കരിപ്പൂർ: അനുമതി ലഭിച്ചിട്ടും സർവിസുകൾ പുനരാരംഭിക്കാതെ എയർഇന്ത്യയും എമിറേറ്റ്​സും

കരിപ്പൂർ: കോഴിക്കോട്​ വിമാനത്താവളത്തിൽനിന്ന്​ വലിയ വിമാനങ്ങളുടെ സർവിസിന്​ അനുമതി ലഭിച്ചിട്ടും പുനരാരംഭി ക്കാതെ എയർഇന്ത്യയും എമി​േററ്റ്​സും. 2015 മേയ്​ ഒന്ന്​ മുതൽ നിർത്തലാക്കിയ സർവിസുകൾ പുനരാരംഭിക്കാൻ​ ജൂ​ൈല ആദ്യവാ രമാണ്​ ഡയറക്​ടറേറ്റ്​ ജനറൽ ഓഫ്​ സിവിൽ ഏവിയേഷൻ (ഡി.ജി.സി.എ) അനുമതി നൽകിയത്​. കോഡ് ഇ വിഭാഗത്തിൽ ബി 747-400, ബി 777-300 ഇ.ആർ, ബി 7 77-200 എൽ.ആർ, ബി 787-8 ഡ്രീംലൈനർ വിമാനങ്ങളുടെ സർവിസിനാണ് എയർഇന്ത്യക്ക് അനുമതി നൽകിയിരിക്കുന്നത്. ജിദ്ദ, റിയാദ് സെക്ടറി ലായിരിക്കും സർവിസ്. ആദ്യഘട്ടത്തിൽ 423 പേർക്ക് സഞ്ചരിക്കാവുന്ന ബി 747-400 ഉപയോഗിച്ച് ജിദ്ദയിലേക്കായിരിക്കും സർവിസെ ന്നായിരുന്നു എയർഇന്ത്യ പ്രഖ്യാപനം. കോഴിക്കോട്-ദുബൈ സെക്ടറിൽ ബി 777-300 ഇ.ആർ, ബി 777-200 എൽ.ആർ എന്നിവ ഉപയോഗിച്ച് സർവിസ് നടത്താനാണ് എമിറേറ്റ്സിന് എൻ.ഒ.സി ലഭിച്ചത്.

ഹജ്ജ്​ സർവിസ്​ അവസാനിച്ചശേഷം ജിദ്ദയിലേക്ക്​ സർവിസ്​ പുനരാരംഭിക്കുമെന്നായിരുന്നു എയർഇന്ത്യ നേരത്തേ അറിയിച്ചത്​. ഹജ്ജ്​ അവസാനിച്ചിട്ടും നടപടികളൊന്നും ആരംഭിച്ചിട്ടില്ല. എമിറേറ്റ്​സ്​ ആഴ്​ചയിൽ 2,500 സീറ്റ്​ വർധിപ്പിക്കാൻ​ കേന്ദ്ര വ്യോമയാന മന്ത്രാലയത്തിനോട്​ ആവശ്യപ്പെ​ട്ടെങ്കിലും അനുകൂല തീരുമാനമുണ്ടായിട്ടില്ല. സീറ്റ്​ വർധിപ്പിച്ചശേഷം സർവിസ്​ ആരംഭിക്കാമെന്നാണ്​ എമിറേറ്റ്​സ്​ നിലപാട്​. ഉംറ സീസൺ ആരംഭിച്ചാൽ ജിദ്ദ ​െസക്​ടറിൽ വൻതിരക്കുണ്ടാകും. നിലവിൽ ജിദ്ദയിലേക്ക്​ സൗദി എയർലൈൻസും സ്​പൈസ്​ ജെറ്റും മാത്രമാണ്​ സർവിസ്​ നടത്തുന്നത്​. സ്​പൈസ്​ ജെറ്റി​േൻറത്​ ചെറിയ വിമാനമാണ്​. എയർഇന്ത്യയുടെ വലിയ വിമാനങ്ങളുടെ സർവിസ്​ പുനരാരംഭിച്ചാലേ െസക്​ടറിൽ തിരക്ക്​ കുറക്കാനാകൂ. നിലവിൽ ജിദ്ദയിലേക്ക്​ നേരിട്ടുള്ള വിമാനം കുറവായതിനാൽ ഉംറ തീർഥാടകർ അബൂദബി, മസ്​കത്ത്​ വഴിയാണ്​ യാത്ര ചെയ്യുന്നത്​​. ഇതിന്​ കൂടുതൽ സമയം എടുക്കും. ഫ്ലൈ നാസും സർവിസ്​ ആരംഭിക്കുന്നുണ്ടെങ്കിലും ഇത്​ റിയാദിലേക്കായതിനാൽ ഉംറ തീർഥാടകർക്ക്​ ഉപകാരപ്പെടില്ല.

കാർഗോ സർചാർജ്​ വർധിപ്പിച്ചു; ഷാർജ, ദുബൈ ​​െസക്​ടറിൽ ചരക്കുനീക്കം നിർത്തി
കരിപ്പൂർ: കോഴിക്കോട്​ വിമാനത്താവളത്തിൽനിന്ന്​ ഷാർജ, ദുബൈ സെക്​ടറുകളിലേക്കുള്ള കാർഗോ സർചാർജ്​ എയർഇന്ത്യയും എയർഇന്ത്യ എക്​സ്​പ്രസും വർധിപ്പിച്ചു. തീരുമാനത്തിൽ പ്രതിഷേധിച്ച്​ ഞായറാഴ്​ച മുതൽ ഈ വിമാനങ്ങളി​ൽ ദുബൈ, ഷാർജ എന്നിവിടങ്ങളിലേക്കുള്ള ചരക്കുനീക്കം നിർത്തി. എക്​സ്​പോ​ർ​ട്ടേഴ്​സ്​ അസോസിയേഷ​​െൻറ തീരുമാനപ്രകാരമാണിത്​​. കരിപ്പൂരിൽ മാത്രമാണ്​ സർചാർജ്​ വർധിപ്പിച്ചത്​. യു.എ.ഇയിൽ തന്നെ മറ്റിടങ്ങളി​ലേക്കുള്ള നിരക്കുകളും വർധിപ്പിച്ചിട്ടില്ല. നേര​േത്ത കിലോക്ക്​ 42 രൂപയായിരുന്നു ഈടാക്കിയത്​. ഇത്​ ഒറ്റയടിക്ക്​ 53 രൂപയായാണ്​ വർധിപ്പിച്ചത്​.

പ്രധാനമായും പഴം, പച്ചക്കറി ഉൽപന്നങ്ങളുടെ കയറ്റുമതിയെയാണ്​ നിരക്കുവർധന ബാധിച്ചത്​. നിലവിൽ എയർഇന്ത്യ ഷാർജ, ദുബൈ ​െസക്​ടറിൽ ഓരോ സർവിസ്​ വീതവും എയർഇന്ത്യ എക്​സ്​പ്രസ്​ ദുബൈയിലേക്ക്​ രണ്ടും ഷാർജയിലേക്ക്​ ഒരു സർവിസുമാണ്​ പ്രതിദിനം നടത്തുന്നത്​. ഒാരോ വിമാനത്തിലും മൂന്നു​ ടൺ വരെയാണ്​ കയറ്റുമതി​യുണ്ടായിരുന്നത്​. ഓരോ ദിവസവും 15 ടൺ വരെ കയറ്റുമതിയാണ്​ ഇതോടെ കുറയുക.

കഴിഞ്ഞ രണ്ടു​ സാമ്പത്തിക വർഷങ്ങളിൽനിന്ന്​ വ്യത്യസ്​തമായി ഇക്കുറി കരിപ്പൂരിൽനിന്നുള്ള ചരക്കുനീക്കത്തിൽ വൻ പുരോഗതിയാണുണ്ടായിരുന്നത്​. ഏപ്രിൽ മുതൽ ജൂൺ വരെ അന്താരാഷ്​ട്ര, ആഭ്യന്തര കാർഗോയിൽ 107.1 ശതമാനം വർധന​. നിശ്ചിത കാലയളവിൽ 7,291 ടൺ ചരക്കുനീക്കമാണ്​ കരിപ്പൂരിൽ നടന്നത്​. ഇതിനുമുമ്പ്​ 2012-13ലാണ്​ ഏപ്രിൽ മുതൽ ജൂൺ വരെയുള്ള കാലയളവിൽ ചരക്കുനീക്കം 7,000 ടണ്ണിന്​ മുകളിലെത്തിയത്​. അന്ന്​ 7,621 ടണ്ണായിരുന്നു ഉണ്ടായിരുന്നത്​. എയർഇന്ത്യ, എമിറേറ്റ്​സ്​, സൗദി എയർലൈൻസ്​ കമ്പനികളുടെ നിരവധി വലിയ വിമാന സർവിസുകളുള്ള സമയത്തായിരുന്നു ഉയർന്ന വർധന​.