കുടിവെള്ള പ്രശ്നമുന്നയിച്ച വിദ്യാർഥികളെ പൂട്ടിയിട്ടെന്ന പരാതി; കാസർകോഡ് ഗവ. കോളജ് പ്രിൻസിപ്പലിനെ ചുമതലയിൽനിന്ന് നീക്കാൻ നിർദേശം

തിരുവനന്തപുരം: കാസർകോഡ് ഗവ. കോളജ് പ്രിൻസിപ്പൽ ചുമതലയിൽനിന്ന് എൻ. രമയെ നീക്കാൻ ഉന്നത വിദ്യാഭ്യാസ-സാമൂഹികനീതി മന്ത്രി ഡോ. ആർ. ബിന്ദു നിർദേശം നൽകി. കാമ്പസിലെ കുടിവെള്ള പ്രശ്നമുന്നയിച്ച വിദ്യാർഥികളെ പ്രിൻസിപ്പൽ ചേംബറിൽ പൂട്ടിയിട്ടെന്ന പരാതിയെത്തുടർന്നാണ് നടപടി. കോളജ് വിദ്യാഭ്യാസ ഡയറക്ടർക്ക് ഇതിനാവശ്യമായ നിർദേശം നൽകാൻ പ്രിൻസിപ്പൽ സെക്രട്ടറിയെ ചുമതലപ്പെടുത്തി.