ഷുഹൈബ് വധം: അന്വേഷണത്തിന് പുതിയ സംഘമെന്ന്​ ബെഹ്‌റ

തിരുവനന്തപുരം:  യൂത്ത് കോൺഗ്രസ് നേതാവ് ഷുഹൈബ്​ കൊല്ലപ്പെട്ട കേസ്​ പ്രത്യേക സംഘം അന്വേഷിക്കുമെന്ന് ഡി.ജി.പി ലോക്‌നാഥ് ബെഹ്‌റ. ഐ.ജി മഹിപാല്‍ യാദവി​​​​െൻറ നേതൃത്വത്തിലുള്ള പ്രത്യേക സംഘത്തിനാണ് അന്വേഷണ ചുമതല. നിലവിൽ കേസുമായി ബന്ധപ്പെട്ട അന്വേഷണം ശരിയായ ദിശയിലാണെന്നും ബെഹ്‌റ പറഞ്ഞു. ​

അറസ്​റ്റിലായിരിക്കുന്നത്​ ഡമ്മി പ്രതികളാണെന്ന ഡി.സി.സി പ്രസി‍ഡന്‍റിന്‍റെ ആരോപണങ്ങള്‍ അടിസ്ഥാന രഹിതമാണ്.  കേസ് താന്‍ നേരിട്ട് വീക്ഷിക്കുന്നുണ്ട്. അന്വേഷണവുമായി ബന്ധപ്പെട്ട പരാതികളും പുതിയ അന്വേഷണസംഘം പരിശോധിക്കുമെന്നും അദ്ദേഹം വ്യക്തമാക്കി.