട​ത്തി​യ​തെ​ന്നാ​യി ഡി.​കെ. മു​ര​ളി. കാ​ഫി​ർ പ്ര​യോ​ഗ​ത്തി​ന്‍റെ ഉ​പ​ജ്ഞാ​താ​വി​നെ എ​ന്തു​കൊ​ണ്ട്​ പി​ടി​ക്കു​ന്നി​ല്ല എ​ന്ന്​ ടി. ​സി​ദ്ദീ​ഖി​ന്​ അ​റി​യ​ണ​മാ​യി​രു​ന്നു. മു​ട​ക്കോ​ഴി മ​ല​യി​ൽ​നി​ന്ന്​ കൊ​ടി​സു​നി​യെ പി​ടി​ച്ച തി​രു​വ​ഞ്ചൂ​രി​ന്​ ആ​ഭ്യ​ന്ത​ര വ​കു​പ്പ്​ ഒ​രു പ​ത്ത്​​ മി​നി​റ്റ്​ ന​ൽ​കാ​മോ?.