കണ്ണൂർ വി.സിയുടെ പുനർനിയമനം: കോടതിക്ക്​ മുമ്പിൽ യഥാർഥ വിവരങ്ങൾ എത്തിയി​ല്ലെന്ന് വി.ഡി​ സതീശൻ

തിരുവനന്തപുരം: കണ്ണൂർ വി.സിയുടെ പുനർനിയമനത്തിനെതിരായ ഹരജി ഹൈകോടതി തള്ളിയതിന്​ പിന്നാലെ ഇക്കാര്യത്തിൽ പ്രതികരണവുമായി പ്രതിപക്ഷ നേതാവ്​ വി.ഡി.സതീശൻ. ഹരജിയിൽ ഹൈക്കോടതിക്ക് മുമ്പിൽ യഥാർത്ഥ വിവരങ്ങൾ എത്തിയില്ലെന്ന് സതീശൻ പറഞ്ഞു.

ഇതുമായി ബന്ധപ്പെട്ട് തെളിവുകൾ പുറത്ത് വരുന്നതിന് മുമ്പ് നൽകിയ ഹരജിയാണിത്. ഇതിന്‍റെ അടിസ്ഥാനത്തിലാണ്​ സിംഗിൾ ​െബഞ്ച്​ ഉത്തരവ്​ പുറത്ത്​ വന്നത്​. നിയമനം തെറ്റാണെന്ന ഗവർണറുടെ കുറ്റസമ്മതവും, ഉന്നതവിദ്യാഭ്യാസ മന്ത്രി ആർ.ബിന്ദു മുഖ്യമന്ത്രിക്ക് എഴുതിയ കത്തുമുൾപ്പെടെ പുതിയ തെളിവുകൾ നിലവിലുണ്ട്. അതു കൂടി പരിഗണിച്ചായിരിക്കും ഡിവിഷൻ ബെഞ്ചിലേക്ക് പോകുന്നത്. അതുകൊണ്ട്​ സിംഗിൾ ബെഞ്ച്​ ഉത്തരവ്​ കാര്യമാക്കുന്നില്ലെന്നും സതീശൻ പറഞ്ഞു.

പുതിയ സാഹചര്യങ്ങൾ കൂടി കോടതി പരിഗണിക്കണം. കേസിൽ സത്യവാങ്മൂലം ഗവർണർ സമർപ്പിച്ചതിന് ശേഷമാണ് ഗവർണർ തന്നെ വിവാദമാക്കുന്നതെന്നും വി ഡി സതീശൻ പറഞ്ഞു. കണ്ണൂർ വി.സിയായി ഗോപിനാഥ്​ രവീന്ദ്രനെ നിയമിച്ചതിനെതിരായ ഹരജികൾ ഹൈകോടതി ഫയലിൽ സ്വീകരിക്കാതെ തള്ളിയിരുന്നു. ഇതിന്​ പിന്നാലെ സിംഗിൾ ബെഞ്ച്​ ഉത്തരവിനെതിരെ ഡിവിഷൺ ബെഞ്ചിനെ സമീപിക്കുമെന്ന്​ ഹരജിക്കാർ വ്യക്​തമാക്കിയിരുന്നു.