കരിപ്പൂരിൽ ഒരു കോടിയുടെ സ്വർണം പിടികൂടി

കൊണ്ടോട്ടി: ഇലക്​ട്രോണിക്​സ്​ ഉപകരണങ്ങൾക്കുള്ളിൽ​ ഒളിപ്പിച്ച്​ കടത്താൻ ശ്രമിച്ച ഒരു കോടി രൂപയുടെ സ്വർണം എയർ കസ്​റ്റംസ്​ ഇൻറലിജൻസ്​ കരിപ്പൂർ വിമാനത്താവളത്തിൽ പിടികൂടി. ത​ലശ്ശേരി പൊന്നിയം വെസ്​റ്റ്​ ഹെന്നയിൽ കെ. മുഹമ്മദ്​ നഗാഷിനെ (24) അറസ്​റ്റ്​ ചെയ്​തു.

3.370 കിലോ​​ഗ്രാം സ്വർണമാണ്​​ പിടികൂടിയത്​. ചൊവ്വാഴ്​ച പുലർച്ചെ മൂന്നിന്​ ഷാർജയിൽ നിന്നുള്ള എയർ അറേബ്യ വിമാനത്തിലാണ്​ ഇയാൾ കരിപ്പൂരിലെത്തിയത്​. യു.പി.എസി​​െൻറയും ബാറ്ററി ചാർജറി​​െൻറയും രണ്ട്​ ​ട്രാൻസ്​ഫോർമറുകൾക്കുള്ളിൽ ഒളിപ്പിച്ച നിലയിലായിരുന്നു സ്വർണം. ട്രാൻസ്​ഫോർമറുകൾക്കകത്തെ പാനൽ മാറ്റി പകരം സ്വർണത്തി​​െൻറ പാനലുകളാണുണ്ടായിരുന്നത്​. ട്രാൻസ്​ഫോർമർ പൊളിച്ചാണ്​ സ്വർണം പുറത്തെടുത്തത്​​. 86 ഗ്രാം വീതമുള്ള 39 കഷ്​ണങ്ങളാണുണ്ടായിരുന്നത്​. ഇയാളെ എറണാകുള​ത്തെ സാമ്പത്തിക കുറ്റകൃത്യ കോടതിയിൽ ഹാജരാക്കി.

അസി. കമീഷണർ രാജേന്ദ്ര ബാബു, സൂപ്രണ്ടുമാരായ പി.കെ. ഷാനവാസ്​, ബഷീർ അഹ്​മദ്​, മുഹമ്മദ്​ അഷ്​റഫ്​, വി. മുരളീധരൻ, ഇൻറലിജൻസ്​ ഒാഫിസർമാരായ ദിനേഷ്​ കുമാർ, സന്ദീപ്​ നൈൻ, എൻ.പി. ഗോപിനാഥ്​ എന്നിവരടങ്ങിയ സംഘമാണ്​ സ്വർണം പിടികൂടിയത്​.