ചലനമറ്റ്​ കെ.എ.എസ്​; ആശങ്കയിൽ ഉദ്യോഗാർഥികൾ

തി​രു​വ​ന​ന്ത​പു​രം: കേ​ര​ള​ത്തി​ന്‍റെ സ്വ​ന്തം സി​വി​ൽ സ​ർ​വി​സ് എ​ന്ന വി​ശേ​ഷ​ണ​വു​മാ​യി പി​ണ​റാ​യി സ​ർ​ക്കാ​ർ അ​വ​ത​രി​പ്പി​ച്ച കേ​ര​ള അ​ഡ്മി​നി​സ്ട്രേ​റ്റി​വ് സ​ർ​വി​സ് (കെ.​എ.​എ​സ്) ഇ​ഴ​യു​ന്നു. ആ​ദ്യ വി​ജ്ഞാ​പ​നം പ്ര​സി​ദ്ധീ​ക​രി​ച്ച് നാ​ല​ര വ​ർ​ഷം പി​ന്നി​ട്ടി​ട്ടും പു​തി​യ ഒ​ഴി​വു​ക​ൾ റി​പ്പോ​ർ​ട്ട് ചെ​യ്യാ​നോ ര​ണ്ടാം വി​ജ്ഞാ​പ​നം പ്ര​സി​ദ്ധീ​ക​രി​ക്കാ​നോ സ​ർ​ക്കാ​റി​നും പി.​എ​സ്.​സി​ക്കു​മാ​കു​ന്നി​ല്ല. കെ.​എ.​എ​സ് തു​ട​ങ്ങാ​ൻ കാ​ണി​ച്ച ആ​ത്മാ​ർ​ഥ​ത തു​ട​ർ​ന്നു​കാ​ണി​ക്കാ​ൻ സ​ർ​ക്കാ​ർ ത​യാ​റാ​കാ​തെ വ​ന്ന​തോ​ടെ ഉ​ദ്യോ​ഗാ​ർ​ഥി​ക​ളും സ​ർ​ക്കാ​ർ ഉ​ദ്യോ​ഗ​സ്ഥ​രി​ൽ ഒ​രു വി​ഭാ​ഗ​വും ആ​ശ​ങ്ക​യി​ലാ​ണ്. 2019 ന​വം​ബ​ർ ഒ​ന്നി​നാ​യി​രു​ന്നു ആ​ദ്യ വി​ജ്ഞാ​പ​നം. ര​ണ്ടു​വ​ർ​ഷ​ത്തി​ലൊ​രി​ക്ക​ൽ വി​ജ്ഞാ​പ​നം പ്ര​സി​ദ്ധീ​ക​രി​ക്ക​ണ​മെ​ന്നാ​ണ് കെ.​എ.​എ​സ് സ്പെ​ഷ​ൽ​റൂ​ളി​ലു​ള്ള​ത്. ഇ​തു​പ്ര​കാ​രം 2021ൽ ​ര​ണ്ടാം വി​ജ്ഞാ​പ​നം ഇ​റ​ങ്ങേ​ണ്ട​താ​യി​രു​ന്നു.

കോ​വി​ഡി​നെ തു​ട​ർ​ന്ന് മൂ​ല്യ​നി​ർ​ണ​യ ന​ട​പ​ടി നീ​ണ്ട​തോ​ടെ 2021 ഒ​ക്ടോ​ബ​ർ എ​ട്ടി​നാ​ണ് ആ​ദ്യ റാ​ങ്ക് ലി​സ്റ്റ് പു​റ​ത്തി​റ​ക്കാ​നാ​യ​ത്. 105 ത​സ്തി​ക​ക​ളാ​ണ് ആ​ദ്യ കെ.​എ.​എ​സി​ലേ​ക്ക് ക​ണ്ടെ​ത്തി​യ​ത്. ഇ​തി​നു​ശേ​ഷം ഒ​റ്റ ഒ​ഴി​വു​പോ​ലും സൃ​ഷ്ടി​ക്കാ​നാ​യി​ട്ടി​ല്ല. ഒ​രു​വ​ർ​ഷം മാ​ത്രം കാ​ലാ​വ​ധി​യു​ള്ള റാ​ങ്ക് ലി​സ്റ്റ് 2022 ഒ​ക്ടോ​ബ​ർ ഏ​ഴി​ന് അ​വ​സാ​നി​ച്ചു. ചി​ല ത​സ്തി​ക​ക​ളി​ൽ ഭാ​വി​യി​ൽ ഉ​ണ്ടാ​കു​ന്ന ഒ​ഴി​വി​ലേ​ക്ക് (ആ​ന്‍റി​സി​പ്പേ​റ്റ​റി വേ​ക്ക​ൻ​സി) പി.​എ​സ്.​സി വി​ജ്ഞാ​പ​നം പ്ര​സി​ദ്ധീ​ക​രി​ക്കാ​റു​ണ്ടെ​ങ്കി​ലും കെ.​എ.​എ​സി​ൽ അ​ങ്ങ​നെ​വേ​ണ്ടെ​ന്നാ​ണ് സ​ർ​ക്കാ​ർ നി​ർ​ദേ​ശം. പു​തി​യ ഒ​ഴി​വു​ക​ൾ ക​ണ്ടെ​ത്താ​ൻ സ​ർ​ക്കാ​ർ വൈ​കു​ന്ന​തും കെ.​എ.​എ​സ് സ്​​പെ​ഷ​ൽ റൂ​ൾ​സ് അ​പാ​ക​ത​ക​ൾ പ​രി​ഹ​രി​ക്കാ​ൻ ക​ഴി​യാ​ത്ത​തു​മാ​ണ് വി​ജ്ഞാ​പ​ന​ത്തി​ന് ത​ട​സ്സ​മെ​ന്നാ​ണ് പി.​എ​സ്.​സി വാ​ദം. ഒ​ഴി​വു​ക​ൾ റി​പ്പോ​ർ​ട്ട് ചെ​യ്താ​ൽ ഒ​രു​മാ​സ​ത്തി​നു​ള്ളി​ൽ വി​ജ്ഞാ​പ​നം പ്ര​സി​ദ്ധീ​ക​രി​ക്കാ​മെ​ന്ന നി​ല​പാ​ടി​ലാ​ണ് പി.​എ​സ്.​സി.

ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യ ഉ​ന്ന​താ​ധി​കാ​ര സ​മി​തി 44 ഒ​ഴി​വു​ക​ൾ ക​ണ്ടെ​ത്തി​യെ​ങ്കി​ലും ഇ​വ പി.​എ​സ്.​സി​ക്ക് റി​പ്പോ​ർ​ട്ട് ചെ​യ്യു​ന്ന​തി​ലും തു​ട​ർ​ന​ട​പ​ടി​യു​ണ്ടാ​യി​ല്ല. ഒ​ഴി​വു​ക​ൾ റി​പ്പോ​ർ​ട്ട് ചെ​യ്യ​ണ​മെ​ന്ന്​ ആ​വ​ശ്യ​പ്പെ​ട്ട് പ​ല വ​കു​പ്പു​ക​ൾ​ക്കും പൊ​തു​ഭ​ര​ണ​വ​കു​പ്പ് നോ​ട്ടീ​സ് ന​ൽ​കി​യെ​ങ്കി​ലും ഭൂ​രി​പ​ക്ഷം വ​കു​പ്പ് മേ​ധാ​വി​ക​ളും ഒ​ഴി​വു​ക​ൾ അ​റി​യി​ച്ചി​ട്ടി​ല്ല. സെ​ക്ര​ട്ടേ​റി​യ​റ്റി​ലെ ചി​ല ഡെ​പ്യൂ​ട്ടേ​ഷ​ൻ ഒ​ഴി​വു​ക​ൾ കെ.​എ.​എ​സി​ലേ​ക്ക് മാ​റ്റാ​ൻ ധാ​ര​ണ​യാ​യെ​ങ്കി​ലും ഉ​ദ്യോ​ഗ​സ്ഥ​രു​ടെ താ​ൽ​പ​ര്യ​ക്കു​റ​വ് മൂ​ലം ന​ട​പ​ടി​ക​ൾ മു​ന്നോ​ട്ടു​പോ​യി​ല്ല. പൊ​തു​മേ​ഖ​ല സ്ഥാ​പ​ന​ങ്ങ​ൾ, സ്വ​യം​ഭ​ര​ണ സ്ഥാ​പ​ന​ങ്ങ​ൾ, സ​ർ​ക്കാ​ർ മി​ഷ​നു​ക​ൾ എ​ന്നി​വ​യി​ലെ മ​ധ്യ​ത​ല മാ​നേ​ജീ​രി​യ​ൽ ത​സ്തി​ക​ക​ളും കെ.​എ.​എ​സി​ലേ​ക്ക് മാ​റ്റാ​ൻ ആ​ദ്യ​ഘ​ട്ട​ത്തി​ൽ ധാ​ര​ണ​യാ​യി​രു​ന്നെ​ങ്കി​ലും പി​ന്നീ​ട് അ​തെ​ല്ലാം ജ​ല​രേ​ഖ​യാ​യി മാ​റി.