കണ്ണൂർ വിമാനത്താവളം 108 ഏക്കർ കൂടി ഏറ്റെടുക്കും

തി​രു​വ​ന​ന്ത​പു​രം: ക​ണ്ണൂ​ര്‍ അ​ന്താ​രാ​ഷ്​​​ട്ര വി​മാ​ന​ത്താ​വ​ള വി​ക​സ​ന​ത്തി​ന്​ 108 ഏ​ക്ക​ർ ഭൂ​മി കൂ​ ടി ഏ​റ്റെ​ടു​ക്കാ​ൻ മ​ന്ത്രി​സ​ഭ യോ​ഗം അ​നു​മ​തി ന​ൽ​കി. മെ​യി​ൻ​റ​ന​ന്‍സ്, റി​പ്പ​യ​ര്‍ ആ​ൻ​ഡ്​ ഓ​വ​ര്‍ഹോ ​ള്‍ (എം.​ആ​ര്‍.​ഒ) സം​വി​ധാ​നം, പ്ര​തി​രോ​ധം എ​ന്നി​വ​ക്കും റ​ൺ​വേ വി​ക​സ​ന​ത്തി​നും സ്ഥ​ലം ഏ​റ്റെ​ടു​ക്കും. എം.​ആ​ര്‍.​ഒ​ക്ക്​ 60 ഏ​ക്ക​റും ഭൂ​മി വി​ക​സി​പ്പി​ക്കു​ന്ന​തി​നും ച​രി​വ് ന​ല്‍കു​ന്ന​തി​നു​മാ​യി 23 ഏ​ക്ക​റും റ​ൺ​വേ​യു​ടെ ദൈ​ര്‍ഘ്യം വ​ര്‍ധി​പ്പി​ക്കു​ന്ന​തി​ന് 25 ഏ​ക്ക​റും ഉ​ള്‍പ്പെ​ടെ​യാ​ണ്​ 108 ഏ​ക്ക​ര്‍ ഭൂ​മി കി​ന്‍ഫ്ര മു​ഖേ​ന സ​ര്‍ക്കാ​ര്‍ ഏ​റ്റെ​ടു​ക്കു​ക.

മ​റ്റ്​ തീ​രു​മാ​ന​ങ്ങ​ൾ
•മ​ല​ബാ​ര്‍ കാ​ന്‍സ​ര്‍ സ​െൻറ​റി​ലെ നോ​ണ്‍ അ​ക്കാ​ദ​മി​ക് വി​ഭാ​ഗം ജീ​വ​ന​ക്കാ​രു​ടെ ശ​മ്പ​ള പ​രി​ഷ്ക​ര​ണം ന​ട​പ്പാ​ക്കി​യ ഉ​ത്ത​ര​വി​ലെ അ​പാ​ക​ത പ​രി​ഹ​രി​ക്കും. ​െല​ക്ച​റ​ര്‍ ത​സ്തി​ക​ക​ള്‍ക്കു​കൂ​ടി ശ​മ്പ​ള പ​രി​ഷ്ക​ര​ണം അ​നു​വ​ദി​ക്കും. ന​ഴ്സി​ങ്​ അ​സി​സ്​​റ്റ​ൻ​റു​മാ​ര്‍ക്ക് ധ​ന​കാ​ര്യ വ​കു​പ്പി‍​െൻറ നി​ബ​ന്ധ​ന​ക​ള്‍ക്ക് വി​ധേ​യ​മാ​യി പു​തു​ക്കി​യ ശ​മ്പ​ള സ്കെ​യി​ല്‍ അ​നു​വ​ദി​ക്കും.
•ഓ​ഖി ദു​ര​ന്ത​ത്തി​ല്‍ തി​രു​വ​ന​ന്ത​പു​രം ജി​ല്ല​യി​ല്‍ മ​ര​ണ​പ്പെ​ടു​ക​യോ കാ​ണാ​താ​വു​ക​യോ ചെ​യ്ത മ​ത്സ്യ​ത്തൊ​ഴി​ലാ​ളി​ക​ളു​ടെ ഭൂ​ര​ഹി​ത- ഭ​വ​ന​ര​ഹി​ത​രാ​യ 32 കു​ടും​ബ​ങ്ങ​ൾ​ക്ക്​ ഭൂ​മി വാ​ങ്ങി വീ​ട്​ നി​ർ​മി​ക്കാ​ൻ മ​ന്ത്രി​സ​ഭ യോ​ഗം അ​നു​മ​തി ന​ൽ​കി. ഭ​വ​ന​ര​ഹി​ത​രാ​യ ആ​റു​പേ​ര്‍ക്ക് ഭ​വ​ന​നി​ർ​മാ​ണ​ത്തി​നും തു​ക അ​നു​വ​ദി​ച്ചു. ഇ​തി​ന്​ 3.44 കോ​ടി രൂ​പ ഓ​ഖി ഫ​ണ്ടി​ല്‍നി​ന്നും ഭ​വ​ന പ​ദ്ധ​തി​ക്കാ​യി അ​നു​വ​ദി​ച്ച 7.41 കോ​ടി രൂ​പ​യി​ല്‍ ബാ​ക്കി​യു​ള്ള തു​ക​യി​ല്‍നി​ന്നും അ​നു​വ​ദി​ക്കും.
•നി​പ വൈ​റ​സ് ബാ​ധ​യു​ടെ ഇ​ന്‍ഡ​ക്സ് കേ​സാ​യി മ​രി​ച്ച സാ​ബി​ത്തി‍​െൻറ കു​ടും​ബ​ത്തി​ന് അ​ഞ്ചു​ല​ക്ഷം രൂ​പ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ല്‍നി​ന്ന്​ അ​നു​വ​ദി​ക്കും.
•എ​റ​ണാ​കു​ളം വ​ട​ക്കേ​ക്കോ​ട്ട​യി​ല്‍ മെ​ട്രോ സ്​​റ്റേ​ഷ​ന്‍ നി​ര്‍മി​ക്കാ​നും സ്​​റ്റേ​ഷ​ന്‍ പ​രി​ധി​യി​ലു​ള്ള ഭൂ​മി​യു​ടെ വി​ക​സ​ന​ത്തി​നു​മാ​യി 0.9676 ഹെ​ക്ട​ര്‍ ഭൂ​മി ഏ​റ്റെ​ടു​ക്കാ​ൻ അ​നു​മ​തി ന​ല്‍കി.