കാറപകടത്തിൽ കാരാട്ട് റസാഖ് എം.എൽ.എയുടെ സഹോദരൻ മരിച്ചു
text_fieldsതാമരശ്ശേരി: കാരാട്ട് റസാഖ് എം.എല്.എയുടെ സഹോദരനും പരേതനായ കാരാട്ട് മുഹമ്മദ് ഹാജിയുടെ മകനുമായ കാരാട്ട് (46) താമരശ്ശേരി ചുങ്കത്തുണ്ടായ വാഹനാപകടത്തില് മരിച്ചു. വെള്ളിയാഴ്ച പുലര്ച്ച രണ്ടു മണിയോടെയാണ് അപകടം. വയനാട്ടിൽനിന്ന് സുഹൃത്ത ്പാലക്കുറ്റി കെ.ടി. ഹാരിസിനൊപ്പം കൊടുവള്ളിയിലെ വീട്ടിലേക്ക് വരുമ്പോള് ഇവര് സഞ്ചരിച്ച കാറില് ചേളാരിയില്നിന്ന് ഗ്യാസ് സിലിണ്ടറുകളുമായി വയനാട്ടിലേക്കു പോവുകയായിരുന്ന ലോറി ഇടിക്കുകയായിരുന്നു. അപകടത്തില് ഗുരുതര പരിക്കേറ്റ ഗഫൂറിനെ കോഴിക്കോട് മെഡിക്കല് കോളജിൽ കൊണ്ടുപോകുന്നതിനിടെ മരിക്കുകയായിരുന്നു.
![Accident Accident](https://www.madhyamam.com/sites/default/files/Accident_18.jpg)
ഗുരുതര പരിക്കേറ്റ ഹാരിസിനെ കോഴിക്കോട്ടെ സ്വകാര്യ ആശുപത്രിയില് പ്രവേശിപ്പിച്ചു. ഖത്തറിലായിരുന്ന കാരാട്ട് റസാഖ് എം.എല്.എ നാട്ടിലെത്തിയ ശേഷം വെള്ളിയാഴ്ച രാത്രി 10 മണിയോടെ കൊടുവള്ളി കാട്ടില്പള്ളി ജുമാമസ്ജിദ് ഖബർസ്ഥാനില് കബറടക്കി. മാതാവ്: പാത്തൈ ഹജ്ജുമ്മ. ഭാര്യ: സൈഫുന്നിസ. മക്കള്: സിസിന, സിന്ഷിന, ഖദീജ നൈബീസ്. മരുമകന്: വഫീഖ് ചെറുവണ്ണൂര്, മറ്റു സഹോദരങ്ങള്: സലീം കാരാട്ട്, ശംസുദ്ദീന്, സക്കീന, സുലൈഖ, ജുമൈല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.